2 Timoteo 3:4 - Qullan Arunaka DC

⁴ Aljantasir ch'uxña chuymaninaka, jan p'inqaninaka, jach'a jach'a tukurinaka, Diosar thaqhañat sipansa, jupanakan kusisiñap thaqhirinakäniwa.

Aymar Bibliia 1986

⁴ Aljantasirïpjjaraquiniwa, jan ajjsarasaw cuna jan walsa arsupjjaraquini, jach'a jach'a tucuñampi phokhantatäpjjaraquiniwa, jupanacan pachpa munañanacapacwa thakapjjani Diosan munañap thakañat sipansa.

Qullan Arunaca

⁴ Aljantasirïpjjaraquiniwa, jan ajjsarasaw cuna jan walsa arsupjjaraquini, jach'a jach'a tucuñampi phokhantatäpjjaraquiniwa, jupanacan pachpa munañanacapacwa thakapjjani Diosan munañap thakañat sipansa.

2 Timoteo 3:4 Jak'a apnaqawi uñst'ayäwi

Hechos 19:36

Taqiniw uk yatipxtan, ukhamasti jan juk'amp arusipxamti, janirak jan sum yatxatkasax kuns lurapxamti.

Hechos 7:52

¿Profetanakat kawkïrirusa, nayra awkinakamax jan t'aqhisiyapkänxa? Jupanakax mayni aski jaqin jutañapat yatiyirinakarux jiwayapxänwa. Uka aski jaqin jutxipansti, jumanakax jupar katuntayasin jiwayapxaraktawa.

Romanos 11:20

Walikïskiwa, jupanakax jan iyawsañanïtap laykuw qhuchhuqatäpxäna, jumasti iyawsañanïtam laykukiw ukankasktaxa. Ukhamasti jan jach'a jach'a tukumti, jan ukasti axsart'añamax utjpan.

Romanos 16:18

janiw jupanakax Cristo Tatitusar luqtapkiti, jan ukasti, jupanakan munañaparjamakiw luqtapxi, ukatsti suma llaphi munkañ arunakampiw juk'a amuyt'asir jaqin chuymanakap sallqjapxi.

1 Timoteo 3:6

Ukhamasti, iglesia irpirix janiw Tatitur jichha iyawsir jaqïñapäkiti, ukhamäspa ukaxa, jach'a jach'aw tukuspa, ukatsti supayjam juchañchataw uñjasispa.

1 Timoteo 5:6

Ukampis janchin munañap lurir ijma warmisti, jakaskirpach jiwatäxiwa.

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.

Judas 1:19

Uka jaqinakaw t'aqanuqtañanak utjayapxi; janchin munañanakaparjamakiw sarnaqapxi, janiw Tatitun Ajayupanïpkisa.

Judas 1:4

Yaqhip jaqinakax sallqjañanakampiw jumanak taypir mantanipxi, jupanakarusti Qillqatanakax juchañchañatak nayratpach uñacht'ayäna. Uka ñanqha lurir jaqinakasti Tatitun khuyapayasiñap maysaruw uñtayapxi jan wali luräwinakapan jakañataki, ukatsti jiwasan mä sapa Tatit Jesucristo Uywirisarux jan uñt'iriw tukupxi.