2 Samuel 6:19 - Qullan Arunaka DC

¹⁹ ukatsti ukan tantachat israelit jaqinakarux, sapa mayni chacharu, warmiru, mä t'ant'kam lakiräna, dátiles achunakat lurat tortampi, waña uvanakat lurat tortampi. Uka qhipatsti taqiniw utanakaparkam kuttawayxapxäna.

Aymar Bibliia 1986

¹⁹ Ucana take israelitanacajj tantacht'atäpcän ucanacaru, chacharu, warmiru, t'ant'a churaraquïna, dátiles sata ucat lurat tortampi, maynïri tortasti waña uvanacat lurataraquïnwa. Take ucanaca pasatatsti utanacaparuw cuttawayjjapjjäna.

Qullan Arunaca

¹⁹ Ucana take israelitanacajj tantacht'atäpcän ucanacaru, chacharu, warmiru, t'ant'a churaraquïna, dátiles sata ucat lurat tortampi, maynïri tortasti waña uvanacat lurataraquïnwa. Take ucanaca pasatatsti utanacaparuw cuttawayjjapjjäna.

2 Samuel 6:19 Jak'a apnaqawi uñst'ayäwi

2 Samuel 6:18

uka wilañchanak luqtañ tukuyxasinsti, taqi ch'aman Tatitun sutipxaruw markpachatak aski arunak arsüna,

2 Samuel 6:20

Davidasti utaparuw kuttawayxäna, wila masinakapar aski waxt'äwi arunak churañataki; ukampis Saúl reyin Mical phuchhapaw jupar jikxatir mistunïna, ukatsti sarakïnwa: —¡Israel markan reyipax jichhürux ukkha sumsa lurixä, jilïr jaqinakapan uywat warminakap nayraqatan jan p'inqan jaqir uñtatas tukuxä! —sasa.

1 Reyes 8:66

Uruyañ tukt'ayasasti, reyix markachirinakarux khithanukxänwa, ukatsti jupanakax reyir jach'añchawayasaw utanakapar wali kusisita sarxapxäna, Tatitun David luqtiripampiru, Israel markapampir aski luratap layku.

1 Crónicas 16:3

ukatsti taqi israelitanakaru, chachanakaru, warminakarux mä t'ant'ampi, palmera alin achupat lurat muxsa t'ant'ampi, waña uvat lurat t'ant'amp churäna.

1 Crónicas 16:43

Uka qhipatsti taqiniw utanakapar kutt'xapxäna, ukhamarakiw David reyix utapar kutt'xäna, wila masipar askinak churañataki.

2 Crónicas 30:24

Judá uraqin Ezequías reyipax, tantachasipkatayna uka jaqinakarux, waranqa vaca qallunaka, paqallq waranqa ovejanak waxt'äna, jilïrinakasti chuymapatjam jaqinakar churapxarakïna, waranqa vaca qallunaka, tunka waranqa ovejanaka. Walja sacerdotenakaw q'umachasipxäna.

2 Crónicas 7:10

Paqallqüri phaxsina pä tunka kimsani uru saraqatarusti, Salomón reyix jaqinakarux kusisit sarxapxañapatakiw utanakapar khithanukxäna, Davidaru, Salomonaru, Israel markaru Tatitux askinak luratap layku.

Nehemías 8:10

Esdrasasti ukxarux sänwa: “Sarxapxam, manq'asinipxam sumïri manq'anaka, muxsa vino umasipxarakim, ukatsti khitinakantix manq'añapax jan utjki ukanakar churapxarakim; jichhürux Tatitusar luqtat uruwa. Jan llakisipxamti, Tatitusti kusisiñapampiw ch'amañchistani” sasa.

Cantar de los cantares 2:5

¡Pasasat lurat tortanakamp churapxita, manzananak manqt'ayapxita, nayax munasiñat jiwt'irpachätwa!

Ezequiel 45:17

marka apnaqir jilïriw wilañcha luqtañatak uka uywanak churani, ukhamarak granonakata, vinotsa qawqhatix wakiski waxt'a churañatakix uk churani, wawa phaxsix uñstankani ukapacha, samarañ sábado urunakana, Israelan taqi phunchhäwi urunakapan churani. Jupaw jucha luratanakatsa wilañchanak luqtani, granonakat waxt'äwinaka, nakt'ayat luqtäwinaka, sumankthapiñ wilañchanak luqtarakini, ukhamat Israel markan juchanakapan pampachatäñapataki.

Oseas 3:1

Tatitux wasitat sarakitu: “Oseas, warmimax janiw jumatakjamäkiti, jupan mayni munatapaw utji. Uka kipkarakiw israelitanakax jan nayatakjamäpkiti, k'ari diosanakaruw yupaychapxi, luqtäwi churatanakat manq'apxi. Ukampis saram, warmimarux munasim, kunjämtï nayax israelitanakar munastxa ukhama.”

Hechos 20:35

Uka kipkarak jumanakarus yatichapxsma, wakisipuniw ukham irnaqañaxa, jan utjirininakarus yanapt'añaraki, Tatit Jesusax sawayki uka arunakat amtasisa: ‘Katuqañat sipan, churañaw juk'amp sumaxa’ ” sasa.

Efesios 4:8

Ukat Qillqatax saraki: “Alaxpacharux katuntatanak irpt'ataw makhati, jaqinakarusti luräwinak churi” sasa.

Josué 22:6

Uka qhipatsti, Josué chachax jupanakarux aski waxt'äwinak churasaw khithanukxäna, ukatsti jupanakax utanakaparuw sarxapxäna.