2 Timoteo 3:3 - Qullan Arunaka DC

³ Jan munasirinaka, jan khuyapayasirinaka, arunak apnaqirinaka, ñanqha lurañanak jan apanukurinaka, qhurunaka, aski luräwinakar uñisirinaka.

Aymar Bibliia 1986

³ Jan munasiñanïpjjaniwa uqhamarac jan qhuyapayasiñani, arunac apnakerinaca, jan wali luräwinacapjja janiw apanucupcaniti, wali khorunacäpjjaniwa, asqui luräwinacan uñisirinacaparaquïniwa.

Qullan Arunaca

³ Jan munasiñanïpjjaniwa uqhamarac jan qhuyapayasiñani, arunac apnakerinaca, jan wali luräwinacapjja janiw apanucupcaniti, wali khorunacäpjjaniwa, asqui luräwinacan uñisirinacaparaquïniwa.

2 Timoteo 3:3 Jak'a apnaqawi uñst'ayäwi

Génesis 49:7

¡Q'apisiñapax ñanqhachatäpan! ¡Qhuruchasiñapas ñanqhachatäpan! ¡Nayaw jupanakarux taqi Israel uraqpachar anatatä!

Salmos 15:4

khititix ñanqha lurañarux jisk'achki uka, Tatitur axsartirirus jach'añchki uka; khititix jan walir purkasas arsutap phuqki uka;

Salmos 22:6

6 (7) Nayasti janiw jaqïkti, laq'ur uñtatakïtwa, ¡jaqin p'inqachatakïtwa!

Isaías 53:3

taqiniw juparux jisk'achjapxäna, apanukupxarakïna. Usuyasiñapampis wal t'aqhisïna, ukham t'aqhisiñatakis wakicht'atarakïnwa. Taqinis jupar ukham uñjañ janiw munapktanti; jisk'achapxtanwa, janirakiw juparux yäqapktanti.

Isaías 60:14

Khitinakatix t'aqhisiyapkäyätam ukanakan wawanakapasti, juman nayraqatamaruw alt'at jutapxani, khitinakatix jisk'achapkäyätam ukanakasti, kayunakamaruw killt'asipxani, sapxarakïtamwa: ‘Tatitun markapa’, ‘Israelan Qullan Diosapan Jerusalén markapa’ sasa.

Daniel (hebreo) 8:23

“ ‘Kunapachatix uka apnaqäwinakan munañapax tukusxani, ukhamaraki taqi ñanqha lurañanakapas inampst'xarakini, ukapachax mä sallqa, jan wali reyiw munañani utt'asirakini.

Mateo 10:21

“Jilanakasti jilanakaparuw jiwayañatak katuntayani, awkinakasti wawanakaparuw katuntayani; wawanakasti awkinakaparuw kutkatasini, ukatsti jiwayapxarakiniwa.

Mateo 4:1

Ukatsti Jesusax Ajayumpi wasarar irpataw uñjasïna, ukan supayan yant'atäñapataki.

Lucas 10:16

“¡Khititix jumanakar ist'ki ukax nayaruw ist'itu; khititix jumanakar jan katuqapktam ukanakasti nayaruw jan katuqkituti; nayar jan katuqirïki ukasti khithankitu ukaruw jan katuqkiti!”

Lucas 16:14

Qullqir chuyma churat fariseonakasti, uk ist'asin Jesusat larusipxänwa.

Juan 6:70

Jesusasti jupanakarux sarakïnwa: —Nayaw jumanak tunka payanir ajllipxsma, ukampis jumanakat maynïrix supayawa —sasa.

Romanos 1:29

Jupanakasti jan chiqapar uñjañampi, ñanqha lurañampi, jan wali lurañampi phuqhantatäpxiwa. Jupanakax akhamäpxiwa: uñisirinaka, jiwayirinaka, ch'axwayirinaka, sallqjirinaka, jan walt'ayirinaka, aru apnaqirinaka.

Romanos 1:31

janiw amuyt'asiñ munapkiti, janiw aruparus phuqhapkiti, janiw khitirus munasipkiti, janirakiw khuyapt'ayir chuymanïpkisa.

1 Corintios 7:5

Ukalayku, jan jumanak purax “janiw” sasipxamti, wakischi ukax arust'asipxam mä juk'a pacha jan jak'asiñataki, uka urunakan Diosat mayisiñataki. Uka qhipatsti wakisiw mayachasipxañama; inampis maynix janchipar jan atipirjamäsax, Supayax juchar puriychispa.

1 Corintios 7:9

Ukampis janchin munañapar jan atipirjamäsax jaqichasipxpan. Jaqichasiñasti askiwa, janchin munañapampi atipjayasiñat sipana.

1 Tesalonicenses 4:8

Ukhamasti khititix aka yatichäwir jisk'achki ukax janiw khiti jaqirus jisk'achkiti, jan ukasti Diosaruw jisk'achaski, khititix Qullan Ajayup churkistu ukaru.

1 Timoteo 3:11

Warminakasti uka kipkarakiw sum sarnaqañapa, janiw aru apnaqirïñapäkiti, taqi kunan askïñapawa, arsutap phuqhirïñapawa.

Tito 1:8

Jan ukasti, utapar sart'irir katuqañatakix jank'akïñapawa, taqirus khuyapt'ayirïñapawa, suma amuyun jaqi, chiqapa, Tatitur katuyat aski jaqi, suma yatichatarakïñapawa.

Tito 2:3

Uka kipkaraki chuyman warminakas suma sarnaqirïpxpan, jaqxat jan parlasirïpxpati, janirak machirïpxpasa. Mayninakatakisti mä suma uñtäwïpxañapawa,

Santiago 2:6

Ukampis jumanakax jan kunaninakarux jisk'achapxtawa. ¿Janit qamir jaqinakasti inak irnaqayapktamsti, janit jupanakasti jilïrinakan nayraqatapar qatatiyapktamsti?

2 Pedro 2:14

Mä warmirus janiw aliqak uñtapkiti, janirakiw jucha lurañampis sist'asipkiti. Pisi amuyt'aninakarusti jucharuw puriyapxi; wali mich'äpxiwa; ñanqha jaqinakäpxapuniwa.

2 Pedro 2:19

“Qhispita sarnaqasiñ churapxäma” sapxiwa, ukampis jupanakpachaw juchan t'aqhisiyat sarnaqasipki; sapaqat jaqirakiw kuna juchampitix atipjayaski uka juchampi t'aqhisiyat sarnaqaski.

2 Pedro 3:3

Nayraqatax ak amuyt'asipxam: Qhipa urunakan jan wali jaqinakaw sartapxani, jan wali amtataparjamaw sarnaqapxani, jumanakat phiskasisasti,

Judas 1:16

Taqi kunat tuqisipxi, k'umipxaraki, jupanakan kipka amtäwinakap phuqhañatakikiw thaqhapxi. Jach'a jach'a tukusaw parlapxi, mayninakarusti jupanakat aski katuqañatakikiw llunk'usipxi.

Judas 1:18

sapkäyätam ukanakat amtasipxam: “Qhipa urunakanxa, Tatitut larusir jaqinakaw utjani, jupanakasti jan wali amtäwinakaparjamaw jakapxani” sasa.

Apocalipsis 13:15

Aka payïr jach'a axsarkañ animalasti munañanïñ kankañ katuqäna, nayrïr jach'a axsarkañ animalar uñtasit lursutar jakañ churañapataki, ukhamat ukan parlañapataki, uka lursutar jan yupaychirinakarusti jiwarayañapataki.

Apocalipsis 13:17

Janirakiw khitis kun alasiñapäkänti, aljasiñapäkänsa, janitix uka chimpunïkäna, jan ukax, uka jach'a axsarkañ animalan sutipampi chimpt'atäkäna, jan ukax, uka axsarkañ animalan sutipan jakhupanïkän ukaxa.

Apocalipsis 16:6

Uka jaqinakax jumar katuyat jaqinakarusa, profetanakarus jiwarayapxänwa. Jichhasti jumax jupanakar wila umayaraktaxa. ¡Luratapatjam katuqasisipki!” sasa.

Apocalipsis 17:6

Ukatsti mäkiw amuyasta uka warmix Diosan wawanakapana, Jesucristot qhanañchirinakan wilapampi machjatätapa. Uk uñjasinsti wali musphataw uñjasta.