2 Samuel 17:23 - Qullan Arunaka DC

²³ Ahitófel jaqisti jupan amtataparjam jan lurapxatap uñjasax, asnop wakicht'asisin yurïwi markapan utjir utaparuw sarxäna; ukatsti wila masinakapan jan walt'añanakap taqi kun sumar askicht'xasinsti, jaychkatasïnwa. Ukhamaw jupax jiwxäna, ukatsti awkipan amay imäwipar imt'atäxänwa.

Aymar Bibliia 1986

²³ Uqhamat Ahitofel jaken amtatanacapajj jan phokhascataynatejja, ucatpï asnopa waquicht'asisinjja, utaparuw sarjjäna; nacïwipa marcapansti, familianacaparu jan walt'añanaca take cunsa sumaru asquicht'jjasinsti, jaychcatasjjänwa. Uqhamaw jupajj jiwjjäna, ucatsti awquipan sepulturaparu imantatäjjaraquïnwa.

Qullan Arunaca

²³ Uqhamat Ahitofel jaken amtatanacapajj jan phokhascataynatejja, ucatpï asnopa waquicht'asisinjja, utaparuw sarjjäna; nacïwipa marcapansti, familianacaparu jan walt'añanaca take cunsa sumaru asquicht'jjasinsti, jaychcatasjjänwa. Uqhamaw jupajj jiwjjäna, ucatsti awquipan sepulturaparu imantatäjjaraquïnwa.

2 Samuel 17:23 Jak'a apnaqawi uñst'ayäwi

2 Samuel 15:12

Ukatsti, Absalonax Davidan amuyt'ayiri jaqinakapat, Guiló sat markan jakasir Ahitófel sat chacharuw jawsayanïna, jupamp chika wilañchanak luqtañapkam ukankañapataki. Ukchañkamasti sapüruw Absalonar jaqkattir jaqinakax jilxattäna, Davidatak sayt'asiñ amtäwisti wali ch'amampiw jilxataskäna.

2 Samuel 15:31

Ukatsti kunapachatix, Davidaru Ahitófel jaqin Absalonampi chika, Davidatak jan wali amtasipkatap yatiyapxän ukapachasti, Davidax Tatituruw achikt'asïna, Ahitófel jaqin amtatanakapan aynacht'ayañapataki.

2 Samuel 16:23

Uka urunakanxa, Ahitófel jaqimpi iwxt'ayasiñax, pachpa Tatitun arsutapäkaspas ukhamänwa. Ahitofelax wali yäqat jaqïnwa, Davidatakisa, Absalonatakis ukhamarakïnwa.

2 Samuel 17:22

Ukhamasti Davidampi, jupamp chikt'atapkän uka jaqinakampix sartasin jank'akiw Jordán jawir khurkatar makhatxapxäna. Qhipärmanthi willjtasti taqiniw makhatxatayna, janiw maynis qhiparkataynati.

1 Reyes 16:18

Zimrí chachasti markar katuntat uñjasinxa, reyin jach'a utapana imantasiña manqhir mantasin ninamp nakhantayäna, jupasti uka manqhin jiwarakïna.

2 Reyes 20:1

Khä urunakanxa, Ezequías reyix wali usutaw jikxatasïna, juparusti Amós chachan Isaías yuqap profetaw uñjir saräna, juparusti sarakïnwa: —Tatitux siwa: “Utamankirinakarux qhipa iwxanakam jaytawayxam, jumax jiwxätawa, janiw waliptkätati” —sasa.

Job 31:3

¡Ñanqha jucharar jaqir wakt'ki uka t'aqhisiñaki!

Salmos 109:20

¡Ukhamay Tatitux nayamp timasirinakarux phuqpan, nayar k'arintirinakarus lurarakpan!

Salmos 5:10

10 (11) ¡Diosaxay! ¡Jupanakarux mutuyamaya, amtatanakap aynacht'ayam! Jumar qallkatapxatap laykusti, juchanak luratapat jaqunukum.

Salmos 55:23

23 (24) Diosaxay, k'arinakampi, jaqi jiwayirinakampix janiw jakañapat chikatsa jakapkaniti; jumaw jupanakarux mik'ay manqhar jaquntäta, ukampis nayax jumarukiw katuyassma.

Proverbios 16:18

Jach'a jach'a tukuñanxa aynacht'añaw utji; p'iqi waytat sarnaqañansti tinkuñaw utjaraki.

Proverbios 19:3

Jaqix jan amuyt'asirïtap laykuw aynacht'i, ukatsti jaqix Tatiturukiw juchañchi.

Isaías 38:1

Uka urunakansti Ezequías reyix walpun usuntäna, ukat Amós chachan yuqapa Isaías profetax uñjir saräna, juparusti sarakïnwa: —Tatitux akham siwa: ‘Kuna iwxanaksa wila masinakamarux iwxt'asiwayxam, janiw qullaskätati, jan ukasti, jiwxätawa’ —sasa.

Mateo 27:5

Judasasti qullqinak Tatitun utapar willintawayasaw sarawayxäna, ukatsti jupa pachpaw jaychkatasïna.