2 Samuel 7:2 - Qullan Arunaka DC

² Davidax Natán profetaruw akham säna: —Amuyam, nayax cedro lawat lurat mä suma jach'a utan utjasta, Tatitun arcapasti cortinanak manqhanak jikxatasi —sasa.

Aymar Bibliia 1986

² ucapachaw Natán profetaru aqham saraquïna: —Cunjämatejj jumajj uñjcta, nayajj mä suma cedro palacion jacastjja, Diosan arcapasti mä cortinanac mankhanacwa jicjjatasi —sasa.

Qullan Arunaca

² ucapachaw Natán profetaru aqham saraquïna: —Cunjämatejj jumajj uñjcta, nayajj mä suma cedro palacion jacastjja, Diosan arcapasti mä cortinanac mankhanacwa jicjjatasi —sasa.

2 Samuel 7:2 Jak'a apnaqawi uñst'ayäwi

2 Samuel 11:11

Uriasasti sänwa: —Jan wal lurirista utaxar sarasaxa, ukchañkamasti Tatitun arcapasa, israelita soldadonakas nuwasïwi pampankasipkani, ¿ukham uñjkasati nayax utaxar manqt'asiri, umt'asiri, warmixamp ikintasiri sarästi? ¡Juma jach'a reyin jakañam laykuw sista, janipuniw nayax ukham lurkiristti! —sasa.

2 Samuel 12:1

Tatitux Natán profetaruw Davidan ukar khithäna. Natanasti Davidan nayraqatapar uñstasin jupar sänwa: —Mä markan pani jaqiw utjäna, maynix qamirïnwa, maynisti jan utjirini jaqïnwa.

2 Samuel 5:11

Ukat Tiro markan Hiram sat reyipax Davidan ukar jaqinak khithäna; ukhamarus lawat yänak luririnaka, qala ch'iyirinak khithäna, jupanakasti cedro lawanak apapxäna, ukatsti David reyin jach'a utap utachapxäna.

2 Samuel 6:17

Tatitun arcapax mä chhujllaru apatäxänwa, Davidaw uka chhujlla wakichatayna. Ukatsti Davidax jank'akiw nakt'at waxt'anaka, sumankthapiñ wilañchanak Tatitun nayraqatapan luqtäna,

2 Samuel 7:17

Natán profetasti taqi akanak Davidarux yatiyäna, kunjämtix uñjkatayna, ist'karakitayna ukhampacha.

1 Reyes 1:22

Betsabé warmix reyimpi parlaskäna ukchañkamaw Natán profetax purinïna,

1 Reyes 1:8

Ukampis janiw Adoniasarux Sadoc sacerdotesa, Joiadá chachan Benaías yuqapasa, Natán profetasa, reyin wali uñt'ata Simí chachasa, Davidan suma soldadonakapas yanapapkänti.

1 Reyes 4:5

Natán chachan Azarías yuqapa, marka apnaqirinakan jilïripa; Natán sacerdoten Zabud yuqapa, reyin amuyt'ayiripa;

1 Reyes 8:17

David awkixasti Israelan Tatit Diosapar jach'añchañatakix, mä uta lurañ munäna.

1 Crónicas 14:1

Tiro markankir Hiram reyix khithanak Davidan ukar jupa lanti khithäna, ukhamarus uta luririnakampi, k'ullu khithurinakampi, jupanakasti cedro lawanak reyin utap lurañatak apapxäna.

1 Crónicas 16:1

Tatitun arcapasti, Davidax uka amtampi lurkatayna uka chhujllar uchatänwa. Ukspachaw Dios nayraqatan nakt'at luqtäwinaka, sumankañ wilañchanak luqtäna,

1 Crónicas 22:7

akham sasa: “Munat wawaxay, nayax Tatit Diosaxatakix mä uta lurañ amtäyäta.

1 Crónicas 29:29

David reyin sarnaqäwipax qalltat tukuykamax Samuel profetana, Natán profetana, Gad amuyt'ayiri profetan sarnaqäwinakapan qillqatawa,

2 Crónicas 1:4

Ukampis Davidax Diosan arcap Quiriat-jearim chiqat Jerusalén markaruw apatayna, kawkharutix mä chhujlla wakichkatayna ukkharu.

2 Crónicas 29:25

Ezequiasasti Tatitun utapanxa levitanakaruw utt'ayäna, platillonakampi, salterionakampi, citaranakampi yupaychapxañapataki, kunjämtix David, Gad, reyin amuyt'ayiripa profetasa, Natán profetasa arskatayna ukhamarjama. Uka lurañsti Tatituw profetanakap tuqi churatayna.

2 Crónicas 9:29

Salomonan yaqha luratanakapasti qalltat tukuykamax, Natán profetan crónicas sat qillqatapan qillqatawa, ukhamaraki Siló chiqankir Ahías chachan profecía qillqatapana, Iddo sat profetan jutir urunakat parlatap qillqatapanaraki, ukansti Nabat chachan Jeroboam yuqapxat qillqatawa.

Salmos 132:2

Jacobun taqi Ch'aman Tatitupa, taqpach chuymamp juramento luratapat amtasikimaya:

Salmos 132:5

Tatitutak mä chiqawja jikxatañkama, Jacobun taqi Ch'aman Diosapatak mä utjäwi jikxatañkama” sasa.

Hageo 1:4

Utaxan laqayar tukuyatäkipansa, ¿jumanakatakisti walikïskiti suma k'achachat utanakan utjasipxañamasti?

Juan 2:17

Yatiqirinakapasti Qillqatan siski uk amtapxäna: “Utamar munañaw ninjam nakhantitu” sasa.

Hechos 7:46

David reyix Diosan nayraqatapan aski jaqit uñt'ayasïna. Jupax Jacobun Diosapan utjasiñapatak mä uta lurañ munäna.