2 Timoteo 3:2 - Qullan Arunaka DC

² Jaqinakax mich'aw tukupxani, qullqi munirinaka, jach'a jach'a tukurinaka, kunsa jilamp munirinaka. Diosat jan wal parlirinaka, awkir taykar qallasirinaka, sallqanaka, Diosar arkañarus jan yäqirinaka.

Aymar Bibliia 1986

² Jakenacajj mich'aw tucupjjani, kollke chuymaraqui, jach'a jach'aw tucupjjani, jilamp parlirinacaraqui. Diosat jan wali parlapjjani, awquinacaparus janiw ist'cjjapjjaniti, jan yäkasirïnacäpjjaniwa, Diosar arcañarus janiraquiw jayscjjapjjaniti.

Qullan Arunaca

² Jakenacajj mich'aw tucupjjani, kollke chuymaraqui, jach'a jach'aw tucupjjani, jilamp parlirinacaraqui. Diosat jan wali parlapjjani, awquinacaparus janiw ist'cjjapjjaniti, jan yäkasirïnacäpjjaniwa, Diosar arcañarus janiraquiw jayscjjapjjaniti.

2 Timoteo 3:2 Jak'a apnaqawi uñst'ayäwi

Salmos 10:3

Ñanqha lurir jaqix munapayatapat jach'achasi; Tatiturusti ñanqhachji, jisk'achjarakiwa.

Salmos 49:6

6 (7) Jupanakax yänakaparuw chuymap uchapxi, qamir kankañapat jach'a jach'a tukupxi,

Salmos 52:1

1 (3) Munañan jaqi, ¿kunatarak ñanqha luratamat jach'achastasti? ¡Diosan munasiñapax jan tukuskiriwa!

Proverbios 6:17

Jach'a jach'a tukuñanakaru, k'ari parlañanakaru, jan juchan jaqi jiwayañanakaru,

Isaías 10:15

Tatitux siwa: Asiriankir reyix pantjasitawa, hachasa, lawa khuchhuñasa janiw apnaqiripat juk'amp askïkiti. ¡Kawkhansa utjatäna mä thujruxa, khititix apnaqki ukar apnaqatapaxa!

Daniel (hebreo) 11:36

“ ‘Amsta tuqinkir reyisti kuntix jupax munkani uk lurani. Jach'a jach'a tukutapatxa, jupax taqi diosanakatsa juk'amp ch'amanïtap amuyasini, chiqpach Diosatakisti kunayman ñanqha arunak arsuni; taqi kunas jupatakix wakiskiriw mistuni; Diosax jupatak mutuyäwipa apayankani ukapachkama, kuntix Diosax lurañapäki ukxa, luraniwa.

Daniel (hebreo) 7:25

Alaxpachankir Diosarusti jisk'achjaniwa; markaparus tukjarakiniwa; Diosan kamachinakapsa, amtäwi uruyañanaksa mayjt'ayañ munarakini, Diosan markapasti jupan apnaqatarakïniwa, kimsa mara chikatankama.

Mateo 15:6

ukham siristi, janiw awkiparusa, taykaparus yanapañapäkxiti. Ukham lurasasti jumanakax yatichäwimarjam phuqhañatakiw Diosan kamachip apanukupxtaxa.

Lucas 12:15

Ukampis saskakïnwa: —Amuyasipxam jumanakatakik taqi kunsa munañxata; jaqin jakañapax janiw kunatix utjarapki uka walja yänakapankkiti —sasa.

Lucas 16:14

Qullqir chuyma churat fariseonakasti, uk ist'asin Jesusat larusipxänwa.

Lucas 6:35

Ukampis jumanakax uñisirinakamar munapxañamawa, aski lurapxañamaraki, jan kun katuqañ suyasak mayt'apxam. Ukhamat jumanakan katuqañamax jach'äni, jumanakasti Alaxpach Dios Awkin wawanakapäpxätawa. Diosax jupar jan yuspagaririnakatsa, juchararanakatsa khuyapt'ayasiwa.

Hechos 5:36

Amtasipxam, mä kutix Teudas sat mä chachaw uñstäna jach'a munañan jaqïkaspa ukhama, juparusti mä pusi patak jaqinakjamaw arkapxäna. Ukampis uka jaqirux jiwayapxänwa, jiwxatapatsti arkirinakapax aywinukxapxänwa, ukat janiw mayampis uka jaqit parlaskxänti.

Romanos 11:18

Ukampis jan jach'achasimti, quqankir layminakapar jisk'achasinxa. Amuyt'asim, janiw jumax saphir katxäsirïktati, jan ukasti saphiw jumarux katxästam.

2 Corintios 5:15

Cristox taqinitakiw jiwawayi, khitinakatix jakasipki ukanakax jan jupanakpachatak jakañapataki, jan ukasti Cristotak jakapxañapataki, jupaw jupanak layku jiwasin jaktawayi.

Filipenses 2:21

Mayninakasti jupanakan yänakapatak llakisisipki, janiw kunatix Jesucristotak askïki uk thaqhapkiti.

Colosenses 3:5

Jumanakan jan wali amtanakam jiwayapxam: jan khitis wachuq jucha lurpati, q'añu luräwinaksa jan lurpati, janchin munañanakaparusa, jan wali amtanakarus jan arkpati, janirak jupatakik taqi kunsa munpati, ukham lurañanakasti k'ari diosanakar yupaychañäkaspas ukhamawa.

2 Tesalonicenses 2:4

Jupax Diosan sutip apki ukanakatak sayt'ir uñisiriwa, janiw Diosan yupaychatäñap munkiti, ukhamarus jupax Diosan utapan qunuñap utt'ayasi, Diosäkaspas ukham tukusa.

1 Timoteo 1:20

Himeneompi, Alejandrompix ukaruw puripxi, nayax supayaruw jupanak katuyta, arunakapampi Diosar jan jisk'achasipkañapataki.

1 Timoteo 1:9

Janiw kuna kamachis aski luririnakatakix uskutäkiti. Kamachix, Diosar saykatirinakatak uskutawa, jan ist'irinakataki, jan wali luririnakataki, juchaninakataki, Diosan arsutanakapar jan jaysirinakataki, awkipar taykapar jiwayirinakataki, jaqi jiwayirinakatak uskutawa,

1 Timoteo 3:3

janiw machirïñapäkiti, nuwasir chuymanïñapäkisa, janirakiw qullqi munirïñapäkiti, jan ukasti, khuyapayasiri, munasir suma jaqïñapawa.

1 Timoteo 6:10

Qullqir munañax taqi jan wali luräwinakan saphipawa; ukat mayninakax juk'amp munapxatap laykux iyawsäwit maysar saranukupxi, ukatsti jach'a t'aqhisiñanakaruw puripxi.

1 Timoteo 6:4

uka jaqix jan kun amuyir jach'a jach'a tukur jaqiwa. Arunakxat tuqisiñ amtäwimp usuntatawa; ukasti kunayman jan walinak utjayi: uñisiña, tuqisiña, ñanqhachasiña, pächasiña,

2 Timoteo 3:4

Aljantasir ch'uxña chuymaninaka, jan p'inqaninaka, jach'a jach'a tukurinaka, Diosar thaqhañat sipansa, jupanakan kusisiñap thaqhirinakäniwa.

Santiago 2:8

Jumanakatix Diosan jach'a kamachip phuqhasipksta ukaxa, walik lurasipktaxa, kunjämtix Qillqatan siski: “Jaqi masimarux juma kipkarjam munasim” sasa.

Santiago 4:16

Ukampisa, jumanakax jach'a jach'a tukuñampiw parlapxtaxa; ukham jach'a jach'a tukuñax janiw walïkiti.

Santiago 4:6

Ukampis Diosax khuyapayasiñapampiw yanapistu, Qillqatasti siwa: “Diosax jach'a jach'a tukur jaqinakarux janiw munkiti, ukampis llamp'u chuymaninakarux khuyapt'ayiwa” sasa.

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”

2 Pedro 2:10

Khitinakatix ñanqha munañanakaparjam sarasipki ukanakarux Tatitux mutuyaniwa, jupan arunakapar jan ist'apki ukanakarus mutuyarakiniwa. Jupakanakasti jan ist'asiri, wali munañan jaqinakäpxiwa, janirakiw jupanakax angelanakar jan wali arunakamp tuqiñsa axsarapkiti.

2 Pedro 2:12

Uka jaqinakax jan amuyt'asirïpxiwa, taqi kunsa munañaparukiw lurapxi, jan amuyt'asisaw kuns parlapxi; jupanakasti animalanakjam katurayasisin jiwarayatäñatakiw yuripxi.

2 Pedro 2:18

Jupanakasti jaqinakampi yäqayasiñatakix suma arunak sapxi, ukasti chiqpachansa inamayakiwa. Ukatsti yaqhipanakarux jan wali lurañanakap lurañapatakiw wayt'apxi, jucha lurañanakat jaltirinakarux wasitat uka jan walinakar irpapxi.

2 Pedro 2:3

Uka k'ari yatichirinakan qullqir sinti munapxatap laykuxa, k'ari yatichäwinakampix jumanakat q'al taqi kunsa apsupxätam; ukampis Diosax nayratpach jupanakar juchañchxi, janirakiw mutuyäwit qhispipkaniti.

Judas 1:16

Taqi kunat tuqisipxi, k'umipxaraki, jupanakan kipka amtäwinakap phuqhañatakikiw thaqhapxi. Jach'a jach'a tukusaw parlapxi, mayninakarusti jupanakat aski katuqañatakikiw llunk'usipxi.

Apocalipsis 13:1

Ukatsti axsarkañ mä jach'a animalar qutat mistur uñjta, ukasti paqallqu p'iqinïnwa tunka waxran kuna. Sapa waxrarusti mä pillunïnwa, p'iqinakapansti Diosar ñanqhachir jan wali sutinak qillqataw utjäna.

Apocalipsis 16:11

ukampis janiw ukhamäkasinsa jan wali luräwinakap apanukupkänti, jan ukasti, jan wali q'añu arunakampiw alaxpachankir Diosar ñanqhachapxäna, llixti usumpi mutupxatap layku.

Apocalipsis 16:21

alaxpachat jach'a chhijchhinakaw jaqinakxar purïna, sapa mayasti pusi tunka kilot jilänwa. Jaqinakasti ukham chhijchhi uñjasax, jan wali arunakampiw Diosar ñanqhachapxäna, uka mutuyäwin sinti jach'ätap layku.

Apocalipsis 16:9

Jaqinakax llakkañaw intimpi nakhantat uñjasipxäna, ukatsti Diosan sutip ñanqhachapxäna, uka mutuyäwinak apaqañatak ch'amanïkipansa; uka jaqinakax janiw Diosar yupaychañatak kutikipstapkänti.