2 Timoteo 4:1 - Qullan Arunaka DC

¹ Diosan nayraqatapana, Tatit Jesucriston nayraqatapana, khititix jiwatanakaru, jakirinakaru taripir Reyjam jutkani ukan nayraqatapan wal iwxt'sma,

Aymar Bibliia 1986

¹ Diosan nayrakatapana, uqhamarac Tatit Jesucriston nayrakatapana, cawquïritejj jutcani mä jach'a reyjama jiwatanacaru jaquirinacaru taripañataqui ucan nayrakatapanwa wal ewjjt'sma.

Qullan Arunaca

¹ Diosan nayrakatapana, uqhamarac Tatit Jesucriston nayrakatapana, cawquïritejj jutcani mä jach'a reyjama jiwatanacaru jaquirinacaru taripañataqui ucan nayrakatapanwa wal ewjjt'sma.

2 Timoteo 4:1 Jak'a apnaqawi uñst'ayäwi

Salmos 50:6

Alaxpachasti Diosan aski taripirïtap yatiyi.

Salmos 96:13

jutaskir Tatit nayraqatan wararipxpan! ¡Akapachar apnaqiriw jak'achasisinki, chiqapar uñjasaw akapacharux apnaqani, chiqa kankañampiw markanakarux sarayani!

Salmos 98:9

kusisiñampi art'asipxpan, aka uraq apnaqir jutir Tatitutaki. ¡Jupax chiqpach aski Diosawa, markanakarusti chiqap kankañampiw apnaqani!

Mateo 16:27

Jaqin Yuqapax Awkipan jach'a munañapampiw, angelanakapampi jutani, ukatsti sapa mayniruw lurataparjam churani.

Lucas 19:12

Ukat Jesusax jupanakar aka uñtasïwi yatiyäna: “Wali aytat wila masi taypit mä jaqiw utjäna, jupasti reyit utt'ayatäñatakiw jaya markar saräna, reyit utt'ayatäxasinsti, kutinxañataki.

Lucas 19:15

“Ukampis jupax reyit utt'ayatapunïnwa, ukat markapar kuttanxäna. Purinisinsti, kawkïr uywatanakaparutix qullqi churawaykatayna ukanakaruw jawsayäna, qawqhsa sapa maynix jikxatatayna uk yatiñataki.

Lucas 23:42

Ukatsti Jesusarux sänwa: —Jesusay, taqi markanak apnaqkät ukkhax nayat amtt'asitätawa —sasa.

Hechos 10:42

Uka Tatit Jesusaw nanakarux jaqinakar yatiyir khithapxitu: “Diosax Jesusaruw akapachan Taripiripat utt'ayi, juparakiw jakirinakaru, jiwatanakar taripani” sasa.

Hechos 17:31

Diosax mä uru wakichxi, uküruw chiqa kankañampi akapachar taripani, jupan ajllisit mä chacha tuqi. Uka jaqin chiqätapxa, jupar jiwatat jaktaykän ukapachaw taqi jaqinakar qhanpach yatiyi” —sasa.

Romanos 2:16

kunürutix Diosax taqinin jamasan luratanakap taripkan ukapacha, Cristo Jesús tuqi, nayax Diosan suma yatiyäwi arunakap yatiykta ukarjama.

Colosenses 3:4

Pachpa Cristow jumanakan jakañamaxa. Kunapachatix jupax uñstankan ukkhasti, jumanakax jupamp chikaw qhapaq kankañapan phuqt'at uñstapxarakïta.

2 Tesalonicenses 2:8

Ukatsti uka ñanqha jaqiw uñstanini, juparusti Tatit Jesusax lakapampi phust'asakiw tukjani, ukatsti kunapachatix k'ajkir jutäwipampi jutkan ukkhax jisk'aruw tukuyani.

1 Timoteo 5:21

Diosan nayraqatapana, Jesucriston nayraqatapana, ajllit angelanakap nayraqatapan iwxt'awaysma, aka luräwinak jan khitir yaqhachas phuqham.

2 Timoteo 1:10

Jichhasti, Qhispiyir Jesucristos tuqiw uka munasiñapax uñacht'ayasi, jupaw jiwan ch'amap t'unjawayi, suma yatiyäwinak tuqiw wiñay jakañ churawayi.

2 Timoteo 2:14

Tatitun nayraqatapan jan ch'axwapxañapatak iwxt'as amtayam. Ch'axwañax janiw kunatakis askïkiti, jan ukasti khitinakatix ist'apki ukanakar mayjt'ayirikiwa.

2 Timoteo 4:18

Tatituw taqi jan walinakat imaskitani, alaxpach qhapaq markapar irpasaw qhispiyitani. ¡Jupax wiñayan wiñayapatak jach'añchatäpan! Ukhamäpan.

2 Timoteo 4:8

Jichhax mä suma pilluw suyt'askitu, chiqapar taripir Tatituw khä urun churitani. Janiw naya saparukit churkitani, jan ukasti, taqi khitinakatix munasiñampi Tatitun jutañap suyt'asipki ukanakarux churarakiniwa.

Tito 2:13

ukatsti kusiskañ suyt'äwimpi jakañas yaticharakistu, jach'a Qhispiyir Tatit Jesucriston kutt'aniñap suyasa.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

1 Pedro 4:5

Ukampis jupanakax, khititix jiwatanakaru, jakirinakar taripañatak wakichaski, ukaruw luratanakapat arsupxani.

1 Pedro 5:4

Ukhamat kunapachatix jach'a Awatirix uñstankan ukkhaxa, jumanakax mä suma churäwi katuqapxäta, ukasti wiñayatakïniwa.

2 Pedro 1:11

Ukhamat Qhispiyir Tatit Jesucristosan markapar mantapxañamatakix punkunakax jist'aratäni.

2 Pedro 1:17

Jesusaw Dios Awkit muspharkay aytat kankañ katuqäna, kunapachatix Diosan arupax jupar parlkäna qhapaq kankañapana, akham sasa: “Akaw munat Wawaxaxa, jupaw nayarux kusisiyitu” sasa.

1 Juan 2:28

Jichhasti wawanaka, Cristompix mayak jakapxam, ukhamat kunapachatix uñstankan ukkhax iyawsañasax utjañapataki, ukatsti kunapachatix jutkan ukkhax, jupan nayraqatapan jan mä p'inqa tukuskañasataki.

Apocalipsis 1:7

¡Uñtapxam, Cristox qinay patanjam jutaski! Taqi jaqiw jupar uñjani, jupar chhuxriñchirinakas uñjapxaniwa; akapachankir taqpach markanakas jupar uñjasax wal jachapxani. Jïsa. Ukhamäpan.