2 Samuel 6:21 - Qullan Arunaka DC

²¹ Davidasti ukxaruw sarakïna: —Jïsa, thuqt'asiskapuntwa, Tatitun nayraqatapan thuqt'asta, jupaw nayarux awkim lanti, taqi utamankirinakam lanti ajllisitu, Israel markapan nayan jach'a jilïrïñaxataki. Ukat jupa nayraqatan thuqt'asta.

Aymar Bibliia 1986

²¹ Davidasti saraquïnwa: —Jïsa ucajj chekawa, thokt'asiscapuntwa, ucampisa Tatitun nayrakatapanwa thokt'astjja, juparaquiw nayarojj awquim lanti ajllisitu, uqhamaraqui take familiama lanti, nayajj Israel marcapan jach'a jilïrïñajjataqui. Ucatwa jupa nayrakatan thokt'astjja.

Qullan Arunaca

²¹ Davidasti saraquïnwa: —Jïsa ucajj chekawa, thokt'asiscapuntwa, ucampisa Tatitun nayrakatapanwa thokt'astjja, juparaquiw nayarojj awquim lanti ajllisitu, uqhamaraqui take familiama lanti, nayajj Israel marcapan jach'a jilïrïñajjataqui. Ucatwa jupa nayrakatan thokt'astjja.

2 Samuel 6:21 Jak'a apnaqawi uñst'ayäwi

2 Samuel 5:2

chiqpachansa Saúl reyix nanakan reyixäkchïna ukasa, jumaw Israel markarux nuwasïwinakapan sarayaskäyätaxa. Ukhamarus Tatitux jumaruw arsuwaytam Israel markapar sarayañamataki, apnaqañamatakiraki” sasa.

2 Samuel 6:14

Davidax taqi ch'amapampiw Tatit nayraqatan thuqt'asïna, efod sat lino isimpi isthapita.

2 Samuel 6:16

Tatitun arcapax Davidan Markapar purxän ukapachasti, Saúl reyin Mical sat phuchhapax ventanat uñtasinïna; David reyir Tatitun nayraqatapan t'isktiri, thuqt'iri uñjasinsti, chuymapan walpun Davidarux jisk'achäna.

2 Samuel 6:22

Ukat juk'ampi nayax, nayramatak jisk'ar tukuskakïwa, ukampisa, khiti uywat warminakattix jumax parlkta, ukanakax jach'aruw aptapxitani —sasa.

2 Samuel 6:5

Ukchañkamasti Davidampi taqpach israelitanakampix, wali kusisitaw Diosan nayräxap sarapxarakïna, taqi ch'amapamp q'ucht'asisa, thuqt'asisa, arpanakampi, salterionakampi, panderonakampi, castañuelanakampi, platillonakampi kusist'asisa.

2 Samuel 7:8

Ukhamasti, David luqtirixarux saskakim, naya, taqi ch'aman Tatituw jupar sista: ‘Nayaw jumarux uywa awatkirit irpsunsma, oveja taman qhipap sarañatsa irpaqaraksma, Israel markaxan jilïripäñamataki;

1 Crónicas 15:29

Kunapachatix Tatitun arust'äwi arcap Jerusalén markar puriyapkän ukkhasti, Saúl chachan Mical sat phuchhapax reyi uta ventanaruw jak'achasïna; ukatsti David reyir wali k'uchik thuqhuskir uñjasax chuymapan wal jupar jisk'achäna.

Hechos 13:22

Uka qhipatsti Diosax Saúl reyir reyi qunuñapat jaqunukünwa, ukatsti Davidaruw reyit utt'ayäna. Diosax Davidat akham säna: ‘Nayax Jesé chachan David yuqaparux chuymaxar purkirïtap jikxatta, jupax taqi kuntix nayax munkta uk lurani’ sasa.

1 Corintios 10:31

Ukhamasti manq'apxamsa, umapxamsa, jan ukax kunsay lurapxam, Diosar jach'achañatak lurapxam.

1 Samuel 13:14

Ukampis jichhax juman apnaqäwimax janiw jayatakïkaniti. Tatitux jupan chuymapar purt'kir yaqha chacha thaqhani, ukatsti markapan jilïripat utt'ayarakini, arunakapar juman jan jaysatam layku —sasa.

1 Samuel 15:28

Ukat Samuelux Saúl reyirux säna: —Kunjämtix isix ch'iyaqkista ukhamarakiw Tatitux Israel marka apnaqañ apaqaraktam. Juman mayni marka masimar katuyxañatakiw apaqxtam, kawkïritix jumat sipansa juk'ampi askïki ukaru.

1 Samuel 16:1

Tatitusti Samuelurux sänwa: —¿Kunapachkamarak Saúl reyit llakisïtasti? Janiw nayax jupan Israel markan reyikïskañap munkxti. Jichhax uka waxraru aceitempi phuqhantam, ukatsti Belenankir Jesé chachan utapar sarañam munta, nayasti maynïr wawaparuw reyïñapatak ajllista —sasa.

1 Samuel 16:12

Ukatsti Jesé chachax uka sullka yuqapar jawsiriw khithäna. Uka sullkïristi suma wilal janchinïnwa, wali suma uñnaqt'aniraki. Ukatsti Tatitux Samuelurux sänwa: —Nayax juparuw ajllista. Jichhasti reyïñapatakix aceitempi p'iqipxar warxatas yaqhachxam —sasa.