2 Timoteo 4:5 - Qullan Arunaka DC

⁵ Ukampis jumax aski amuyumpipun sarnaqam, t'aqhisiñanak amuk mutum, qhispiyasiñ arunak parlañar uchasim, lurañanakamsa sum phuqharakim.

Aymar Bibliia 1986

⁵ Ucampis jumajj take amuyt'añampipuni saram, t'akhesiñanac mutusina, khespiyasiñ arunac parlañaru uchasiraquim, lurañanacamjja sumrac phokham.

Qullan Arunaca

⁵ Ucampis jumajj take amuyt'añampipuni saram, t'akhesiñanac mutusina, khespiyasiñ arunac parlañaru uchasiraquim, lurañanacamjja sumrac phokham.

2 Timoteo 4:5 Jak'a apnaqawi uñst'ayäwi

Isaías 62:6

Jerusalén, pirqanakamarusti uñjirinak uchta, jupanakasti uruy arumaw sapxi: “Tatitur yupaychirinakax jan amukt'apxamti,

Jeremías 6:17

Tatitusti uñjirinak usku, markarusti sarakiwa: “Kuna unañchäwtix churapkäma uk sum amuyapxam” sasa. Ukampis markax siwa: “Janiw nanakax ist'apkäti” sasa.

Ezequiel 3:17

“Jaqin yuqapa, nayax Israel markan uñjiripat usksma. Nayax kunsa jumar yatiykäma ukkhasti, jank'akiw Israel markarux yatiyañama, ukhamat jupanakan taqi kunsa suma yatipxañapataki.

Ezequiel 33:2

“Jumax Ezequiel, marka masinakamar parlam, jupanakarusti sarakim: ‘Kunapachatix nayax nuwasiñ mä markar apayankta ukapachax uka markankir jaqinakax mayniruw uñch'ukirïñapatak ajllipxi.

Ezequiel 33:7

“Jichhasti Ezequiel, nayax jumaruw Israel markan uñch'ukiripat uchsma. Jumasti nayan arunakax katuqäta, ukatsti nayan iwxanakax jupanakar churarakïta.

Mateo 25:16

Phisqa waranqa qullqi katuqiristi, uka qullqimpix alakip luräna, ukatsti yaqha phisqa waranqampi jikxatäna.

Marcos 13:34

Ukax akhamar uñtatawa: Sañäni, mä jaqix jayar sarañ amti, janïr sarkasaw uywatanakapar uta uñjapxañapatak iwxt'i. Sapa mayniruw lurañanakap jaytawayi, uta uñjirirusti sum uñjañapatakiw jaytaraki.

Marcos 13:37

Jumanakar sapksma ukxa, taqiniruw sarakta, ¡amuyasipxapunim!” sasa.

Lucas 12:37

Kawkïr uywatanakarutix uywiripax suykir jikxatki ukanakax kusisiñanïpxiwa. Qhanak sapxsma, uka uywiripax jupa pachpaw manq'añatak uywatanakapar qunt'ayani, ukatsti sapa maynir manq'a luqtarakini.

Hechos 21:8

Qhipürusti ukawjat mistuwayasin waña uraqinjam sarasax Cesarea markaruw puripxta. Ukansti Felipen utapan qamarapxta, jupasti Diosan arunakap yatiyirïnwa, apostolunakan paqallqu yanapirinakapat maynïrïnwa.

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.

Efesios 4:11

Ukatsti jupa kipkaw sapa maynirus churawayi, yaqhipax apostolüñapataki, yaqhipax profetäñapataki, yaqhipax Diosan suma yatiyäwi arup qhanañchañapataki, yaqhipasti awatirinaka, yatichirinakäñapataki.

Efesios 4:12

Ukham qullan markaparux wakicht'i, luräwin irnaqañapataki, Criston markap jiltayañataki,

Colosenses 1:25

Jumanakan askimatakisti, Diosax iglesiapar luqtir tukuyitu, ukatsti jupan arunakap taqi chiqan yatiyañaxatakiw khitharakitu,

Colosenses 4:17

Arquipo jilatarusti akham sapxam: “Kuna lurañtix Tatitux churktam uk sumpun phuqham” sasa.

1 Tesalonicenses 5:6

ukat mayninakjam jan ikiñasäkiti, jan ukasti taqi amuyusan p'arxtatäñasawa.

1 Timoteo 4:12

Waynätam laykux janipun jisk'achayasimti; jan ukasti, iyawsirinakan mä suma uñtkañ sarnaqam, parläwimana, sum sarnaqañana, munasiñana, Cristor iyawsañana, q'uma kankañan jakañansa.

1 Timoteo 4:15

Taqi ukanak luram, ukanakan yatiqañatak ch'amachasim, ukhamat juman yatichäwiman sapürunjam taqinis askïtap uñjapxani.

2 Timoteo 1:8

Tatitusat yatiyañ jan p'inqasimti, Jesucristo layku katuntat uñjasitaxatsa janirak p'inqasimti. Ukatsipana, Diosan ch'amapampix kuna t'aqhisiñanakatix suma yatiyäwi layku jumatak jutkan ukatakix wakicht'asim.

2 Timoteo 2:10

Ukat taqi kunsa t'aqhista Diosan ajllitanakapar munasitax layku, jupanakan qhispiyasipxañapataki, Jesucristo tuqi wiñay jakañ katuqapxañapataki.

2 Timoteo 2:3

T'aqhisiñanakamansti Jesucriston chiqpach soldadopjam t'aqhisim.

2 Timoteo 4:17

Ukampis Tatituw yanapt'itu, ch'am churarakitu, qhispiyasiñ arunak parlañaxataki, khitinakatix Tatitur jan uñt'apki uka jaqinakan ist'apxañapataki. Tatitux jiwañat qhispiyitu, leonan lakapatsa qhispiykitaspa ukhama.

Hebreos 13:17

Irpirinakamar jaysapxam, jupanakarux ist'apxarakim, jupanakax jan inakt'asaw jumanakar uñjapxtam, Diosax taqi luräwinakamat jupanakar maykani uk yatisina. Kunatix jupar kusisiyki uk lurañatak ch'amachasipxam, jan ukhamäkani ukasti jumanakatakix janiw askïkaniti.

1 Pedro 1:13

Ukatpï jilatanaka, kuntix lurapkäta ukanakat wal amuyt'asipxam, mä suma jakañan sarnaqapxarakim. Taqi chuyma suyt'apxam, kuntix Diosax khuyapayasiñapan jumanakar churapkätam Jesucristox jutkani ukkhaxa.

Apocalipsis 3:2

P'arxtasim, ukatsti tukusirjamäki ukanakar ch'amañcham. Luratanakam uñjaraktwa ukasti Diosaxan nayraqatapan janiw chiqapäkiti.