2 Samuel 19:28 - Qullan Arunaka DC

²⁸ 28 (29) Awkixan wila masinakapax juma nayraqatan jiwarayatäñap wakiskchïn ukasa, nayarux jumamp chik manq'äwiman manq'asiñatakiw jawsayistaxa. Jichhasti, ¿kunat juk'ampirak juma reyit mayirismasti? —sasa.

Aymar Bibliia 1986

²⁸ Awquejjan take familianacapas juma jach'a rey nayrakatanjja jiwarayatäñapäcchïnsa, aca uywatamasti juman mesamat mank'asiñapataqui jawsataraquïnwa. Jichhasti, ¿cunat juc'ampraqui jach'a reyitsti mayiraquirista? —sasaw Mefi-boset jakejj säna.

Qullan Arunaca

²⁸ Awquejjan take familianacapas juma jach'a rey nayrakatanjja jiwarayatäñapäcchïnsa, aca uywatamasti juman mesamat mank'asiñapataqui jawsataraquïnwa. Jichhasti, ¿cunat juc'ampraqui jach'a reyitsti mayiraquirista? —sasaw Mefi-boset jakejj säna.

2 Samuel 19:28 Jak'a apnaqawi uñst'ayäwi

Génesis 32:10

10 (11) Janiw kuna askïktsa juman nayar khuyapayasiñampi, chiqa kankañampi uñjañamatakixa. Nayax thujru maya ayt'atakiw aka Jordán jawir makhatäyäta, ukampis jichhax jaqinakaxasa, uywanakaxas pä tamawa.

2 Samuel 14:17

Arunakamampi chuymachat jikxatasiñsa yatirakïyätwa, juma reyisti, Diosan angelapjamätawa, taqi kunsa chiqaparupuniw uñjtaxa. ¡Tatitu Diosay jumar aski waxt'äwipamp phuqt'pan! —sasa.

2 Samuel 14:20

Jupasti suma amtäwimpiw ak luri. Ukampis juma reyix wali amuyt'anïtawa, taqi kunanakatix aka markan luraski ukanaksa Diosan mä angelapjamaw yatiraktaxa —sasa.

2 Samuel 15:26

Ukampis Tatitutix sitani: “Janiw nayatakjamäktati” sasaxa, ukapachasti jupan khuyapayasiñap suyä, kuntix nayampi lurañ munkani uk luraskakpan —sasa.

2 Samuel 16:3

Reyisti jiskt'änwa: —¿Kawkinkarak uywiriman allchhipasti? —sasa. Sibá jaqisti ukxaruw säna: —Jerusalén markankaskiwa, jupasti siwa: “Israelitanakax achachilaxarux reyi qunuñap kuttayxapxaniwa” —sasa.

2 Samuel 19:29

29 (30) Reyisti sarakïnwa: —Janiw jichhax kuna parlañas utjkxiti. Nayax niy saraktwa, Saúl reyinkkän uka uraqinakxa, jumampi, Sibampiw jaljasipxäta —sasa.

2 Samuel 9:10

Ukhamasti, jumampi, wawanakamampi, uywatanakamampix jupatakiw jichhax yapucharapipxäta, kunatix achkani ukanaksti sum imarapipxäta, ukhamat uywiriman utapan manq'ax jan pist'añapataki, Mefi-bóset allchhipax nayamp chika manq'äwixan manq'kchini ukasa —sasa.

2 Samuel 9:13

Ukampis Mefi-bosetax purap kayut suchütap laykux Jerusalenan jakäna, David reyimpipuniw manq'asirakïna.

2 Reyes 8:3

Uka paqallq mara qhipatsti, uka warmix filisteonakan uraqipat kutt'anxänwa, ukatsti reyin ukaruw saräna, utapampi, uraqinakapampi kutkatayasxañataki.

1 Samuel 26:16

Juman luratamax janiw walïkiti. Nayasti Tatitun sutipxaruw juramentompi arsta, jumanakax Tatitun chhijllat reyiru jan suma uñjapxatam laykux jiwarayatäpxañamaw wakisi. ¡Jichhax reyin ch'ijmapänkkän uka lanzampi, uma wakullapampi thaqtam, inach jikxatäta! —sasa.