2 Samuel 18:17 - Qullan Arunaka DC

¹⁷ Ukatsti Absalonan janchip katusinxa, uka ch'umin utjir mä jach'a p'iyaruw jaquntapxäna, uka patxarusti qalanak phint'apxäna. Ukatsti israelitanakax utanakaparuw jaltxapxäna.

Aymar Bibliia 1986

¹⁷ Ucatsti Absalonan janchipa catusinjja, uca ch'umin mä jach'a p'iyaruw jakontapjjaraquïna, jupa patjjarusti kalanacampiw montonjjatapjjäna. Ucatsti take israelitanacajj utanacaparuw jaltjjapjjaraquïna.

Qullan Arunaca

¹⁷ Ucatsti Absalonan janchipa catusinjja, uca ch'umin mä jach'a p'iyaruw jakontapjjaraquïna, jupa patjjarusti kalanacampiw montonjjatapjjäna. Ucatsti take israelitanacajj utanacaparuw jaltjjapjjaraquïna.

2 Samuel 18:17 Jak'a apnaqawi uñst'ayäwi

2 Samuel 19:5

5 (6) Joab chachasti reyi utar sarasin reyir sarakïna: —Jichhürux juma, reyix, taqpach yanapirinakamaruw p'inqachapxistaxa, jupanakaw jakañam qhispiyapxtam, ukhamaraki wawanakamana, phuchhanakamana, uñt'at warminakaman jakañap qhispiyapxi.

2 Samuel 19:8

8 (9) Ukhamasti reyix sartasisin marka punkur qunt'asiriw saräna. Kunapachatix taqi jaqinakaru reyin marka mantañawjan qunt'atäskatap yatiyatäxäna ukapachasti, taqiniw aruntirix uñstanipxäna. Israelita jaqinakasti taqiniw utanakapar jaltxapxatayna.

2 Samuel 19:9

9 (10) Ukatsti Israelan taqpach ayllunakapan jaqinakax ch'axwasin sapxarakïna: “David reyiw filisteo jaqinakampita, uñisirinakasampit qhispiyistu, ukampis Absalón wawap laykuw markat jaltawayxi.

2 Samuel 20:1

Benjamín ayllun mayni qhuru jaqiw utjäna, Sebá sata, Bicrí jaqin yuqapänwa, jupasti Guilgal markan jikxatasïna. Uka Sebá jaqisti markachirinakaruw sayt'asiñatak amtayäna, akham sasa: “¡Jiwasan janiw Davidampi kuna lurañasas utjkiti! ¡Israelit jaqinaka, utanakamar kuttxapxam!” sasa.

2 Samuel 20:22

Ukatsti ukspachaw warmix jalasin taqpach markachirinakar wali ch'ikhi kankañapamp amtayäna, Sebá jaqin p'iqip apaqañataki, ukat Sebá jaqin p'iqip apaqasinxa, Joab chacharuw uka p'iqi pirqa patatpach liwt'anxapxäna. Ukat Joab chachax trompeta phust'ayarakïna, soldadonakasti taqiniw uka markat jithiqtawayxäna, sapa maynis utaparkamaw sarxapxäna. Joab chachasti Jerusalén markaruw reyimp parlir kuttxäna.

2 Reyes 14:12

Ukatsti Israel jaqinakaw Judá markankir jaqinakar atipjapxäna, ukatxa sapa mayniw utanakapar jaltxapxäna.

2 Reyes 8:21

Joram reyisti Saír sat chiqaruw taqpach nuwasiñ carronakapampi sarantäna, arum tuqirusti jupampi, nuwasiñ carronakan capitananakapampix sartasisin muyuntapkatayna uka edomita jaqinakaruw nuwantapxäna, ukatsti jaltayapxänwa.

Proverbios 10:7

Aski jaqix suma amtatäniwa; ñanqha jaqirusti mäkiw armatäxi.

Deuteronomio 21:20

Ukat jupanakar sapxani: ‘Aka wawaxax jan ist'asiri, qallasiriwa; janiw kun satas yäqapkituti, munañap sarnaqiriwa, ukhamarus machirirakiwa’ sasa.

Deuteronomio 21:21

Ukatsti markankir taqpach jaqinakaw qalamp k'upjasin uka qallasir wawar jiwayapxani. Ukhamat jumanakax markaman uka ñanqha luririnak tukjapxäta, uk yatisinsti israelit jaqinakax wal axsarapxani.

Josué 10:27

Kunapachatix intix niya jalantañampïxän ukkhasti, Josué chachax jaqinak khithäna, uka quqanakat apaqanipxañapataki, ukatsti kawkha putuntix imantasipkatayna uka pachpa puturuw jaquntayanïna. Uka putu mantañapsti jach'a qalanakampiw atkatayäna, ukanakasti jichhürkamaw ukankaski.

Josué 7:26

Ukxarusti Acán chachan amayap patxarux walja qalanak phinxatapxäna, ukasti jichhakamaw ukankaski. Ukat uka chiqax jichhürkam Acor qhirwa sataxa. Ukhamat Tatitun q'apisiñapax Israel markatak tukusïna.

Josué 8:29

Josué chachax Ai markan reyiparux mä quqaruw warkkatayäna, ukasti jayp'ukamaw ukankaskäna, kunapachatix intix jalantkän ukkhaw amayap apaqirix khithäna, ukatsti marka mantañawjaruw amayap jaqtayäna, qalanakampirakiw phinxatayäna. Uka qala phinax jichhürkamaw ukankaski.

1 Samuel 4:10

Filisteonakasti israelitanakarux nuwantasin atipt'apxäna, jupanakasti campamentoparuw jaltxapxarakïna. Jiwaratanakax walt'atapunïnwa, kimsa tunk waranq israelit soldadonakaw jiwaräna, ukat jilt'irinakasti utanakaparuw jaltxapxäna.