2 Timoteo 1:8 - Qullan Arunaka DC

⁸ Tatitusat yatiyañ jan p'inqasimti, Jesucristo layku katuntat uñjasitaxatsa janirak p'inqasimti. Ukatsipana, Diosan ch'amapampix kuna t'aqhisiñanakatix suma yatiyäwi layku jumatak jutkan ukatakix wakicht'asim.

Aymar Bibliia 1986

⁸ Jan p'enkasimti Tatitusjjat yatiyañjja, janirac nayats p'enkasistati. Jupa laycuw nayajj preso catutäscta. Ucat sipana t'akhesïwinacanjja t'akhesiraquim khespiyasiñ arunac laycu, cunjämtejj Diosajj ch'am churqui uqhamarjama.

Qullan Arunaca

⁸ Jan p'enkasimti Tatitusjjat yatiyañjja, janirac nayats p'enkasistati. Jupa laycuw nayajj preso catutäscta. Ucat sipana t'akhesïwinacanjja t'akhesiraquim khespiyasiñ arunac laycu, cunjämtejj Diosajj ch'am churqui uqhamarjama.

2 Timoteo 1:8 Jak'a apnaqawi uñst'ayäwi

Salmos 119:46

Reyinakan nayraqatapan arunakamat parlä, janipuniw arsuñ p'inqaskäti.

Salmos 19:7

7 (8) Tatitun kamachinakapax chiqapawa, jaqin chuymap machaqaptayiriwa. Tatitun arunakapax askiwa, llamp'u chuyman jaqir yatiñan tukuyiriwa.

Isaías 51:7

“Kunatix chiqäki uk yatirinaka, ist'apxita, nayan yatichäwinakax sum katuqir marka. Jaqin jan wali arusitanakap jan axsarapxamti, janiraki jaqin jisk'achatanakapampis ch'am laq'ayasipxamti,

Isaías 8:20

ukhamat mä kuna yatiyäwsa katuqañatakisti?” sasa. Ukhampun arsupxanixa, uka arsutanakapax mä luqhi jaqin arsutanakapjamawa.

Marcos 8:38

Maynitix nayatsa, arunakaxatsa aka jucharar jaqinakan nayraqatapan p'inqasinixa, Jaqin Yuqapax jupat p'inqasirakiniwa kunapachatix Awkipan jach'a kankañapampi, qullan angelanakapampi jutkan ukkhaxa —sasa.

Lucas 9:26

Ukampis maynitix nayata, arunakaxatsa p'inqaskani ukaxa, Jaqin Yuqapax jupat p'inqasirakiniwa kunapachatix jupax qhapaq kankañampi, Awkipan jach'a kankañapampi, qullan angelanakamp jutkani ukkhaxa.

Juan 15:27

Jumanakasti nayxat arsupxarakïta, qalltatpach nayampïpxatam layku.

Juan 19:35

Uk uñjiriw akham arsüna, chiqpun arsüna; jupax chiq arsutap yatïnwa, ukhamat jumanakan iyawsapxañamataki.

Hechos 5:41

Ukatsti apostolunakax jilïrinakan nayraqatapat wali kusisitaw mistuwayxapxäna, Diosan jupanakar Jesusan sutip layku t'aqhisiñatak ajllitapata.

Romanos 1:16

Janiw nayax Diosan suma yatiyäwi arunakapat p'inqaskti, ukasti Diosan ch'amapawa, taqi khitinakatix iyawsapki jupanakan qhispiyasiñ jikxatañapataki, nayraqatax judionakaru, ukhamarak jan judiöpki jupanakarusa.

Romanos 16:25

Diosaruy yupaychapxañäni, jupaw jumanakarux ch'aman tukuyapxiristam, nayax jumanakar Diosan suma yatiyäwi arunak yatiykta ukarjama, Jesucristo tuqit yatichäwiparjama. Akasti Diosax imantat amtäwinakap uñstaykän ukarjamawa, ukasti akapachax janïr utjkän ukkhatpach imantatäskänwa,

Romanos 8:36

Kamisatix Qillqatan siski: “Juma laykuw jiwañar katuyat uñjasipxta; khariñ ovejanakarjamaw uñjapxitu” sasa.

Romanos 9:33

kamisatix Qillqatan siski: “Nayax Jerusalén markan mä qala uskta, uka qalaruw lanktasipxani; uka qalar iyawsirinakasti janiw sallqxatäpkaniti” sasa.

1 Corintios 1:6

niyakixay jumanak taypin Cristo tuqit yatiyäwix ch'aman tukchixa.

2 Corintios 6:7

ukatsti Diosan chiqa arunakap jupan ch'amapampi parlapxatax laykuraki, kunatix chiqapäki uk arsupxta, ukampipuniw sayt'asipxarakta.

Efesios 3:1

Ukat naya Pablox Cristo Jesús layku katuntatäta, jan judiöpktas ukanakatak aski.

Efesios 3:13

Ukat jumanakarux achikt'apxsma, jumanak layku t'aqhisitaxat jan ch'am laq'ayasipxamti, ukatsipana ukax jumanakatakix mä jach'añchäwiwa.

Efesios 4:1

Ukat nayax, Tatit layku katuntatäsin achikt'apxsma, khitinakatix Diosan jawsatäpkta ukanakasti, kunjämtix lurapxañamäk ukhamar sarnaqapxam.

Efesios 4:17

Ukhamasti ak jumanakar Tatitun sutipxar iwxt'apxsma: Janiy juk'ampi Diosar jan uñt'irinakjam jakxapxamti, jupanakax pantjat amuyunakaparjamakiw jakapxi,

Filipenses 1:7

Jumanakat ukham lup'iñaxax askiwa, nayasti jumanakarux walpun munasipxsma, katuntat uñjasïwixana, jilïrinak nayraqatan qhispiyasiñ arunakax chiqaw sas arsusïwixana, jumanakax nayampi chikäpxtawa.

Filipenses 3:10

Nayax Cristorukiw uñt'añ munta, jakatatäwipan ch'amap katuqañ munta, jupjam t'aqhisiñ munta; jupjam jiwañ munta,

Filipenses 4:13

Criston ch'amapampix taqi kunaruw saykatirista.

Colosenses 1:11

Diosax alaxpach ch'amapampi jumanakar ch'amañchañapatakiw mayipxta, ukampiw jumanakax wali ch'amañchata, llamp'u chuymampi sayt'asipxäta, ukatsti kusisiñampiw

Colosenses 1:24

Jichhax jumanak layku t'aqhisisax kusistwa, ukhamat pachpa janchixan kunatix Criston iglesiap layku t'aqhisiñax jan phuqhatäki uk phuqhaskta.

1 Tesalonicenses 3:4

Ukhamarus kunapachatix jumanakampïskäyät ukkhaxa, llakisiñanakaw utjistani sasax sapxäyäsmawa; ukasti phuqhasiwa, uksti niy yatxapxtawa.

1 Timoteo 2:6

Jupaw taqinin juchap qhispiyañatak jiwañar katuyasiwayi, uksti Diosax wakisitarjamaw Jesucristo tuqi taqinir qhispiyañatak munasiñap uñacht'äwayi.

2 Timoteo 1:10

Jichhasti, Qhispiyir Jesucristos tuqiw uka munasiñapax uñacht'ayasi, jupaw jiwan ch'amap t'unjawayi, suma yatiyäwinak tuqiw wiñay jakañ churawayi.

2 Timoteo 1:12

Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

2 Timoteo 1:16

Tatituy Onesiforon wila masipat khuyapt'ayaspan, jupasti walja kutiw chuymachitu, janirakiw nayan katuntat uñjasitaxat p'inqaskiti.

2 Timoteo 2:3

T'aqhisiñanakamansti Jesucriston chiqpach soldadopjam t'aqhisim.

2 Timoteo 2:8

Jesucristot amtasim, aka qhispiyasiñ arunak yatichataxarjamasti, Jesusax David reyin wila masipat jutirïnwa, jupasti jiwatanak taypit jaktawayarakïna.

2 Timoteo 2:9

Tatitun arunakap laykuw nayax t'aqhisiskta, jaqi jiwayirïkiristsa ukhamaw cadenamp chinuntat uñjasta; ukampis Diosan arunakapax janiw chinkatatäkiti.

2 Timoteo 4:17

Ukampis Tatituw yanapt'itu, ch'am churarakitu, qhispiyasiñ arunak parlañaxataki, khitinakatix Tatitur jan uñt'apki uka jaqinakan ist'apxañapataki. Tatitux jiwañat qhispiyitu, leonan lakapatsa qhispiykitaspa ukhama.

2 Timoteo 4:5

Ukampis jumax aski amuyumpipun sarnaqam, t'aqhisiñanak amuk mutum, qhispiyasiñ arunak parlañar uchasim, lurañanakamsa sum phuqharakim.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.

1 Juan 4:14

Jiwas pachpaw uñjtan, Dios Awkix akapachar qhispiyirix Yuqapar khithanitap arsuraktan.

Judas 1:24

Mä sapa Tatitu, jiwasan Qhispiyirisax, jumanakar imañatak ch'amaniwa, ukhamat jan tinkupxañamataki, ukatsti jan juchani, kusisiñan phuqt'ata, jupan nayraqatapan k'ajkir uñstapxañamatakis ch'amanirakiwa. Juparuy churatäpan yupaychañasa, jach'a kankañasa, ch'amasa, jilïr kankañasa, Jesucristo Tatitus layku, nayra pachasa, jichhasa, wiñayan wiñayapataki. Ukhamäpan.

Apocalipsis 1:2

Juan luqtiripasti kuntix uñjkatayna taqi ukanakxa ukhampach qillqi. Jupaw Diosan arup qhanañchi, Jesucristot arsuraki.

Apocalipsis 1:9

Naya, Juanax, jumanakan jilamätwa, Jesusampi mayacht'asitax layku, t'aqhisïwinakan ch'amampi mututax laykusti, jumanakamp chikax Diosan ajllit markapankirïtwa. Diosan arunakap yatiyatax layku, Jesucristot parlatax laykurakiw Patmos quta wat'an nayax katuntat jikxatasïyäta.

Apocalipsis 12:11

Jilanakasax atipjapxiwa, Corderon wartat wilapampi, chiqa arunak qhanañchapxatapampi; janirakiw jiwañsa axsarapkänti, jiwañatakis jank'akïpxarakïnwa.

Apocalipsis 19:10

Nayasti yupaychañatak angelan nayraqataparuw killt'asta, ukampis jupax situwa: “Jan uk luramti, nayax jumjam luqtirikïtwa, ukhamarak khitinakatix Jesucriston qhanañchatapar taqi chuymampi arkapki ukanakjam luqtirikirakïtwa. Diosaruy yupaycham” sasa. Jesucriston uka qhanañchatapasti Diosat parlirinakaruw amuyt'ayi.