2 Timoteo 2:7 - Qullan Arunaka DC

⁷ Sisksma uka arunakat lup'ipunim, Tatitusti taqi ukanak amuyt'añamatakiw yanapt'ätam.

Aymar Bibliia 1986

⁷ Acanac siscsma ucatjja lup'im, Tatitusti takwa amuyt'ayätam.

Qullan Arunaca

⁷ Acanac siscsma ucatjja lup'im, Tatitusti takwa amuyt'ayätam.

2 Timoteo 2:7 Jak'a apnaqawi uñst'ayäwi

1 Crónicas 22:12

Tatitux ch'ikhi kankaña, yatiñ kankañ jumarux churpan, kunapachatix jumarux Israel markar apnaqañ katuykätam ukkhax Tatit Diosaman kamachip phuqhañamataki.

1 Crónicas 29:19

Ukhamarak Salomón wawaxarux suma chuyma churarapita, kamachinakama, arsüwinakam jupan phuqhañapataki, ukatsti jumatak uta lurañapataki, nayax ukatakiw taqi kun wakichta” sasa.

Salmos 119:125

Nayax juman luqtirimätwa. Amuyt'a kankañay churita, arsutanakam yatiñ munta.

Salmos 119:144

Arsutanakamax chiqapapuniwa; amuyt'a kankañay nayan jakañaxatak churita.

Salmos 119:73

Jumaw nayarux irnuqista, sayt'ayarakista; ¡arsutanakam yatiqañaxatak ch'ikhi chuymay churita!

Salmos 64:9

9 (10) Taqiniw ukapachax Diosar jach'añchapxani, luräwinakapat yatiyapxani; luratanakap amuyapxarakini.

Proverbios 24:32

Ukham uñjasaw chuymaxan lup'ista; uk uñjasinsti aka yatichäwi yatiqta:

Isaías 1:3

Urqu vacax jaqiparux sum uñt'asi, asnosti jaqipan uywa uyupxa uñt'asirakiwa; ukampis Israel, nayan markaxaxa, janiw uñt'askiti, amuyt'askxarakisa.”

Isaías 28:26

Tatituw juparux yatichi kunjäma lurañapäkitix ukxa.

Isaías 5:12

Jumanakan phunchhäwinakamansti, arpa, cítara, tambor, pinkillo ukanakan toct'asitapakiw ist'asiski, jach'a manq'äwinakamansa vino umañakiw utjaski; ukampis kuntix Tatitux lurki ukanakat janiw amuyapktati, janirakiw jupan luratanakapsa yäqapktati.

Daniel (hebreo) 1:17

Tatitusti aka pusi waynanakarux ch'ikhi chuyma, amuyt'a chuyma churäna, kunayman qillqatanak amuyt'apxañapataki, ukhamarak taqi yatiñanaksa. Ukhamarusa, Danielax samkanaka, unañchäwinak qhanañchañ yatirakïna.

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Lucas 24:45

Ukapachaw Qillqatanakat jupanakarux amuyt'ayäna,

Lucas 9:44

—Ak sum ist'apxam, janirak armasipxamti: Jaqin Yuqapax jaqinakan amparapar katuyatäniwa —sasa.

Juan 14:26

ukampis Awkix nayan sutixar khithanki uka Chuymachasir Qullan Ajayuw jumanakar taqi kun yatichapxätam, ukatsti kuntix nayax sapksma ukanak amtayapxarakïtam.

Juan 16:13

Kunapachatix Qullan Ajayux jutkan ukkhasti, jupaw taqi kunatix chiqäki uk yatichapxätam; janiw jupa pachpat parlkaniti, jan ukasti kuntix ist'ki uk sani, ukatsti kunanakatix qhipa urunakan luraskani uk yatiyarakini.

Hechos 7:10

taqi t'aqhisiñat juparux imäna, ukatsti amuyt'a kankañ churäna, Egiptonkir faraón reyin nayraqatapan aski jaqit uñt'ayarakïna, uka reyisti Josearux Egipto marka apnaqirit utt'ayäna, jupan reyi utap apnaqirit utt'ayarakïna.

1 Corintios 12:8

Yaqhipanakarux Qullan Ajay tuqiw yatiñ kankañampi arsuñapatak churi; yaqhipanakarusti uka pachpa Ajay tuqiw taqi kun yatiñampi arsuñ churi.

Deuteronomio 32:29

Jupanakatix yatiñanïpxaspaxa, amuyt'apxaspawa; kunäkanitix ukanaksa yatipxarakispawa.

Deuteronomio 4:39

“Ukhamasti, chuymanakamar sum imapxam Tatitukiw Diosaxa, alaxpachansa, akapachansa, janiw yaqhax jupat juk'amp utjkiti.

Filipenses 4:8

Tukuyañatakisti, jilatanaka, kunatix chiqäki, kunatix maynir aski uñjañäki, kunatix sumäki, kunatix q'umäki, kunatix munkañäki, kunatix aytat luräwinakäki, taqi ukanakatay lup'ipxam. Taqi kunatix sumäki, jach'ar aptañäki ukanakatay lup'ipxam.

Colosenses 1:9

Ukat nanakax, yatipkta ukürutpach jumanakatakix jan qarjasisaw Tatitut mayipxta, Diosan jumanakar munañap uñacht'ayañapataki, kunayman yatiñ kankaña, ajay tuqin amuyt'a kankañ churañapatakiw mayipxarakta.

1 Timoteo 4:15

Taqi ukanak luram, ukanakan yatiqañatak ch'amachasim, ukhamat juman yatichäwiman sapürunjam taqinis askïtap uñjapxani.

2 Timoteo 2:6

Khititix yapun irnaqki ukax, wakisiw irnaqatapat nayraqat achu katuqañapaxa.

2 Timoteo 2:8

Jesucristot amtasim, aka qhispiyasiñ arunak yatichataxarjamasti, Jesusax David reyin wila masipat jutirïnwa, jupasti jiwatanak taypit jaktawayarakïna.

Hebreos 12:3

Ukalayku, Jesusan aski sarnaqäwipat lup'ipxam, jupasti juchararanakan amparapan wal t'aqhisïna; janipun qarjasipxamti, janirak mayjt'asipxamsa.

Hebreos 13:7

Irpirinakamat amtasipxam, jupanakaw Diosan arunakap yatiyapxtam; jupanakan sarnaqäwipat lup'ipxam, ukatsti jupanakan iyawsäwip arkapxam.

Hebreos 3:1

Ukhamasti, jilatanaka, jumanakasti Diosan jawsat qullan markapäpxtawa, Cristo Jesusax Apostoluwa, Jilïr sacerdoterakiwa, wali amuyumpi lup'ipxam, iyawsäwisax jupïpan uñacht'ayasi.

Hebreos 7:4

Jichhasti walikiwa, Melquisedec sacerdoten wakiskirïtap amuyapxam, jiwasan nayra Abraham awkisax juparuw reyinakampi nuwasisin apaqkatayna ukanakat sapa tunkat maya churäna.

Santiago 1:5

Jumanakat maynintix yatiñ kankañapax jan utjkchi ukaxa, Diosat mayispan, jupasti churaniwa; Diosax jilarkiri, jan kun kamsasaw taqinir churi.

Santiago 3:15

Uka yatiñ kankañax janiw Diosat jutkiti, jan ukasti akapach yatiñ kankañakiwa, jaqin amuyt'apakiwa, pachpa supayat juti.

Santiago 3:17

Ukampis khitinakatix Diosat jutir yatiñanïpki ukanakax q'uma jakawinïpxiwa; ukhamarus sumankayirinaka, munasirinaka, llamp'u chuymaninakäpxiwa. Jupanakax khuyapt'ayasirïpxiwa, chiqap uñjirinaka, chiq parlirinaka, sum luririnaka.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.