2 Samuel 19:24 - Qullan Arunaka DC

²⁴ 24 (25) Saúl reyin Mefi-bóset sat allchhipas reyir katuqirix mistunirakïnwa. Jupasti kunürutix Davidax Jerusalenat mistkatayna ukürutpacha, kuttankän ukürkamax, janiw kayunakap jariqaskataynati, sunkhanakapsa mururaskataynati, isinakapsa t'axsuskataynati.

Aymar Bibliia 1986

²⁴ Uqhamaraqui Mefi-boset sat jakes, cawquïritejj Saúl reyin wawapäcaraquïna ucasa, reyir catokeriw mistuniraquïna. Cunürutejj reyejj mistcatayna, cunüruraquitejj c'umara jan cuna camacht'ata cuttancäna uca urcamasti janiw cayunacjja jarekascataynati, janiraquiw sunqhanacapsa mururascataynati, ni isinacapsa t'ajjsuscaraquitaynati.

Qullan Arunaca

²⁴ Uqhamaraqui Mefi-boset sat jakes, cawquïritejj Saúl reyin wawapäcaraquïna ucasa, reyir catokeriw mistuniraquïna. Cunürutejj reyejj mistcatayna, cunüruraquitejj c'umara jan cuna camacht'ata cuttancäna uca urcamasti janiw cayunacjja jarekascataynati, janiraquiw sunqhanacapsa mururascataynati, ni isinacapsa t'ajjsuscaraquitaynati.

2 Samuel 19:24 Jak'a apnaqawi uñst'ayäwi

2 Samuel 12:20

Ukspachaw Davidax uraqit sartäna, jariqasisinsti, suma q'apkir qullampiw jawsusïna, yaqha isimpiw uchasirakïna. Ukatsti Tatitun utapar mantasin jupat mayisïna. Utapar kuttasinsti manq'a mayïna ukat manq'arakïna.

2 Samuel 15:30

Davidasti Olivos qullu amsta makhatäna; llakisiñat q'ara kayukiw saräna, jacht'asisa, p'iqipas ch'uqt'ata. Jupampi chika sarapkäna uka jaqinakasti p'iqinakap ch'uqt'atkamakiw jacht'asis makhatapxarakïna.

2 Samuel 16:3

Reyisti jiskt'änwa: —¿Kawkinkarak uywiriman allchhipasti? —sasa. Sibá jaqisti ukxaruw säna: —Jerusalén markankaskiwa, jupasti siwa: “Israelitanakax achachilaxarux reyi qunuñap kuttayxapxaniwa” —sasa.

2 Samuel 9:11

Sibá jaqix tunka phisqan yuqani, pä tunka uywatanïnwa, reyirusti akham säna: —Reyixay, taqi kuntix siskista ukarjamaw naya uywatamax phuqhä —sasa. Mefi-bosetasti Davidan manq'äwipatpun manq'asïna, reyin mayni wawapäkaspas ukhama.

1 Reyes 2:8

Ukxarusti amuyasirakim jumampïki uka Guerá jaqin Simí yuqapata, jupasti Bahurim chiqankir benjaminita jaqiwa. Nayax Mahanaim uksar saraskäyät ukapachaw jupax axsarkañ arunakampi ñanqhachanitu. Uka qhipatsti Jordán jawirarux nayar katuqir mistunirakïnwa, nayasti Tatit laykuw juramento lurañaxäna jupar jan jiwayañataki.

Éxodo 19:10

Tatitusti Moisesarux saskakïnwa: —Saram, ukatsti markar wakichanim jichhüru, qharüru jupanakax q'umachasipxpan. Isinakap t'axsusipxpan,

Isaías 15:2

Dibon markan utjir jaqinakasti, qullu patankki uka templor jachiriw makhatapxi, Moab markasti, Nebo markampina, Medebá markampin t'unjatätapat chuyma wal usuyasi. Ñik'utanakapasa, sunkhanakapas taqinin mururatkamäpxi.

Jeremías 41:5

ukapachasti Siquem, Siló, Samaria tuqinakat kimsaqallqu tunka jaqinakaw purintanipxäna, sunkhanakapas mururata, isinakapas ch'iyanuqata, janchinakapas jupanakpachan q'ala chhuxriñchjasita. Ukhamarus granonaka, inciensonaka apanipxäna Tatitun utapan Tatitur luqtañataki.

Mateo 6:16

“Kunapachatix jumanakax ayunapkäta ukkhasti, janiy k'ari chuyman jaqinakjam llakit ajan uñacht'ayapxamti, jupanakax ayunatapa jaqimp uñjayasiñatakikiw llakit ajan uñacht'ayapxi. Qhanak sapxsma, ukham luratapampix churäwip niy katuqxapxiwa.

Romanos 12:15

Kusisitanakampix kusisipxam, jachirinakampisti jachapxarakim.

Hebreos 13:3

Katuntat jaqinakat amtasipxam, jupanakamp chikas katuntatäpkasma ukhama. Khitinakatix chhuxriñchjatäpki ukanakat amtasipxam, jumanakax jupanakjamaw uñjasipxarakisma.