2 Samuel 18:8 - Qullan Arunaka DC

⁸ Nuwasiñasti taqi uksa uraqpacharuw puritayna, uka urusti jaqinakax espadampi jiwarayatäñat sipansa, uka ch'umi taypin waljaniw jiwarapxäna.

Aymar Bibliia 1986

⁸ Guerrasti take marcpacharuw mantaraquitayna, uca urusti uca ch'umi laycuw jilpach jakenacajj jiwarapjjaraquitayna espadampi jiwarayatäñat sipansa.

Qullan Arunaca

⁸ Guerrasti take marcpacharuw mantaraquitayna, uca urusti uca ch'umi laycuw jilpach jakenacajj jiwarapjjaraquitayna espadampi jiwarayatäñat sipansa.

2 Samuel 18:8 Jak'a apnaqawi uñst'ayäwi

2 Samuel 18:7

ukatsti Davidan arkirinakapaw Absalonan ejercitopar atipjäna. Ukürusti walja jaqinakapuniw jiwarayat uñjasïna, Absalonan jaqinakapat pä tunka waranqaw jiwaräna.

2 Samuel 18:9

Absalonasti mä mular lat'xatataw sarantaskäna, ukatsti akatjamat Davidan arkirinakapampi jikintasïna. Uka mulasti mä jach'a encina quqan layminakap taypi jalantawayäna, ukatsti Absalonan p'iqipax quqan layminakap taypin achuranttäna, ukchañkamasti mulax jalaskakïnwa, Absalonasti uka quqan warkutaw uñjasïna.

1 Reyes 20:30

Uka nuwasïwit jilt'ir soldadonakasti Afec markaruw jaltxapxäna, ukampis markan pirqapax pä tunka paqallqun waranqa soldadonakxaruw allxattäna. Ben-adad reyisti markat jaltxarakitaynawa, jupasti markar purisax utat utaruw imantasïna.

Salmos 3:7

7 (8) ¡Tatay, sartasikimaya! ¡Dios Tatituxay, qhispiyasikitaya! Jumaw uñisirinakaxan ajanupat t'axllinuqäta; ¡ñanqha luririnakan laka ch'akhanakap t'unsurakïta!

Salmos 43:1

Diosay, chiqapar uñjita; ¡qhuru jaqinakat arxatita! ¡K'ari, ñanqha lurir jaqit qhispiyasita,

Éxodo 15:10

Ukampis jumax may phust'asakiw qutampi chhaqtaytaxa; jupanakax plomo metaljamaw uma mathapi manqhir chhaqhantawayapxi.

Proverbios 24:21

Munat wawaxay, Diosampitaki, reyimpitakix axsartañ chuymanïma; uñisirinakamampix jan mayachasimti,

Proverbios 24:22

jupanakan tukusiñapax akatjamat purinini, janiw khitis yatkiti kuna mutuyäwtix Diosampi, reyimpi churkaspa ukxa.

Josué 10:11

Amorreonakax israelitanakat jaltxasin Bet-horón sat aynacha jalaqasipkän ukkhasti, Tatitux chhijchhir uñtat jach'a qalanak jupanakxar puriyäna, ukanakasti israelitanakan espadanakapamp jiwarayañat sipansa, juk'amp walja amorreo jaqinakaruw jiwarayäna.