2 Samuel 24:22 - Qullan Arunaka DC

²² Arauna jaqisti sarakïnwa: —Reyixay, aka uraqi katusiskakim, ukatsti munkta ukhamarjam nakt'at waxt'äwinak Tatitur luqtarakim. Akansti urqu vacanakax wilañcha luqtañatakix utjiwa, jawq'añanakampi, yukunakampix phäñatakïniwa.

Aymar Bibliia 1986

²² Arauna jakesti saraquïnwa: —Jach'a reyejj catpan aca orake, ucatsti cuntejj munqui uca luraracpan, nact'at ofrendanacsa Tatitur loktaracpan. Acan utjiwa orko vacanacajj sacrificio loktañataqui, uqhamaraqui jawk'añanacasa, yugonacasa waliraquïspawa uca sacrificio ninaru naqhantayañataquejja.

Qullan Arunaca

²² Arauna jakesti saraquïnwa: —Jach'a reyejj catpan aca orake, ucatsti cuntejj munqui uca luraracpan, nact'at ofrendanacsa Tatitur loktaracpan. Acan utjiwa orko vacanacajj sacrificio loktañataqui, uqhamaraqui jawk'añanacasa, yugonacasa waliraquïspawa uca sacrificio ninaru naqhantayañataquejja.

2 Samuel 24:22 Jak'a apnaqawi uñst'ayäwi

Génesis 23:11

—¡Tata, ist'ita, janiw aljkirismati! Nayax uka uraqi inakiw churäma, uka uraqinkkis uka putupamppacha. Marka masinakaxas uka arsutax ist'asipkituwa. Warmiman jiwat janchip uka chiqar imt'asiskakim —sasa.

1 Reyes 19:21

Eliseosti Eliasat saraqawayäna, ukatsti kuttanisinxa, pä urqu vacanak katusin khariräna, ukatxa yuku lawanakampiw aychxa kankaräna, ukat jaqinakar manq'arayäna. Ukatsti Eliasan qhipap sarxäna, ukürutpach jupax Eliasan yanapiripäxäna.

1 Crónicas 21:22

Davidasti Ornán chacharux sänwa: —Trigo jawq'aña uraqim aljita, ukawjar Tatitutak mä altar lurañataki. Alapax qawqhäkitix ukhamar aljita, ukhamat aka mutuyäwix markat saraqxañapataki —sasa.

Jueces 6:26

qullu patansti, Tatitu Diosamatak mä altar sayt'ayam. Ukatsti uka urqu vaca katusin wilañchäkaspa ukham luqtita, tinkuykäta uka quqamp nakhantayasa —sasa.

1 Samuel 6:14

Kunapachatix uka carretax Bet-semes chiqan Josué chachan uraqipar purkän ukkhasti, ukkharuw sayt'äna. Ukansti mä jach'a qalaw utjäna, ukatsti jaqinakax uka carretan lawanakapat phäña wakt'ayasax Tatituruw uka vacanak nakt'ayas luqtapxäna.