2 Samuel 2:16 - Qullan Arunaka DC

¹⁶ Ukatsti sapa mayniw uñisiriparux p'iqit katuntasin espadamp jaraphit chhuqhuntäna, ukhamat taqini jiwarat uñjasipxäna. Ukat Gabaón marka jak'ankki uka chiqax “Espadanakan pampapa” sataxa.

Aymar Bibliia 1986

¹⁶ Sapa mayniw uñisiriparojj p'eket catuntasin, mä espadampi puracapat chhokhontäna, uqhamat takeni jiwarata uñjasipjjäna. Ucatwa uca chekajj, cawquïritejj Gabaón marcancqui ucajj Helcat-hazurim satajja.

Qullan Arunaca

¹⁶ Sapa mayniw uñisiriparojj p'eket catuntasin, mä espadampi puracapat chhokhontäna, uqhamat takeni jiwarata uñjasipjjäna. Ucatwa uca chekajj, cawquïritejj Gabaón marcancqui ucajj Helcat-hazurim satajja.

2 Samuel 2:16 Jak'a apnaqawi uñst'ayäwi

2 Samuel 2:14

Ukat Abnerax Joab chachar säna: —Waynanak mistupxpan jiwas nayraqatan nuwasiñataki —sasa. —Walikiwa —sasaw Joab chachax sarakïna.

2 Samuel 2:15

Ukhamasti, Benjamín ayllunkirimpita, Saúl reyin Is-bóset yuqapan tamapankirimpitxa, tunka payan waynanakaw nayraqatar mistüna, Davidan tamapankiritsti tunka payaniw misturakïna.

2 Samuel 2:17

Uka urusti nuwasiñax walt'atapunïnwa, Davidan soldadonakapaw Abnerampiru, Israelan tamanakapampir atipjäna.

2 Samuel 2:26

Ukat Abnerax Joab chachar art'äna: —¿Janit aka jiwarayäwix tukuskani? ¿Janit amuykta aka luräwix jan walt'añaki apanirapistani ukxa? ¿Kunapacharak jaqinakamar säta jilanakapar jan juk'amp arknaqxañapatakisti? —sasa.

1 Reyes 20:20

Ukatsti jupanakat sapa mayniw uñisiripar jiwayäna, sirio jaqinakasti jaltxapxarakïnwa, Israelitanakax jupanakar arktänwa, ukampis sirionakan Ben-adad reyipax mä caballxat jaltxäna, mä qawqha caballería soldadonakamp chika.

Hechos 1:19

Uka lurasitapasti Jerusalén markpachan yatisi, uka urutpach uka chiqax Hacéldama sutimpi uñt'ata, ukasti ‘Wila wartat uraqi’ sañ muni.

Josué 19:25

Jupanakan uraqinakapax akanakänwa: Helcat, Halí, Beten, Acsaf,