2 Timoteo 3:10 - Qullan Arunaka DC

¹⁰ Ukampis jumax yatichäwixar arkapuntawa, ukhamarak sarnaqataxaru, amtäwixaru, iyawsäwixaru, llamp'u chuymanïtaxaru, munasiñaxaru, ch'amampi sayt'asiñaxaru,

Aymar Bibliia 1986

¹⁰ Ucampis jumajj sumwa arcawayta nayan yatichäwinacajjaru, sarnakatajjaru, amtäwejjaru, iyawsäwejjaru, llamp'u chuymanïtajjaru, munasiñajjarusa,

Qullan Arunaca

¹⁰ Ucampis jumajj sumwa arcawayta nayan yatichäwinacajjaru, sarnakatajjaru, amtäwejjaru, iyawsäwejjaru, llamp'u chuymanïtajjaru, munasiñajjarusa,

2 Timoteo 3:10 Jak'a apnaqawi uñst'ayäwi

Daniel (hebreo) 1:8

Danielasti chuymapan amtasirakïna jan uka reyin manq'apampisa, vinopampisa q'añuchasiskaña, jupatakix uka manq'a manq'añax juchänwa. Ukat Aspenaz chachar achikt'asïna, juparusa, masinakaparus jan wayt'añapataki, uka manq'ampi jan q'añuchasiskañataki.

Lucas 1:3

Munat Teófilo, nayasti wali amuyumpi taqi ukanakat qalltatpach sum yatxatarakta, ukat amuyataxarjam taqi akanak saraparjam jumar qillqansma,

Hechos 11:23

Antioquiar purisinsti, Bernabeax wal kusisïna, Diosan jupanakar aski waxt'äwinakamp phuqt'katayna uk uñjasa. Jupanakarusti iwxt'arakïnwa, taqi chuymamp Tatitur arkapxañapataki.

Hechos 2:42

Jupanakasti apostolunakan yatichäwiparjamaw, maynit maynikam suman jakasipxäna, t'ant'a pachjañataki, Diosat mayisiñatak tantachasisa.

Hechos 20:18

Purinipxipansti jupanakarux sänwa: “Jumanakax yatipxtawa kunjämtix nayax aka Asia suyur purinkta ukürutpach jumanakamp sarnaqawaykta ukxa.

Hechos 26:4

“Judionakax taqpachaniw nayar wawatpach uñt'apxitu. Kamisatix nayax markaxampin Jerusalenampin jakkäyäta uk askiw yatipxi.

Romanos 16:17

Jilatanaka, khitinakatix iglesian jan wal lurapki ukanakat sum amuyasipxam, jupanakax jaljtañanakaru, jan walt'añanakaruw puriyapxiristam, taqi akanakasti kuntix jumanakax yatiqapktas ukanakar jan walt'ayañatakiwa. Jupanakat jithiqtapxam,

2 Corintios 1:17

¿Jan sum amuyt'asisakit uk lurañ amtpachätsti? ¿Jan ukax, “jïsa, janiwa” sas pä amtäwimpi amtkirista ukhamcha amuyapxtaxa?

Efesios 4:14

Janiy wawanakar uñtat sarnaqxañäniti, kawksarus jank'ak irpataki, ukatsti jan wali thakhi sarnaqir k'ari yatichirinakan yatichäwipampis sallqjataraki.

Filipenses 2:20

Nayatakisti janiw khitis jupjam munasirix utjkiti, jumanakan suman jikxatasiñatakis wal llakisiraki.

Filipenses 2:22

Ukampis jumanakax Timoteon askin sarnaqatap sum yatipxtaxa, ukatsti wawaxäkaspas ukham Tatitun arunakap parlañ yanapkitu uksa yatipxaraktawa.

1 Tesalonicenses 1:5

Kunapachatix nanakax Diosan suma yatiyäwi arunakap yatiyapksma ukkhasti, janiw aru tuqikïkänti, jan ukasti Diosan ch'amapa, Qullan Ajayun luräwip tuqiw taqi iyawsañampi uñacht'ayapxsma. Kunjämtix jumanak taypin askinakamatak nanakax sarnaqapkta uk sum yatipxtaxa.

1 Timoteo 1:3

Macedonia markar sarkasaw Éfeso markan qhiparañamatak achikt'sma, ukan k'ari yatichäwinak yatichirinakar jan juk'amp yatichasipkañapatak jark'añamataki,

1 Timoteo 4:6

Jumatix iglesiankirinakar akanak yatichätaxa, Jesucriston aski luqtiripäyätawa, iyawsäwi arunakamp ch'amañchata, aski yatichäwir arkatamamp thuruñchata.

1 Timoteo 6:11

Ukampis Timoteo, Diosan luqtiripjamaxa, taqi jan walinakat jithiqtam. Diosar ist'iri, Jesucriston chiqpach yatiqiripar tukum. Diosarux alkatasipunim, iglesiankir jilatanakarus munasirakim. Kunapachatix jan walinakar saykatkät ukkhasti, llamp'u chuymanïñamawa, taqinimpis sumankañamarakiwa.

2 Timoteo 2:22

Waynanakan jan wali amtäwinakapat jithiqtam, ukatsti aski kankaña, iyawsaña, munasiña, sumankañ thaqham, khitinakatix Tatitur q'uma chuymamp mayipki ukanakamp chika.

2 Timoteo 4:2

Tatitun arunakap parlam; wakiski ukkhasa, jan wakiski ukkhas parlapunim. Amuyt'ayam, iwxt'arakim, taqi llamp'u chuymamp yatichas ch'amañcham.

2 Timoteo 4:3

Jaqinakax, aski yatichäwir jan ist'añ munapkan uka urux purininiwa; jupanakax munañaparjamakiw kunayman yatichirinak thaqhasipxani; kunjämtix jupanakax yatichayasiñ munapkan uk ist'añatakiki.

2 Timoteo 4:7

Taqi kunan Diosar jaysañ laykux walpun ch'amachasiwayta, jichhasti jikxatawaytwa; jalañaxan tukuyäwiparuw purta, janipuniw iyawsañax chhaqhayasiwaykti.

Tito 2:7

Juma pachparaki mä suma uñtäwi taqi kunansa uñacht'ayam. Yatichañansti, chiqa kankañampi phuqhasarak yaticham,

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.

2 Pedro 3:11

Niyakitix taqi kunas ukham tukjaschinixa, jumanakax Tatit chuyma, jupar katuyasit jakapxañamawa.