2 Samuel 18:14 - Qullan Arunaka DC

¹⁴ Joab chachasti ukxaruw sarakïna: —¡Inamayaw jumamp parlaskta! —sasa. Ukspachaw Joabax encina quqäkis ukar saräna, kawkhantix Absalonax warkusiskän ukkharu, ukatsti kimsa mich'inak katusin Absalonan chuymapat jakaskiriruw chhuqhuntäna.

Aymar Bibliia 1986

¹⁴ —Janiw jumampi tiempo pasañajjajj waquisquiti —sasaw Joab chachajj saraquïna; ucatsti quimsa flechanac aptasisinjja, jupapachpaw Absalonan chuymapat quimsa flechanacampi chhokhontäna, jacasquiriru, cunapachatejj uca encina kokat warcusisincäna ucapacha.

Qullan Arunaca

¹⁴ —Janiw jumampi tiempo pasañajjajj waquisquiti —sasaw Joab chachajj saraquïna; ucatsti quimsa flechanac aptasisinjja, jupapachpaw Absalonan chuymapat quimsa flechanacampi chhokhontäna, jacasquiriru, cunapachatejj uca encina kokat warcusisincäna ucapacha.

2 Samuel 18:14 Jak'a apnaqawi uñst'ayäwi

2 Samuel 12:10

Jichhasti, nayar jisk'achatamata, ukatsti Urías hitita jaqir warmip irparatamatsa, janipuniw utamat jan walt'añanakax jayarst'kaniti.

2 Samuel 14:30

Ukat Absalonax uywatanakapar säna: —Ist'apxita, Joab chachan yapunakapax nayan yapunakax jak'ankiwa, cebada yapuchatkamakiwa. ¡Sarapxam, ninamp phichhantanipxam! —sasa. Absalonan uywatanakapasti sarasin Joab chachan yapunakap ninampiw phichhantanipxäna.

2 Samuel 18:15

Ukatsti Joab chachan yanapirinakapat tunkaniw Absalonar muyuntasin jiwayapxäna.

2 Samuel 18:5

Ukhamarus reyix Joabampiru, Abisai jaqimpiru, Itai jilïrimpirux iwxt'arakïnwa, reyi layku Absalonar sum uñjapxañapataki, taqpach soldadonakarakiw kuntix reyix Absalonxat jilïrinakar siskäna uk ist'apxäna.

2 Samuel 19:1

1-2 (3) Jaqinakasti reyin, Absalón yuqapatjam wali jachatap ist'asinxa, Joab chachan ukaruw yatiyir sarapxäna. Ukhamaw uka urux nuwasïwin atipjañax llakisiñ urur kipstäna.

2 Samuel 19:11

11 (12) Uka arunakasti Israel markpachan ist'asïna, David reyin utapkamarakiw puritayna. Ukat Davidax Sadoc, Abiatar sacerdotenakar mä iwxa apayäna, akham sasa: “Jumanakax Judá markankir jilïr jaqinakamp parlapxam, kunatsa jan jichhakam nayaru reyi utaxar kuttayanxapxitu,

Job 20:5

ñanqha lurir jaqin kusisiñapax juk'atakikiwa; kusist'añapasti jank'a tukusirikirakiwa.

Salmos 37:35

Ñanqha jaqiruw jach'achasir uñjta, mä jach'a quqjam jilantaskir uñjta;

Salmos 45:5

5 (6) Mich'inakamax wali arinakawa, markanakax jumaruw makhatxapxtam, reyimpi timasirinakax axsarayasxiwa.

Mateo 12:40

Kunjämtix Jonasax kimsa urumpi kimsa arumampix mä jach'a chawllan purakapankänxa, uka kipkarakiw jaqin Yuqapax kimsa urumpi kimsa arumampi uraq manqhankani.

1 Tesalonicenses 5:3

Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.

Jueces 4:21

Ukampis Sisarax wali qaritätapat laykux ikjawayxäna. Ukham uñjasinsti, Jael warmix mä martillompi, chhujlla utap katxäsir ch'akurumpi aptasinxa, kawkhantix Sisarax ikiskäna ukkharuw k'achat jak'achasïna, ukatsti uka ch'akurumpiw p'iqipat liq'intäna uraqkam puriyasa. Ukhamaw Sisarax jiwäna.

Jueces 5:26

Ukchañkamasti ch'iqa amparapampix mä ch'akur katüna, kupi amparampisti jathi martillo katurakïna, Sisararux ukampi p'iqita jisktasin, p'iqip ch'iyjäna, parapat uka ch'akurumpi liq'intarakïna.

Jueces 5:31

“¡Tatay, taqpach uñisirinakamax ukham tukjatäpxpan, jumar munirinakasti qhanapxpan, kunjämtix intix chika urun qhanki ukhama!” Uka qhipatsti uka uraqinxa, pusi tunka maraw samarañax utjäna.