2 Timoteo 4:8 - Qullan Arunaka DC

⁸ Jichhax mä suma pilluw suyt'askitu, chiqapar taripir Tatituw khä urun churitani. Janiw naya saparukit churkitani, jan ukasti, taqi khitinakatix munasiñampi Tatitun jutañap suyt'asipki ukanakarux churarakiniwa.

Aymar Bibliia 1986

⁸ Jichhajj suma coronaw suyasquitu, qhä urunwa chekapar uñjir Tatitojj churitani, cawquïritejj chekap taripirïqui ucajja. Janiw naya saparuquiti churquitani, jan ucasti take qhitinacatejj munasiñampi Tatitun jutañap suyt'asipqui ucanacarojj churaraquiniwa.

Qullan Arunaca

⁸ Jichhajj suma coronaw suyasquitu, qhä urunwa chekapar uñjir Tatitojj churitani, cawquïritejj chekap taripirïqui ucajja. Janiw naya saparuquiti churquitani, jan ucasti take qhitinacatejj munasiñampi Tatitun jutañap suyt'asipqui ucanacarojj churaraquiniwa.

2 Timoteo 4:8 Jak'a apnaqawi uñst'ayäwi

Génesis 18:25

¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.

Salmos 31:19

19 (20) ¡Tatay, kunja jach'as munasiñamax jumar waqaychirinakatakixa! Mä qurïkaspas ukham imtaxa, jumar katuyasirinakarusti, taqin uñjkañaw munasiñam lakirpaytaxa.

Salmos 7:11

11 (12) Tatitux chiqapar uñjir taripiriwa, jucharar jaqirux mutuyapuniwa.

Proverbios 4:9

¡p'iqimarux suma munkañ k'achachani, ukampiw munkay pillu uchani!” sasa.

Malaquías 3:17

Taqi ch'aman Tatitux siwa: “Niyaw urux purisinki, jupanakax wasitat nayankxani uka uruxa. Jupanakax nayatakix mä suma imat qurïkaspas ukhamäniwa, janiw kunampis jupanakar ñanqhachkäti; kunjämtix mä awkix wawapat khuyapayaski ukhamaw jupanakat khuyapayasirakï.

Mateo 24:36

“Ukampis kuna pachäkanitixa, jan ukax, kuna urükanitix uk janiw khitis yatkiti, janiw alaxpachankir angelanakas yatkiti, janirakiw Diosan Yuqapas yatkiti, jan ukasti Dios Awki sapakiw yati.

Mateo 7:22

Khä urunxa, waljaniw sapxitani: ‘Tatay, Tatay, nanakax sutimaruw parlapxäyäta, sutimaruw ñanqha ajayunakar jaqsupxäyäta, ukatsti sutimxarurakiw walja muspharkañanak lurapxäyäta’ sasa.

Lucas 10:12

Sapxsmawa, aka markan taripäwi urun mutuñ katuqañapax, Sodoma markankir jaqinakat sipan juk'amp jach'äniwa.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

Romanos 8:23

Janiw akapach sapaki t'aqhiskiti, jan ukasti, jiwasaxa, Qullan Ajay nayraqat katuqirinakax t'aqhisiraktanwa. Jiwasanakax chuyma manqhisan t'aqhistan Diosan jiwasanakar wawanakapjam katuqatäñas uru suyt'asa, janchinakasax qhispiyat uñjaskani uka uru.

1 Corintios 2:9

Kunjämtix Qillqatan siski: “Jupar munirinakatakixa, Diosax jan khitin uñjata, jan khitin ist'ata, jan khitin amtat yänak wakichi” sasa.

1 Corintios 3:13

ukampis sapa maynin luräwipax taripañ urun qhanpach uñstani; uka urux ninampiw jutani, ukatsti ninax sapa maynin luratap yant'ani.

1 Corintios 9:25

Khitinakatix mä anatañan atipt'añatak wakichasipki ukanakax, kunatix jan walt'aykaspa ukanak q'al apanukupxi. Uksti, mä pillu katuqañatakiw lurapxi, ukat ukspachaw uka pillux pharsuwayxi; ukatsipana, jiwasax jan pharsur pillu katuqañ laykuw jaltanxa.

2 Corintios 5:2

Ukatpï aka utan jakkasax ayqtanxa, mäpit alaxpach utasar sarxañ muntan;

Filipenses 3:11

ukatsti Diosan munañapat jiwatanak taypit jakatatañ munarakta.

Colosenses 1:5

kawkïr suyt'äwitix jumanakatak alaxpachan imatäski uka layku. Uka tuqitsti niyaw ist'apxta kunapachatix Diosan suma yatiyäwi arunakapax arsutäkän ukkhatpacha,

1 Tesalonicenses 1:10

Diosan Jesús Yuqapar alaxpachat kutiniñap suyapkta ukanakata, juparusti Diosaw jiwatanak taypit jaktayäna. Jesusasti, jutkani uka axsarkañ mutuñat qhispiyistu.

1 Tesalonicenses 5:4

Ukampis juma jilatanakax janiw ch'amakankapktati, ukhamat Tatitun kutiniñap urux lunthatar uñtat jan katjayasiskañataki.

2 Tesalonicenses 2:8

Ukatsti uka ñanqha jaqiw uñstanini, juparusti Tatit Jesusax lakapampi phust'asakiw tukjani, ukatsti kunapachatix k'ajkir jutäwipampi jutkan ukkhax jisk'aruw tukuyani.

1 Timoteo 6:19

Ukhamat aski yänakanïpxani, qhipürunsti uka yänakax wiñay jakañ jikxatayarakini.

2 Timoteo 1:10

Jichhasti, Qhispiyir Jesucristos tuqiw uka munasiñapax uñacht'ayasi, jupaw jiwan ch'amap t'unjawayi, suma yatiyäwinak tuqiw wiñay jakañ churawayi.

2 Timoteo 1:12

Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

2 Timoteo 1:18

Taripäwi urunxa Tatitux jupat khuyapt'ayaspan. Jumax askiw yattaxa, Éfeso markan yanapkistän ukanakxa.

2 Timoteo 2:5

Uka pachparakiwa, khititix anatañar uskuski ukax, churäwi katuqañatakix anatañ kamachinakar phuqhañapaw wakisi.

2 Timoteo 4:1

Diosan nayraqatapana, Tatit Jesucriston nayraqatapana, khititix jiwatanakaru, jakirinakaru taripir Reyjam jutkani ukan nayraqatapan wal iwxt'sma,

Tito 2:13

ukatsti kusiskañ suyt'äwimpi jakañas yaticharakistu, jach'a Qhispiyir Tatit Jesucriston kutt'aniñap suyasa.

Hebreos 12:11

Chiqpachansa mutuyäwi katuqtan ukkhax janiw sumäkiti, jan ukasti usustuwa; ukampis maynitix ukham tuqi yatiqchixa, sumankañan jakaña, chiqapan jakañ yatiqaski.

Hebreos 9:28

Ukhamarakiw Cristox mä kutik taqinin juchap pampachañatak t'aqhisis luqtasïna. Uka qhipatsti wasitat uñstanini, janiw juchanak pampachiriti, jan ukasti, jupar suyt'irinakar qhispiyiriw uñstanini.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

1 Pedro 1:4

ukhamarakiw jumanakarux kuntix Tatitux alaxpachan suma churäwi imarapipktam uk katuqayapxätam, ukasti janiw tukjatäkaspati, janiw q'añuchatäkaspasa, janirakiw mä panqarjamas wañskaspati.

1 Pedro 5:4

Ukhamat kunapachatix jach'a Awatirix uñstankan ukkhaxa, jumanakax mä suma churäwi katuqapxäta, ukasti wiñayatakïniwa.

Apocalipsis 1:7

¡Uñtapxam, Cristox qinay patanjam jutaski! Taqi jaqiw jupar uñjani, jupar chhuxriñchirinakas uñjapxaniwa; akapachankir taqpach markanakas jupar uñjasax wal jachapxani. Jïsa. Ukhamäpan.

Apocalipsis 19:11

Ukatsti alaxpach jist'arat uñjta, mä janq'u caballorakiw uñstanïna. Uka caballor lat'xatat jaqisti, Chiqa, Aski, sutinïnwa. Jupasti chiqa kankañampiw apnaqäna, chiqapat nuwasirakïna.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.

Apocalipsis 22:20

Akanak qhanañchiristi siwa: “Nayax jank'akiw jutä” sasa. Ukhamäpan. ¡Tatit Jesús, jutakimaya!

Apocalipsis 4:4

Uka qhapaq qunuñasti pä tunka pusin qhapaq qunuñanakampi muyuntatänwa, uka qunuñanakansti pä tunka pusin jilïrinakaw qunt'atäsipkäna, jupanakasti janq'u isinakanïnwa, p'iqinakapasti quri pillunakan asxatatänwa.