2 Samuel 21:10 - Qullan Arunaka DC

¹⁰ Ukat Aiá chachan Rispá phuchhapaxa, llakisiñat chhankha isinakampiw uchasïna, ukatsti mä qarqa pataruw winkutatäna, paqallqu jiwat janchinak jak'aru. Ukawjan qhiparäna cebada apthapiñ qallta urunakata, jallupacha qallta urunakkama; uruy arumaw uka jiwat janchinak uñjäna, janiw jamach'inaksa, pampa animalanaksa jak'aykänti.

Aymar Bibliia 1986

¹⁰ Uqhamasti Rizpa sat warmejja, cawquïritejj Ajan phuchapäcän ucasti chhanqha isinacampiw ist'asïna, lutt'asitapa uñacht'ayañataqui, mä karka pataruw wincutataraquïna. Ucaruw khepararaquïna cebada apthapiña kalltcän ucata, jallupachan puriniñapcama, janiraquiw jach'a jamach'inacarojj jac'aycänti urunacajja, ni monte animalanacarus jac'ayancaraquïnti arumanacajja, jiwat amayanacarojja.

Qullan Arunaca

¹⁰ Uqhamasti Rizpa sat warmejja, cawquïritejj Ajan phuchapäcän ucasti chhanqha isinacampiw ist'asïna, lutt'asitapa uñacht'ayañataqui, mä karka pataruw wincutataraquïna. Ucaruw khepararaquïna cebada apthapiña kalltcän ucata, jallupachan puriniñapcama, janiraquiw jach'a jamach'inacarojj jac'aycänti urunacajja, ni monte animalanacarus jac'ayancaraquïnti arumanacajja, jiwat amayanacarojja.

2 Samuel 21:10 Jak'a apnaqawi uñst'ayäwi

Génesis 40:19

Akat kimsa ururusti, faraonax luratam uñjani, ukatsti mä quqaruw warkkatayätam, siwiq'aranakaw jutasin janchim manq'ani —sasa.

2 Samuel 21:11

Davidasti kuntix Saúl reyin Rispá uñt'atapax lurkatayna uk yatisinxa,

2 Samuel 3:7

Saúl reyin mä uñt'atapaw utjatayna Rispá sutini, Aiá jaqin phuchhapänwa, Abnerasti uka warmimpiw sarnaqxarakitayna. Ukat Is-bóset chachax Abnerar sarakïna: —¿Kunatarak awkixan uñt'at warmipamp ikintastasti? —sasa.

1 Reyes 21:27

Ahab reyisti Eliasan taqi uka arunakap ist'asinxa, isip ch'iyanuqasïna, ukatsti chhankha isinak uchasisin ayuno luräna. Uka isimpiw ikïna, wali llakitaw sarnaqarakïna.

Jeremías 14:22

¿Uka k'ari diosanak taypin utjiti mayni jallu puriyirixa? ¿Alaxpachasti jupapachakiti jallu puriyanixa? ¡Janiwa, nanakan Dios Tatituxay! Jumaw jallxa apayanta, jumaw taqi ukanak lurta; ¡ukat jumaruki suyt'apxsma!

Ezequiel 39:4

Jumasti, ejercitomampi, jumampi chika sarnaqir jaqinakamampix Israel qullunakan jiwarapxäta, jumanakan jiwarat janchinakamsti siwiq'aranakaru, monte animalanakaruw liwxaruyä manq'antatäpxañamataki.

Oseas 6:3

¡Tatitur uñt'añatak ch'amacht'asipxañäni! Jupaw jiwasanakan ukar jutani, kunjämtix intix jalsunki ukhama, kunjämtix nayraqat jallunakax uraqir purxatki ukhama.

Joel 1:18

¡Uywanakasti wal wararipxi! Vacanakas inamayakiw chhuxllanak thaqhasipki; oveja tamanakas tampacharakiw jiwaraski.

Joel 2:23

¡Sionan utjir jaqinaka, kusisipxam, Tatitu Diosamampi kusisipxam! Jupaw wakisit urun jallu apayanipxtam, nayra jallsa, qhipa jallsa puriyaraki, kunjämtix nayra pachax apayankän ukhama.

Zacarías 10:1

Tatitur jallupach jallunak mayipxam, lliju llijunak utjayir Tatituw walja jallunak apayanini, taqiniruw pampankir ch'uxñanak churarakini.

Deuteronomio 11:14

jupaw wakisitapar nayra jallsa qhipa jallsa apayanipxätam, jumanakan trigo, aceite, vino apthapipxañamataki,

Deuteronomio 21:13

Ukxarusti uchatäkän uka isip apsusisin machaq isimpiw uchasini, ukatsti uka utan jakiriw qhiparxarakini. Awkiparu, taykapar jaytjanitapatsti, mä phaxsiw jachani; ukanak qhipatsti, israelit jaqix uka warmimpiw jaqichasxani; ukatsti chacha warmïxapxaniwa.

Deuteronomio 21:22

Moisesasti sarakïnwa: “Khiti jaqitix mä quqar warkkatat jiwayatäkani mä jach'a jucha luratap layku,

Deuteronomio 21:23

uka jaqin janchipax janiw uka arumax uka quqan warkusiñapäkiti, jan ukasti ukürpachaw imt'xapxäta; quqar warkkatat jiwir jaqix Diosan ñanqhachatawa, Tatit Diosamax jumanakar churapkätam uka uraqxa, janiw jumanakax ñanqhachapxañamäkiti.

1 Samuel 17:44

Ukhamarus sarakïnwa: —¡Jutam akaru, nayax juman janchim alaxpach jamach'inakana, pampankir animalanakan manq'antañapatakiw churä! —sasa.

1 Samuel 17:46

Jichhasti Tatitux amparaxaruw jumar katuyitani, ukatsti jichhpachaw jiwt'ayäma, p'iqimsa apaqarakïma, filisteonakan jiwata janchipsa alaxpach jamach'inakana, pampankir animalanakan manq'antañapatakiw churä. Ukhamat taqinis yatipxani, Israel markan mä Diosan utjatapa,