2 Samuel 8:11 - Qullan Arunaka DC

¹¹ Davidasti taqi uka yänak Tatituruw luqtäna, atipjkatayna uka yaqha markanakan quripampi, qullqipamp chika,

Aymar Bibliia 1986

¹¹ Davidasti take uca yänacjja Tatituruw loktäna, cuna korinactejj, uqhamarac kollkenacatsa loktcatayna ucanacampi chica, take uca yänacasti cawquïri marcanacatejj atipjatäcäna ucanacat apanitänwa.

Qullan Arunaca

¹¹ Davidasti take uca yänacjja Tatituruw loktäna, cuna korinactejj, uqhamarac kollkenacatsa loktcatayna ucanacampi chica, take uca yänacasti cawquïri marcanacatejj atipjatäcäna ucanacat apanitänwa.

2 Samuel 8:11 Jak'a apnaqawi uñst'ayäwi

2 Samuel 8:10

Joram yuqaparuw khithäna, David reyir aruntiri, jallallt'iri, Hadad-ézer reyir atipjatap layku, jupatakisti qullqita, qurita, broncet lurat yänak apayäna; Toi sat reyisti Hadad-ézer reyimpix ch'axwankarakitaynawa.

1 Reyes 7:51

Ukatsti, kunanaktix Salomón reyix Tatitun utapatak luraykatayna taqi uka lurañanak tukuyxasinsti, Salomonax kuna qurita, qullqita lurat yänaktix David awkipax Tatitur luqtkatayna uka yänak aptayanïna, ukanaksti Tatitun utapan jila alani yänak imañ utaruw uchxäna.

1 Crónicas 18:11

Davidasti taqi uka yänak Tatituruw luqtäna, Edom, Moab, amonita, filisteo, amalecita markanakat quri, qullqi aparkatayna ukanakamppacha.

1 Crónicas 29:2

Taqi ch'amaxampiw kunatix wakiski ukanak Tatituxan utapatakix wakt'ayta: quri, qullqi, bronce, hierro, lawa, sapa mayatakix yaqha yaqha. Ukhamarak cornalina qala, lip'suyañ qala, mosaico qalanaka, kunayman munkañ qalanaka, walja janq'u qalanaka.

2 Crónicas 5:1

Ukatsti kunapachatix Tatitutak uta lurañax arsutarjam tukuyatäxän ukkhaxa, Salomonax David awkipan Tatitur luqtat qurita, qullqita lurat yänak aptayanïna, ukanaksti Diosan utapan imatäñapatakiw uchayxäna.

Miqueas 4:13

¡Jerusalén marka, jichhax tukjañatak sartasim! Tatitusti siwa: “Nayaw jumarux mä urqu vacarjama ch'am churäma, waxranakamas hierrotjamarakïniwa, kayu sillunakamas broncetjamaraki, ukhamat walja markanakar t'unjañamataki. Kuna yänakaptix lunthatasiñampi jikxatatäki ukanakxa, jumaw q'al aparäta, uksti nayaruw katuyxitäta, aka uraqpachan Tatituparu.”