2 Timoteo 3:9 - Qullan Arunaka DC

⁹ Ukampis janiw nayrar juk'amp sarantapkaniti, taqi jaqiw jupanakan pisi amuyun jaqinakätap amuyapxani, kamisatix Moisesar saykatapkän uka jaqinakan pisi amuyupax qhanstkän ukhama.

Aymar Bibliia 1986

⁹ Ucampis janiw juc'amp nayrar sarapcaniti, takeniraquiw amuyasipjjani aca jakenacajj lokhenacätapa, cunjämatejj uca paninejj Moisés contra sayt'atapata pascäna, uqhamaraquiw pasani acanacampejja.

Qullan Arunaca

⁹ Ucampis janiw juc'amp nayrar sarapcaniti, takeniraquiw amuyasipjjani aca jakenacajj lokhenacätapa, cunjämatejj uca paninejj Moisés contra sayt'atapata pascäna, uqhamaraquiw pasani acanacampejja.

2 Timoteo 3:9 Jak'a apnaqawi uñst'ayäwi

1 Reyes 22:25

Micaías profetasti sänwa: —Kunürutix jumax imantasiñatak utat uta jalnaqkäta uküruw yatïta —sasa.

Salmos 76:10

10 (11) Jaqin tipusiñapax jumar jach'añchañaruw tuku; juk'a q'apisiñapas jumaruw jach'añchi.

Éxodo 7:11

Uk uñjasinsti faraonax yatiñan jaqinakaparu, layqanakaparuw jawsayanïna, jupanakasti yatiñanakapampix kipkarak lurapxäna;

Éxodo 7:12

jupanakat sapa mayniw thujrunakap uraqir liwnuqapxäna, uka thujrunakapasti katarinakarurakiw tuküna. Ukampis Aaronan jach'a thujrupax uka yatiñan jaqinakampina, layqa jaqinakampin thujrunakap manq'antäna.

Éxodo 9:11

Egiptonkir yatirinakasti janiw Moisesar saykatirjamäpkänti, jupanakamppachaw mayni egipcio jaqinakjamarak qarachi usuni uñjasipxäna.

Jeremías 37:19

¿Kawkinkarak uka profetanakasti, khitinakatix parlapkäna Babiloniankir reyix janiw jumanakarusa, aka markarusa nuwantir jutkaniti sapkäna ukanakasti?

Lucas 6:11

Uka jaqinakasti uk uñjasax wal arusipxäna, ukatsti jupanakkamaw jiskt'asipxäna: ¿Kamachañänis aka Jesusaruxa? sasa.

Hechos 13:11

Ukatpï jichhax Tatitux jumar mutuyätamxa: juykhuptätawa, janirakiw intin qhanapsa mä qawqha urunak uñjkätati —sasa. Ukspachaw Elimasax jan kuns uñjkxänti, jupatakix ina laxa ch'amakakïxänwa, ukat jupax amparat irpayasiñatak maynir thaqhäna.

2 Timoteo 3:8

Kunjämatix Janes, Jambrés uka jan wali jaqinakax Moisesar saykatapkatayna, uka pachparakiw uka jaqinakax Tatitun chiqa arunakapar saykatapxi. Uka jaqinakasti ñanqha lurañar jichuntat jan wali amtanïpxiwa, iyawsäwin aynacht'at jaqinakäpxarakiwa.