2 Timoteo 1:7 - Qullan Arunaka DC

⁷ Diosax janiw axsarañ ajay churkistuti, jan ukasti ch'amañchir ajayu, munasir ajayu, sum amuyt'ayir ajay churistu.

Aymar Bibliia 1986

⁷ Diosajj janiw ajjsarañ ajayu churquistuti, jan ucasti ch'amani, munasiñani, chekapar amuyt'aña ajaywa churistu.

Qullan Arunaca

⁷ Diosajj janiw ajjsarañ ajayu churquistuti, jan ucasti ch'amani, munasiñani, chekapar amuyt'aña ajaywa churistu.

2 Timoteo 1:7 Jak'a apnaqawi uñst'ayäwi

Salmos 119:80

Chuymaxax kamachinakamarjam phuqhirïpan, ukhamat p'inqa jan tukuskañaxataki.

Proverbios 2:7

Tatituw chiqa aski, jan pantjasis sarnaqir jaqirux yanapi, arxataraki.

Proverbios 8:14

Nayankiw amtäwisa, amtäwin phuqhasiñapasa, nayätwa chiqap kankañaxa, ch'aman kankañasa.

Isaías 11:2

Tatitun ajayupaw jupxankani, yatiñampi, ch'ikhi kankañampi, suma amuyt'a chuymamp churani, mä jach'a ch'aman reyïniwa, Tatitur uñt'asax suma ist'asirïniwa.

Miqueas 3:8

Ukampis nayarux Tatitun ajayupawa, ch'amapampi, chiqa kankañampi, jan axsarañampi phuqt'itu, ukhamat Israel markaru Tatitur saykatatapata, jucha luratapatsa qhankatañaxataki.

Zacarías 4:6

Jupasti saskakïnwa: “Tatitux Zorobabel chacharuw yatiyäwi apayaski akham sasa: ‘Zorobabel, janiw jach'a chamanïñamax wakiskiti, janirakiw jach'a ejercitonïñamas munaskiti; jan ukasti ajayuxampikiw atipt'asma, siw taqi ch'aman Tatituxa.

Lucas 10:19

Nayaw jumanakarux ch'am churapxsma katarinakaru, mich'isir laq'unakar takxatapxañamataki, ukhamarak uñisirin taqi ch'amapar atipt'apxañamataki, ukatsti janiw kunas kamachapkätamti.

Lucas 15:17

Ukat wal amuyt'asïna: ‘¡Awkixan utapan qawqha irnaqirinakas jilarkir manq'añanïpxixa, nayasti akan manq'at jiwaskta!

Lucas 24:49

Nayasti kuntix Awkixax arskitu uk khithanï. Jumanakasti Jerusalén markan qhiparapxam, alaxpachat jutir ch'ama katuqañkama —sasa.

Lucas 8:35

Jaqinakasti kunatix luraskatayna uk uñjiriw mistunipxäna. Jesusan jak'apar purinisinsti, ñanqha ajayunakax mistkän uka jaqirux Jesusan jak'apar qunt'at jikxatapxäna, isthapita, suma amuyuniraki, uk uñjasasti jupanakax wal axsarapxäna.

Juan 14:27

“Samarañ jaytapxsma. Nayan samarañax churapxsma, ukampis uka samarañax janiw akapachax churki ukhamäkiti. Jan llakisipxamti, janirak axsarapxamsa.

Hechos 1:8

Ukampis yatipxam, Qullan Ajayuw jumanakxar jutani, ukapachaw jumanakax ch'am katuqapxäta, ukatsti nayat qhanañchiriw sarapxäta, Jerusalén markana, Judea uraqina, Samaria uraqina, taqi aka uraqpachana —sasa.

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

Hechos 20:24

Uk yatiskasinsa, janiw llakisiykituti. Nayatakix janiw jakañaxas kuna jach'äkisa, nayax kusisitaw tukuykam jalañ munta, kuna lurañtix Tatit Jesusax churkitu uk kusisiñamp phuqhañakiw wakt'itu, ukatsti Diosan munasiñapat suma yatiyäwi arunak jaqinakar qhanañchaña.

Hechos 21:13

Ukampis Pablox sänwa: —¿Kunatsa jachapxta? Ukham jachasax nayar llakisiyapxistawa. Nayax ñach'antayasiñatakisa, Jerusalén markan Tatit Jesús layku jiwañatakis wakicht'atakïsktwa —sasa.

Hechos 26:11

Walja kutirakiw nayax jupanakar jawq'jayta, munkir jan munkir Tatitur iyawsañat kutiqtapxañapataki. Aksti taqi sinagoganakan lurirïyäta. Walpun jupanakarux uñisïyäta, ukat yaqha markanakarus katurir sarirïyäta.

Hechos 26:25

Pablosti ukxaruw säna: —Jach'a jilïr tata Festo, janiw luqhïkti, kuntix arsuskta ukax chiqawa, amuykayarakiwa.

Hechos 6:8

Esteban chachax Diosan ch'amapampi, aski waxt'äwipamp phuqt'atäsinxa, muspharkay luräwinakampi, unañchäwinakamp jaqinak taypin luräna.

Hechos 9:22

Ukampis Saulox juk'amp ch'amampiw Jesusan Diosan Yuqapätap qhanañchäna, Damasco markan jakir judionakar mayjt'asiyasa.

Romanos 5:5

Uka suyt'äwix janiw inamayäkiti, Diosasti chuymanakasarux Qullan Ajayu churkistu uka tuqiw munasiñapamp phuqt'istu.

Romanos 8:15

Jumanakax janiw t'aqhisiyat tukuyir ajayu katuqapktati axsarat sarnaqaskañataki, jan ukasti, Diosan wawanakapar tukuyir Ajayu katuqapxtaxa, uka Ajay tuqiw Diosarux jak'achastan: “Nayan Awkixa” sasa.

1 Corintios 2:4

ukatsti kunapachatix Diosan arunakap yatiyapksma ukkhaxa, janiw yatiñ arunakampi iyawsayañ munapkäyäsmati, jan ukasti, Ajayun uñacht'ayata, Diosan ch'amapampiw iyawsayapxsma,

Gálatas 5:22

Ukatsipana, Qullan Ajayun achupax akanakawa: munasiña, kusisiña, samaraña, llamp'u chuyma, taqimpis sumankañ chuyma, khuyapayasiñ chuyma, taqi kunansa phuqhañ chuyma,

Colosenses 1:8

Juparakiw nanakarux jumanakxat yatiyapxitu, kunjämtix Qullan Ajayux mayninakar munapxañamatak ch'amachapktam uka tuqita.

Hebreos 2:15

Ukhamat jupax qhispiyi, khitinakatix jiwar axsaras t'aqhisiyatjam jakasipki taqi jupanakaru.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Juan 4:18

Kawkhantix munasiñax utjki ukkhanxa, janiw axsarañax utjkiti. Ukatsipana, chiqpach munasiñaw axsarañarux apanuku, axsarañasti mutuñaruw irpi. Uka layku, maynitix axsarchi ukaxa, janiw chiqpach munasiñanïkiti.