2 Timoteo 2:16 - Qullan Arunaka DC

¹⁶ Ñanqha arunak arsuñanak apanukum, uka parlirinakax jan wali luräwinakaruw jalantapxi,

Aymar Bibliia 1986

¹⁶ Amuyasim aca oraken jan cunataqui sirvir ch'usa arunacatjja. Qhitinacatejj aca arunac parlapqui ucanacajj sapürutjamaw jan walinacar jalantapjje,

Qullan Arunaca

¹⁶ Amuyasim aca oraken jan cunataqui sirvir ch'usa arunacatjja. Qhitinacatejj aca arunac parlapqui ucanacajj sapürutjamaw jan walinacar jalantapjje,

2 Timoteo 2:16 Jak'a apnaqawi uñst'ayäwi

Esdras 10:10

Ukatsti Esdras sacerdotex sayt'asisin jupanakaruw säna: —Jumanakax yaqha diosanakar yupaychir warminakamp jaqichasisaw juch lurapxtaxa, ukhamat Israel markasan juchap jilxatayapxtaxa.

Oseas 12:1

1 (2) Israelax thayapitakis sarnaqkaspa ukhamawa; sapürus inti jalsu tuqit jutir thayarukiw arkaski. K'arisiñanakapampi, nuwasiñanakapampisti waliw jilxatti, Asiria markampis arust'asiwa, Egipto markarusti aceitenak apayi.”

1 Corintios 15:33

Jan sallqjayasipxamti. Kunjämtix säwix siski: “Jan wali jaqinakampi sarnaqañax, aski saräwinak chaqtayi” sasa.

1 Corintios 5:6

Jumanakasti janiw kunat jach'achasiñamas utjkiti. Aka säwi yatipxtawa: “Mä juk'a levadurax taqpach t'ant'a masaruw puqtayi” sasa.

1 Timoteo 1:9

Janiw kuna kamachis aski luririnakatakix uskutäkiti. Kamachix, Diosar saykatirinakatak uskutawa, jan ist'irinakataki, jan wali luririnakataki, juchaninakataki, Diosan arsutanakapar jan jaysirinakataki, awkipar taykapar jiwayirinakataki, jaqi jiwayirinakatak uskutawa,

1 Timoteo 4:7

Pisi amuyun luqhi jaqin arunakaparux jan yäqamti. Jan ukasti, Jesucriston chiqpach yatiqiripäñamatak ch'amachasim.

1 Timoteo 6:20

Timoteo, jumar katuyatäk uk sumpun uñjam. Ch'usa jan kunatak aski arunak janipun ist'amti, janirak jiwasan yatichäwisar jisk'achapki ukanakarus yäqamti;

2 Timoteo 2:14

Tatitun nayraqatapan jan ch'axwapxañapatak iwxt'as amtayam. Ch'axwañax janiw kunatakis askïkiti, jan ukasti khitinakatix ist'apki ukanakar mayjt'ayirikiwa.

2 Timoteo 2:21

Khititix jan wali lurañanak apanukunixa, jach'a urun apnaqañ yänakar uñtatäniwa; Tatitutak qullanaptayat aski lurir jaqïniwa, aski lurañatakis jasakirakïniwa.

2 Timoteo 3:13

ukampis salqjir jan wali jaqinakax jan walit juk'amp jan waliruw puripxani, sallqjasina, ukhamarak sallqjayasisina.

Tito 1:11

Ukanakarux amukt'ayañaw wakisi, taqpach wila masinakaruw mayjt'ayapxi, kunatix jan walïki ukanak yatichasina, jan wali chuymampi qullqi jikxatasiñ laykuki.

Tito 1:14

Judionakan jan wali parlataparux jan yäqapxpanti, janirak chiqapat saraqir jaqin arunakaparus ist'apxpanti.

Tito 3:9

Ukampis jan wali jiskhisiñanakat jithiqtam, nayra arunaka, ch'axwanaka, Moisesan kamachipxat ch'axwañanaksa jan munamti. Ukanakax inamayawa, jan kunatak askirakiwa.

Hebreos 12:15

Janiy khitirus Diosan munasiñapax pist'pati, ukhamat jan maynis mä k'ask'a qurar uñtat jaqinakar jan walt'ayaskañapataki.

2 Pedro 2:18

Jupanakasti jaqinakampi yäqayasiñatakix suma arunak sapxi, ukasti chiqpachansa inamayakiwa. Ukatsti yaqhipanakarux jan wali lurañanakap lurañapatakiw wayt'apxi, jucha lurañanakat jaltirinakarux wasitat uka jan walinakar irpapxi.

2 Pedro 2:2

Waljanirakiw uka k'ari yatichirinakjam jakani, kuntix lurañ munapkani ukanak lurasa, jupanak laykuw chiqpach aski thakhit jan walinak parlapxani.

Apocalipsis 13:14

Nayrïr axsarkañ animalan churata munañanïñ kankañampiw aka axsarkañ jach'a animalax muspharkañanak luratap tuqi uraqin jakir jaqinakar sallqantäna. Ukatsti nayrïr jach'a axsarkañ animalar uñtat lursuyarakïna, kawkïritix espadampi chhuxriñchjatäsin jakaskatayna ukar uñtata.

Apocalipsis 13:3

Uka animalan mayïr p'iqipasti jiwañapatak chhuxriñchatjamänwa, ukampis uka chhuxripax qullatäxänwa. Aka uraqpacharakiw uk uñjasax wal muspharäna, ukatsti uka animalaruw arkapxäna.