2 Samuel 17:29 - Qullan Arunaka DC

²⁹ misk'i, vaca lechet lurat queso, oveja lechet lurat queso, Davidampi, jupa chik sarir jaqinakampi manq'asiñapataki; wasar tuqit jutasin manq'at wali awtjata, umatsa pharjat jikxatasipxatap amuyasina.

Aymar Bibliia 1986

²⁹ misq'i, mantequilla, vaca lechet lurat queso, uqhamaraqui oveja lechet lurat queso, Davidan mank'asiñapataqui, uqhamaraqui jakenacapasa; jupanacasti amuyapjjaraquitaynawa Davidan wasara toket jutatapa, jupasa uqhamaraqui jakenacapasa wali mank'at awtjatäpjjatapa umatsa pharjatäpjjataparaqui.

Qullan Arunaca

²⁹ misq'i, mantequilla, vaca lechet lurat queso, uqhamaraqui oveja lechet lurat queso, Davidan mank'asiñapataqui, uqhamaraqui jakenacapasa; jupanacasti amuyapjjaraquitaynawa Davidan wasara toket jutatapa, jupasa uqhamaraqui jakenacapasa wali mank'at awtjatäpjjatapa umatsa pharjatäpjjataparaqui.

2 Samuel 17:29 Jak'a apnaqawi uñst'ayäwi

2 Samuel 16:14

Reyimpi, jupamp chika saririnakasti Jordán jawir jak'ar purisax, wali qariratäxapxänwa, ukat uka chiqar samart'apxäna.

2 Samuel 16:2

Ukat reyix jiskt'äna: —¿Kunatakirak akanak apantasti? —sasa. Sibá jaqisti sarakïnwa: —Asnonakax reyin wila masinakapan lat'xatañapatakiwa, t'ant'anakampi, muxsa achunakampisti soldadonakan manq'añapatakiwa, vinosti wasaran qaripkani ukanakan umt'añapatakiwa —sasa.

2 Samuel 17:2

Ukatsti jupax ch'ama thayjtata, qaritaraki jikxatasiskani ukapachaw nayax jupar jalxatä, walpun axsarayä, jaqinakapasti jaltxapxaniwa, nayax reyirukiw jiwayä,

Salmos 107:5

manq'at awtjayasipxäna, umat pharjayasipxäna, ¡jupanakax jiwarirjamäpxänwa!

Salmos 84:11

11 (12) Diosaw qhan churistu, imarakistu; jan kamskay askin jakirinakarux, jupaw khuyapayasiñampi, aytat kankañampi churi, Tatitux taqi kun churi.

Proverbios 21:26

willjtat jayp'ukamaw taqi kuns munapayaski. Aski jaqisti, jan mich'asisaw churañ yati.

Isaías 21:14

umat pharjatar jikxatir mistunipxam, ukatsti um churapxam. Temá markan utjirinaka, jaltxirinakar jikxatir mistunipxam, ukatsti manq'añ churapxam.

Isaías 58:7

manq'at awtjatarux manq'a churañawa, jan utaninakarusti utamar katuqañawa, jan isinirux ist'ayañawa, jaqi masirusti yanapt'añarakiwa.

Lucas 8:3

ukhamaraki Cuza sat chachan Juana warmipa, Cuzax Herodesan yänakap apnaqirïnwa; Susanampi, yaqha warminakamp kuna, khitinakatix yänakapampi yanapapkän ukanaka.

Romanos 12:13

Diosan markap taypin pist'ayasirinakar yanapt'apxam. Qurpachasiñ thaqhirinakar sum katuqapxam.

1 Samuel 17:18

Ejerciton jilïripatakisti aka tunka quesompi apawayam. Ukatsti kunjamäskis jilanakamax uk uñjt'anim, ukat nayatak mä kunsa apanirapita jupanakan walikïskatap yatiñaxataki —sasa.