2 Samuel 22:31 - Qullan Arunaka DC

³¹ “Tatitun thakhipax chiqapawa, Tatitun arsutanakapax taqi chuymampi iyawskayawa, ¡Tatitux jupar taqi chuymampi alkatirinakarux imaskapuniwa!

Aymar Bibliia 1986

³¹ “Diosan thaquipajj chekapawa, Tatitun arsutanacapajj take chuymamp iyawscayawa, ¡Diosajj jupar take chuymamp alcatirinacarojj imascapuniwa!

Qullan Arunaca

³¹ “Diosan thaquipajj chekapawa, Tatitun arsutanacapajj take chuymamp iyawscayawa, ¡Diosajj jupar take chuymamp alcatirinacarojj imascapuniwa!

2 Samuel 22:31 Jak'a apnaqawi uñst'ayäwi

2 Samuel 22:3

Jumaw Diosaxätaxa, jumaw nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa ¡Nuwasiñanakat nayar qhispiyista!

Nehemías 9:8

Jumasti jupan jumar iyawsatam uñjtaxa, ukat jupampix mä suma arust'äwi lurtaxa; jupat saraqiri jaqinakaru cananeonakana, hititanakana, amorreonakana, ferezeonakana, jebuseonakana, gergeseonakan uraqinakap churañataki. ¡Jumasti arsutamarux phuqhapuntawa!

Job 34:10

Wali amuyt'an jaqinaka, ist'apxita: ¡Taqi ch'aman Diosax janiw kuna jan walsa lurkaspati, janirakiw kunatix jan chiqapäki uksa lurkaspati!

Salmos 119:140

Arsutamax wali yant'ataw uñjasi; uywatamasti arsutamaruw munasi.

Salmos 12:6

6 (7) Tatitun arsutanakapax chiqpachawa; ninampi paqallq kuti q'umachat qullqir uñtatawa.

Salmos 145:17

Tatitux taqi sarnaqäwipan chiqap uñjiriwa, taqi luräwinakapan munasiñaniwa.

Salmos 18:30

30 (31) Tatitun thakhipax chiqapawa, jupan arsutanakapax taqi chuymamp iyawskayawa, ¡Tatitux jupar taqi chuymamp alkatirinakarux imaskapuniwa!

Salmos 2:7

Tatitun arsutap yatiyä: Jupax situwa: “Jumaw nayan wawaxätaxa: jichhüruw jumarux jakañ chursma.

Salmos 35:2

Jark'aqasiñam katxarusim, yanapt'iriy jutita;

Salmos 84:9

9 (10) Nanakar arxatir Diosay, juman ajllit reyirux khuyapayasiñampiy uñtanim.

Salmos 91:4

chhiqhanakapampiw imxatätam, chhiqhanakap manqhäxan imantasïta. ¡Amparapax jark'aqasiñar uñtataw imätam!

Proverbios 30:5

Tatitux jupar iyawsirinakarux imiwa; jupan arsutanakapasti chiqapawa.

Eclesiastés 3:14

Kuntix Diosax lurki ukan wiñayatakïtap amuyarakta. Janiw ukar yapt'añas apaqañas wakiskiti; Diosaw ukham luri, jupa nayraqatan axsart'añax utjañapataki.

Daniel (hebreo) 4:34

34 (31) “Kunapachatix uka juchañchäwi urunakax phuqhasxäna ukapachasti, naya Nabucodonosor reyix alaxpacha uñtta, ukatsti luqhi kankañaxat qullatätaxa amuyasirakta, ukat nayax alaxpachankir Diosar jach'añchta, aka arunakampiw wiñayatak jakiriru yupaycharakta: “ ‘Ch'amapax wiñayatakipunïniwa; jupan marka apnaqañapax wawanakansa wawanakapatakïniwa.

Daniel (hebreo) 4:37

37 (34) “Ukat jichhaxa, naya, Nabucodonosor reyix alaxpachankir Reyiru yupaychta, jach'añchta, waqaycharakta, jupan luräwinakapax chiqapapuniwa, jach'a jach'a tukurinakarusti jisk'achjarakiwa.”

Mateo 5:48

Jumanakax askïpxam, kunjämatix alaxpachankir Awkimax askïki ukhama.

Deuteronomio 32:4

Jupaw jiwasan arxatirisaxa; luräwinakapax jan kamskayawa, luratapas chiqaparakiwa. Jupax chiqa kankañan Diosapawa, janiw ñanqha luratapax utjkiti, ¡jupax chiqawa, askirakiwa!

Apocalipsis 15:3

Ukatsti Diosan luqtiripa Moisesan q'uchupampi, ukhamarak Corderon q'uchupampi q'uchupxäna, akham sasa: “Taqi ch'aman Tatit Diosay, luratanakamax jach'awa, muspharkayarakiwa. Markanakan Reyipa, sarnaqäwinakamax chiqapawa, askirakiwa.