2 Timoteo 2:5 - Qullan Arunaka DC

⁵ Uka pachparakiwa, khititix anatañar uskuski ukax, churäwi katuqañatakix anatañ kamachinakar phuqhañapaw wakisi.

Aymar Bibliia 1986

⁵ Uca pachparaqui, qhititejj anatañaru uscusqui ucajja, janiw premio catokcaspati camachinacarjama jan phokhasajja.

Qullan Arunaca

⁵ Uca pachparaqui, qhititejj anatañaru uscusqui ucajja, janiw premio catokcaspati camachinacarjama jan phokhasajja.

2 Timoteo 2:5 Jak'a apnaqawi uñst'ayäwi

Lucas 13:24

—K'ullk'u punku chiq mantañatak ch'amachasipxam, sapxaraksmawa, waljaniw mantañ munapxani, ukampis janiw mantapkaniti.

Filipenses 1:15

Chiqpachansa yaqhipanakax nayar uñisiñata, timasiñatak Cristot parlapxi, yaqhipanakasti suma amtäwimpiw yatiyapxaraki.

Colosenses 1:29

Ukatakiw nayax ch'am tukus irnaqta, kuna ch'amtix Tatitux churkitu uka ch'amampi.

Hebreos 12:4

Jumanakasti juchampi nuwasisax janiw jupjam jiwañarux puripktati,

Hebreos 2:7

Jaqirux angelanakat sipan mä juk'a sullkak lurtaxa, aytat kankañampi, jach'a kankañampiw pillunttaxa;

Hebreos 2:9

Ukampis Jesusarux uñjtanwa, juparusti Diosax angelanakat sipansa mä juk'a pachatak jisk'aruw uskt'i, jiwañampi t'aqhisitap laykusti qhapaq kankañampi, jach'a kankañampi pilluntatawa. Diosax munasiñapan taqinin askipatakiw jiwañap munäna.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

1 Pedro 5:4

Ukhamat kunapachatix jach'a Awatirix uñstankan ukkhaxa, jumanakax mä suma churäwi katuqapxäta, ukasti wiñayatakïniwa.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.

Apocalipsis 3:11

Jank'akiw jutä. Nayar iyawsañ chuyma katxäsiskakim, ukhamat janiw khitis churäwim apaqkätamti.

Apocalipsis 4:4

Uka qhapaq qunuñasti pä tunka pusin qhapaq qunuñanakampi muyuntatänwa, uka qunuñanakansti pä tunka pusin jilïrinakaw qunt'atäsipkäna, jupanakasti janq'u isinakanïnwa, p'iqinakapasti quri pillunakan asxatatänwa.