2 Samuel 23:20 - Qullan Arunaka DC

²⁰ Joiadá jaqin Benaías sat yuqapax jan axsarir soldadorakïnwa, jupasti Cabseel chiqan utjasïna, wali jach'a luräwinak luräna. Jupaw Moab markankir Ariel jaqin pani yuqapar jiwarayäna. Mä urusti, khunuw khununtaskäna, jupasti mä jach'a p'iyar saraqasin mä leonar jiwt'ayäna.

Aymar Bibliia 1986

²⁰ Joiada jaken yokapa, Benaía satäqui cawquïritejj Cabseel sisqui uca chekan utjcän ucasti mä suma jakeraquïnwa, janiraquiwa cunsa ajjsarirïcänti, jupajj wali suma jach'a luräwinacwa luraraquïna. Juparaquiw Moab marcanquiri Ariel sat jaken pani yokanacaparojj jiwarayänjja. Mä urusti cunapachatejj wali qhunuscän ucapachasti jupajj mä jach'a p'iyaruw sarakascäna, ucansti mä leonaruw jiwt'ayaraquïna.

Qullan Arunaca

²⁰ Joiada jaken yokapa, Benaía satäqui cawquïritejj Cabseel sisqui uca chekan utjcän ucasti mä suma jakeraquïnwa, janiraquiwa cunsa ajjsarirïcänti, jupajj wali suma jach'a luräwinacwa luraraquïna. Juparaquiw Moab marcanquiri Ariel sat jaken pani yokanacaparojj jiwarayänjja. Mä urusti cunapachatejj wali qhunuscän ucapachasti jupajj mä jach'a p'iyaruw sarakascäna, ucansti mä leonaruw jiwt'ayaraquïna.

2 Samuel 23:20 Jak'a apnaqawi uñst'ayäwi

2 Samuel 1:23

“¡Saúl, Jonatán! Munat jaqinaka! Jakañansa, jiwañansa, janiw jaljtapxirïkiti. ¡Jach'a pakanakat sipan juk'amp jaltirïpxänwa! ¡Leonanakat sipan juk'amp ch'amanïpxänwa!

2 Samuel 20:23

Ukhamaw Joab chachax Israel markan taqpach ejercitopan jach'a jilïripat sayt'äna. Joiadá jaqin Benaías yuqapasti, cereteo, peleteo jaqinakan jilïriparakïnwa.

2 Samuel 23:19

ukatsti taqinit sipansa, jupaw jach'añchäwinak katuqäna, jupanakan jach'a jilïripaw tukurakïna, ukampis janiw uka kimsani jan axsarir chachanakjamäkänti.

2 Samuel 23:21

Ukatsti mä jach'a tansa egipcio jaqiruw jiwayarakïna, lanzapas ayt'at saraskiriru, Benaías jaqisti mä lawampiw uka jaqir jalxatäna, lanzapa ayarasin pachpa lanzapampiw uka egipcio jaqirux jiwt'ayäna.

2 Samuel 23:22

Benaías jaqin ukham luratapatsti, uka kimsa tunka jan axsarir jaqinak taypin, aytat jaqiw tukurakïna;

2 Samuel 8:18

Joiadá jaqin Benaías yuqapasti cereteo jaqinakaru, peleteo jaqinakar sarayirïnwa. David reyin yuqanakapasti sacerdotenakänwa.

1 Reyes 1:26

Ukampis janiw nayaruxa, Sadoc sacerdoterusa, Joiadan Benaías yuqaparusa, juma, reyin Salomón yuqamarus jawsayapkituti.

1 Reyes 1:38

Ukatsti Sadoc sacerdotempi, Natán profetampi, Joiadá chachan Benaías yuqapampi, cereteo jaqinakampi, peleteo jaqinakampix sarasin Salomonar David reyin mulaparuw lat'xatayapxäna, ukatsti Guihón chiqaruw irpapxäna.

1 Reyes 1:8

Ukampis janiw Adoniasarux Sadoc sacerdotesa, Joiadá chachan Benaías yuqapasa, Natán profetasa, reyin wali uñt'ata Simí chachasa, Davidan suma soldadonakapas yanapapkänti.

1 Reyes 2:46

Ukatsti reyix Benaiasaruw Simí jaqir jiwayañapatak säna, jupasti mistuwayasin Simí chachar jiwayanïna. Ukhamat marka apnaqäwix Salomonan amparapan sum sayt'awayäna.

1 Crónicas 12:8

8 (9) Gad ayllunkirit yaqhipanakax Davidaruw jaqkattapxäna, jupax wasaran utjki uka imantasiñ chiqankkän ukkha. Jupanakax jan axsarir nuwasirinakänwa, nuwasiñatakis suma yatichata, jark'aqasiña, lanza apnaqañatakis wakicht'atäpxänwa. Uñnaqanakapas leonanakar uñtatänwa, tarujanakjamaw qullunakan jalnaqapxäna.

1 Crónicas 18:17

ukatsti Benaías, jupax Joiadá chachan yuqapänwa, quereteo, peleteo uñjirinakan jilïripänwa. David reyin wawanakapasti jupan wakiskir yanapirinakapänwa.

Éxodo 15:15

Edom markankir jilïrix mayjt'asiniwa; Moab markankir jilïrinakax axsarañat khathatini, Canaán markankir jaqinakasti taqiniw ch'amap thayjtayasini.

Josué 15:21

Aynach tuqina, Edom markampi qurpa jak'anxa, Cabseel, Éder, Jagur,