2 Timoteo 2:9 - Qullan Arunaka DC

⁹ Tatitun arunakap laykuw nayax t'aqhisiskta, jaqi jiwayirïkiristsa ukhamaw cadenamp chinuntat uñjasta; ukampis Diosan arunakapax janiw chinkatatäkiti.

Aymar Bibliia 1986

⁹ Aca Tatitun arunacap laycuraquiw nayajj t'akhesiscta, cadenampi chinuntata jake jiwayirïquiristsa uqhama; ucampis Diosan arunacapajj janiw cadenampi chincatatäquiti.

Qullan Arunaca

⁹ Aca Tatitun arunacap laycuraquiw nayajj t'akhesiscta, cadenampi chinuntata jake jiwayirïquiristsa uqhama; ucampis Diosan arunacapajj janiw cadenampi chincatatäquiti.

2 Timoteo 2:9 Jak'a apnaqawi uñst'ayäwi

Lucas 23:32

Ukhamarakiw Jesusamp chik ch'akkatañatak pani lunthatar irpapxäna.

Hechos 21:33

Jilïristi jak'achasisin Pablorux katuntäna, ukatsti pä cadenampiw ñach'antayäna. Ukat jaqinakar jiskt'araki: “¿Khitis aka jaqixa? ¿Kunarak lurataynasti?” sasa.

Hechos 28:31

Jan axsartasaw jupax Diosan qhapaq markapat yatiyäna, Jesucristo Tatitut yaticharakïna, jan khitin jark'ata.

Hechos 9:16

Nayaw juparux uñachayä kunanaktix sutix layku t'aqhisiñap wakiskani uka” sasa.

Efesios 3:1

Ukat naya Pablox Cristo Jesús layku katuntatäta, jan judiöpktas ukanakatak aski.

Filipenses 1:17

ukampis mayninakax jupatak taqi kun thaqhasakiw Cristot arsupxi, janiw chiqa chuymäpkiti, jan ukasti, nayan juk'amp jan walt'añaxak munapxi, katuntat uñjasitax layku.

Filipenses 1:7

Jumanakat ukham lup'iñaxax askiwa, nayasti jumanakarux walpun munasipxsma, katuntat uñjasïwixana, jilïrinak nayraqatan qhispiyasiñ arunakax chiqaw sas arsusïwixana, jumanakax nayampi chikäpxtawa.

Colosenses 4:18

Naya, Pablow aka arunta pachpa amparaxampi qillqanipxsma. Amtasipxam, nayax katuntatätwa. Diosan munasiñapay jumanakampïpan.

Colosenses 4:3

Nanakatakis Diosat mayipxarakim, Tatitun punkunak jist'arañapataki, ukat arunakap parlañataki, Criston imantat amtäwip qhanañchañataki, uka laykuw jichhas nayax katuntatäskta.

1 Tesalonicenses 1:8

Jumanakat qalltasaw Tatitun yatiyäwipax taqi chiqar puri, janiw Macedonia, Acaya uka chiqanakarukiti, jan ukasti taqi chiqanakaruw puri, Tatitur iyawsapxatamat yatisiwa, ukhamïpansti janiw nanakan kun arsuñanakaxas wakiskxiti.

2 Tesalonicenses 3:1

Jilatanaka, tukuyañatakix sapxsmawa, nanakatak Diosat mayipxam, ukhamat Tatitun yatiyäwi arunakapan jank'ak taqi chiqanakar puriñapataki, ukatsti kusisiñampi katuqatäñapataki, kunjämtix jumanak taypin katuqapkista ukhama.

2 Timoteo 1:12

Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

2 Timoteo 1:16

Tatituy Onesiforon wila masipat khuyapt'ayaspan, jupasti walja kutiw chuymachitu, janirakiw nayan katuntat uñjasitaxat p'inqaskiti.

2 Timoteo 1:8

Tatitusat yatiyañ jan p'inqasimti, Jesucristo layku katuntat uñjasitaxatsa janirak p'inqasimti. Ukatsipana, Diosan ch'amapampix kuna t'aqhisiñanakatix suma yatiyäwi layku jumatak jutkan ukatakix wakicht'asim.

2 Timoteo 2:3

T'aqhisiñanakamansti Jesucriston chiqpach soldadopjam t'aqhisim.

2 Timoteo 4:17

Ukampis Tatituw yanapt'itu, ch'am churarakitu, qhispiyasiñ arunak parlañaxataki, khitinakatix Tatitur jan uñt'apki uka jaqinakan ist'apxañapataki. Tatitux jiwañat qhispiyitu, leonan lakapatsa qhispiykitaspa ukhama.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Pedro 2:14

Roma marka apnaqir jach'a jilïrirus jaysapxam, uka jach'a jilïrin utt'ayat marka apnaqirinakarus jaysapxarakim, jupanakax jan wal lurir jaqinakar mutuyañataki, aski luririnakar jach'ar aptañatak utt'ayatäpxiwa.

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.

1 Pedro 4:15

Jumanakat maynitix t'aqhischixa, janiy jaqir jiwayatapata, lunthatasitapata, jaqi masipar jan wal luratapatsa t'aqhispati.