2 Samuel 23:10 - Qullan Arunaka DC

¹⁰ ukampis Eleazarax ch'amampiw sayt'asïna, filisteonakarusti ampar t'ukjayasiñkamaw jiwarayäna, amparapas espadaruw lip'kattäna. Khä uruw Tatitux atipjayäna. Ukatsti ejercitox Eleazararuw arkäna kuntix uñisirinakat aparanipkatayna ukanak katuntasiñataki.

Aymar Bibliia 1986

¹⁰ Ucampisa jupajj pachpanwa sayt'asïna, ucatsti filisteonacarojj jiwarayascaquïnwa, karjtañcama, espadapas ayt'ataraquiw karita kheparjjäna. Uca urusti Tatitojj mä jach'a atipjäwi atipjäna. Ucatsti ejercitojj Eleazararuw arcaraquïna, cuntejj uñisirinacat aparanipcatayna ucanac catuntasiñataqui.

Qullan Arunaca

¹⁰ Ucampisa jupajj pachpanwa sayt'asïna, ucatsti filisteonacarojj jiwarayascaquïnwa, karjtañcama, espadapas ayt'ataraquiw karita kheparjjäna. Uca urusti Tatitojj mä jach'a atipjäwi atipjäna. Ucatsti ejercitojj Eleazararuw arcaraquïna, cuntejj uñisirinacat aparanipcatayna ucanac catuntasiñataqui.

2 Samuel 23:10 Jak'a apnaqawi uñst'ayäwi

2 Samuel 23:12

ukampis Samá chachax janiw jaltkänti, uka pamparuw sayantasïna, ukat israelitanakar arxatäna, filisteonakar jiwarayasa. Ukürusti Tatitux atipjayänwa.

2 Reyes 5:1

Mä chachaw utjäna Naamán sutini, jupasti Siria marka apnaqir reyin ejercitopan jilïripänwa, ukhamarus wali aytat jaqirakïnwa, reyisti juparux wal munasïna, jupa tuqiw Tatitux Siria markar atipjayatayna. Ukampis uka chachax lepra usunïnwa.

1 Crónicas 11:13

Jupax Pas-damim chiqan Davidampïskänwa, filisteonakax ukawjaruw nuwasiñatak tantachasipxäna. Ukawjansti cebada yapuw utjäna, kunapachatix israelita tamax filisteonakat jaltxapxän ukkhaxa,

Salmos 108:13

13 (14) Diosan yanapapampix muspharkañanak lurañäni, ¡jupaw timanakasarux takxatani!

Salmos 144:10

Jumaw reyinakar atipjaytaxa; jumarakiw David luqtirimar qhispiytaxa, jiwayir espadat arxatita; yaqha markankir jaqinakan amparapat qhispiyita, khitinakatix k'ari arunak parlapki, kupi amparap aytas k'ari juramento lurapki ukanakata.

Salmos 68:12

12 (13) “¡Reyinakampi, nuwasir tamanakapampix jaltxapxiwa!” sasa. Warminakax utanakapan katuntat yänak jalanuqasipxäna, uñisirinakat aparapkatayna uka yänaka,

Isaías 53:12

Ukat Tatitux jach'a jilïrinak taypir utt'ayani, jach'a jilïri munañaninakampiw atipjäwin kusisini, jiwañar katuyasitapata, mä juchan jaqïkaspas ukham uñt'ayasitap layku, jaqinakan juchanakap laykuw jakañap apt'asiwayi, juchararanakatsa arxatasirakïnwa.

Romanos 15:18

kuntix Cristox naya tuqi lurki ukak arsta, ukhamat jan judiöpkis ukanakax Diosar jaysapxañapataki. Taqi akanakasti arsutanakampi luratanakampiw phuqhasi,

2 Corintios 4:5

Janiw nanak pachpat yatiyasipkti, jan ukasti Jesucriston Tatitütap yatiyapxta; nanakax Tatitur munatanakax laykuw jumanakan yanapirimar tukupxta.

Josué 10:10

Tatituw jupanakarux israelitanakan nayraqatapan wal mulljasiyäna, ukhamaw Josué chachax Gabaón chiqan waljanir jiwarayäna. Ukatsti jupanakarux Bet-horón thakhinjam arktäna, amorreonakar jiwarayasa Azecá, Maquedá markanakar puriñkama.

Josué 11:8

Tatitusti israelitanakarux atipt'ayänwa, ukhamasti jupanakax Sidón, Misrefot-maim jach'a markanakkamaw arktasax jalxatapxäna, inti jalsu tuqit Mispá pampa chiqakama. Taqinipuniw jiwarapxäna.

Jueces 15:14

Kunapachatix Lejí chiqar puripkän ukkhasti, filisteonakax kusisiñat wali arnaqt'asisaw jupar jikxatir mistunipxäna. Ukampis Tatitun ajayupaw Sansonxar jutäna, ukat jupax amparanakapan ñach'antata wiskanakxa, jan kunak t'aqaräna, ninampi nakhantat lino ch'anqhäkaspas ukhama;

Jueces 15:18

Sansonasti umat wali pharjatänwa, ukat Tatitur art'asïna akham sasa: “Jumaw aka jan walt'añan atipt'ayistaxa, jichhasti, ¿aka jucharar jaqinakan amparapan umat pharjata uñch'ukikitätati?” sasa.

1 Samuel 11:13

Ukampisa Saúl waynax sarakïnwa: —Jichhürux janiw khitis jiwayatäkaniti, Tatituw Israel markar qhispiyi —sasa.

1 Samuel 14:23

Nuwasiñasti Bet-avén siski ukkhakamaw purïna, uka urusti Tatitux Israel markarux qhispiyarakïnwa.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa:

1 Samuel 17:53

Kunapachatix israelitanakax filisteonakar arktasin kuttanxapxän ukkhaxa, filisteon campamentopat q'al yänakap apsuwayapxäna.

1 Samuel 19:5

filisteo jaqir jiwayañatakix jakañapsa apt'asirpachänwa, ukhamat Tatitux taqi israelitanakar qhispiyi. Juma munañan reyix ukham uñjasax kusisïyätawa. Ukhamasti, ¿kunatarak juma munañan reyisti jan juchani Davidar jiwayasin juchañchjasiñ muntasti? —sasa.