2 Samuel 17:14 - Qullan Arunaka DC

¹⁴ Absalonampi, taqpach israelitanakampisti sapxänwa: “Husai arquita chachan amuyt'atapax, Ahitófel jaqin amtäwipat sipan juk'amp sumawa” sasa. (Tatituw Ahitófel jaqin amtäwinakap t'unjatäñap munatayna, ukhamat Absalonan jan walt'añan uñjasiñapataki.)

Aymar Bibliia 1986

¹⁴ Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)

Qullan Arunaca

¹⁴ Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)

2 Samuel 17:14 Jak'a apnaqawi uñst'ayäwi

Génesis 32:28

28 (29) Ukat uka jaqix säna: —Janiw jichhax Jacob satäxätati. Sutimax Israel satäxaniwa, Diosampi, jaqinakampi nuwasitamata, jumaw atipjaraktaxa —sasa.

2 Samuel 15:31

Ukatsti kunapachatix, Davidaru Ahitófel jaqin Absalonampi chika, Davidatak jan wali amtasipkatap yatiyapxän ukapachasti, Davidax Tatituruw achikt'asïna, Ahitófel jaqin amtatanakapan aynacht'ayañapataki.

2 Samuel 15:34

Jerusalenaruk kuttxam, ukatsti Absalonaruw säta: “Reyixay, uywatamätwa, kamisatix nayrax awkimar luqtawaykta ukhamarakiw jumar luqtäma” sasa; ukhamat nayarux Ahitófel chachan amtatanakap t'unjañ yanapt'itäta,

2 Samuel 16:23

Uka urunakanxa, Ahitófel jaqimpi iwxt'ayasiñax, pachpa Tatitun arsutapäkaspas ukhamänwa. Ahitofelax wali yäqat jaqïnwa, Davidatakisa, Absalonatakis ukhamarakïnwa.

2 Crónicas 10:15

Reyisti janiw markar ist'añ munkänti, Tatituw ukhamäñapatak wakt'ayatayna uka layku, ukhamat kuntix Tatitux Siló chiqankir Ahías tuqi Nabat chachan Jeroboam yuqapar arskatayna ukan phuqhasiñapataki.

2 Crónicas 10:8

Ukampis Roboam chachax janiw jilïr jaqinakan iwxa arunakaparux yäqkänti, jan ukasti jupamp chika jilasipkatayna, ukhamarak jupar luqtapkäna uka waynanakaruw jiskt'asïna,

2 Crónicas 25:16

Profetax uka arunak arskäna ukkhaxa, reyix juparux saskakïnwa: —¿Khitirak jumarusti reyin amuyt'ayiripat uchtamsti? ¡Jan ukanak parlkamti! Jan ukax ¿jiwayatäñcha muntaxa? —sasa. Profetasti ukxarux janiw juk'amp arskxänti, ukampis sänwa: —Diosax uk luratamata, iwxa arunakaxar jan ist'atamatsa t'unjätamwa —sasa.

2 Crónicas 25:20

Amasías reyisti janiw jupar ist'känti, Diosaw ukhamäñapatak wakt'ayäna, Joás reyin amparapar katuyañataki, jupan Edom chiqankir diosanakar alkatasitap layku.

Nehemías 4:15

15 (9) Kunapachatix uñisirinakaxax nanakan wakichasitanakax yatipkäna, Tatitus jupanakan amtäwinakap mayjt'ayatap yatipkäna ukkhaxa, taqi mayniw nanakax pirqa lurañanakaxarkam kutt'xapxäyäta.

Job 12:17

Jupaw yatiñani jaqinakarux yatiñ kankañap apaqi taripirinakarus luqhirayaraki.

Salmos 9:15

1 (2) Jumar jan uñt'ir jaqinakax jupanakan wakichat sipitaruw jalt'apxi; kayunakapax jupanakan imantat pachpa sipitapan simpantatawa.

Salmos 9:16

16 (17) Tatitux chiqapar uñjirïtap uñt'ayasi: ñanqha lurir jaqisti pachpa sipitaparuw jalt'i.

Éxodo 9:16

Ukampis nayaw juman jan jiwañam munkti, ch'amax uñjañamatakiw jakaysma, ukhamat nayan sutixan taqi uraqin uñt'atäñapataki.

Proverbios 19:21

Jaqin amuyupan walja amtäwinakaw utji, ukampis Tatitun amuyt'äwipakiw phuqhasi.

Proverbios 21:30

Tatit nayraqatanxa janiw yatiñ kankañax kunäkxiti, janirakiw ch'ikhi kankañasa, suma amuyt'asiñas kunäkxiti.

Isaías 8:10

Tatitux jiwasampïskatapatxa, inamayäniw uka amtäwinakapaxa, Tatitux janiw munkaniti uk phuqhapxañanakamxa, inamayaw nuwantañatakis amtasipkäta, janiw khitis nuwantañar uskuskaniti.

Lamentaciones 3:37

Kunapachatix mä kunas parlasi, jan ukax mä kunas utjki ukanakaxa, Tatitun munañapat ukham lurasi.

Amós 9:3

Carmelo qullu patarus imantasisipkpan, ukakamas thaqhirix saraskakïwa; quta manqharus nayat imantasisipkpan, quta manqhankir laq'ur khithasaw nayax tukjayä;

Lucas 16:8

Qamir jaqisti yänak jan wali apnaqirirux jach'aruw aptäna jupan amuyt'a kankañampi, ch'ikhi kankañamp luratap layku. Akapachankir jaqinakax lurañanakapanxa juk'amp ch'ikhi chuymanïpxiwa, qhanankirinakat sipansa.

1 Corintios 3:19

Akapach yatiñ kankañasti Diosatakix luqhi kankañawa. Qillqatax siwa: “Diosax yatiñaninakarux pachpa sallqa yatiñapampiw katunti” sasa.

Deuteronomio 2:30

“Ukampis Sihón reyix janiw uraqip chiqa sarakipañas munkänti, jumanakan Tatit Diosamaw jan munañapatak uka reyin chuymap mayjt'ayäna, ukhamat jumanakan amparamar katuyañataki, kamisatix jichhürun jikxataski ukhama.

Josué 11:20

Tatituw uka uñisirinakarux chuymanakap qalarayäna israelitanakar saykatañapataki, ukhamat israelitanakan jan khuyapt'ayasis q'al tukjañapataki, kunjämtix Tatitux Moisesar siskatayna ukhamarjama.