2 Samuel 17:10 - Qullan Arunaka DC

¹⁰ uk ist'asasti, jan axsariri, leonar uñtat wali ch'amanïki ukasa, q'alaw mayjt'asxarakini; Israel markansti taqiniw yati, awkimampi arkirinakapampix jan kunsa axsarir jaqinakäpxatapa.

Aymar Bibliia 1986

¹⁰ Wali ch'amani, uqhamaraqui mä leonjam wali chachacht'asirïqui ucasa, k'alaw mayjt'asjjaraquini, Israel marcansti takeniw yatipjje awquimampi arquirinacapampejj jan cunsa ajjsariri jakenacäpjjatapjja.

Qullan Arunaca

¹⁰ Wali ch'amani, uqhamaraqui mä leonjam wali chachacht'asirïqui ucasa, k'alaw mayjt'asjjaraquini, Israel marcansti takeniw yatipjje awquimampi arquirinacapampejj jan cunsa ajjsariri jakenacäpjjatapjja.

2 Samuel 17:10 Jak'a apnaqawi uñst'ayäwi

Génesis 49:9

¡Jumasti Judá, wawaxa! Mä león qallur uñtatätawa; katuntatapar manq'antasaxa, uraqir alintasaw liwnuqtaraki, mä jach'a leonäkaspas ukhama. ¿Khitirak sartayaspasti?

2 Samuel 1:23

“¡Saúl, Jonatán! Munat jaqinaka! Jakañansa, jiwañansa, janiw jaljtapxirïkiti. ¡Jach'a pakanakat sipan juk'amp jaltirïpxänwa! ¡Leonanakat sipan juk'amp ch'amanïpxänwa!

2 Samuel 17:9

Jichhas yaqha chiqan mä putun imantatäskpachawa. Ukhamaraki juman soldadonakaman nayrïr nuwasïwin mä qawqhani jiwaqatapatix ist'asini ukapachasti, yaqhipanakax juman arkirinakaman q'ala tukjatäpkaspas ukham amuyxapxani;

2 Samuel 23:20

Joiadá jaqin Benaías sat yuqapax jan axsarir soldadorakïnwa, jupasti Cabseel chiqan utjasïna, wali jach'a luräwinak luräna. Jupaw Moab markankir Ariel jaqin pani yuqapar jiwarayäna. Mä urusti, khunuw khununtaskäna, jupasti mä jach'a p'iyar saraqasin mä leonar jiwt'ayäna.

Salmos 89:19

19 (20) Nayra pachanxa, unañchäwi tuqiw parläyätaxa, iyawsirinakamarusti akham säyätaxa: “Markax taypit jan axsarir chacharuw ajllista, juparuw jach'ar aptta, yanaparakta.

Éxodo 15:15

Edom markankir jilïrix mayjt'asiniwa; Moab markankir jilïrinakax axsarañat khathatini, Canaán markankir jaqinakasti taqiniw ch'amap thayjtayasini.

Proverbios 28:1

Ñanqha lurir jaqix jan khitin arknaqkataw jaltxi, aski jaqisti leonar uñtataw jan kunar axsaras jaki.

Cantar de los cantares 3:7

¡Ukax Salomonarakisä, reyi carropat jutaski! Juparusti Israel markankir jan axsariri suxta tunka soldadonakampi muyuntataw juti;

Isaías 13:7

Ukapachasti taqi jaqinakaw ch'am jiwt'ayasipxani, janiw kunatakis ch'amanakapax utjkxaniti,

Isaías 19:1

Egipto markataki profecía arunaka: Tatitur uñtapxam, Egiptoruw jutaski mä jaliri qinayar lat'xatata. Jupa nayraqatansti Egipton diosanakapax khathatipxiwa, Egiptonkir jaqinakasti wal axsarapxi.

Ezequiel 21:15

15 (20) Taqi utanakaparuw uka jiwarayir espada uskurakta; lliju llijunak sarayañataki, suma llijkir tukuyat espadawa, jiwarayañatak ariptayat espadawa.

Deuteronomio 1:28

Jichhasti, ¿kawkirurak sarañänisti? Jilanakasax sapxiwa, ukan wali ch'amani jach'a tansa jaqinak utjatapa, ukhamarak jach'a pirqanakan muyuntat markanak utjatapa, Anac jach'a tansa jaqin yuqanakaparus uñjapxataparaki. Taqi ukanakasti ch'am jiwt'ayapxitu’ sasa.

Hebreos 11:34

jan jiwarkay ninsa jiwarayapxänwa, espadampi jiwayatäñatsa jaltapxarakïnwa, jan ch'amanïkasas ch'am apsusaw nuwasiñatakix sayt'asipxäna, uñisirinakapan ejercitopar atipjasa.

1 Samuel 16:18

Ukatsti jupanakat mayniw säna: —Nayax uñjtwa, Belenankir Jesé chachan mayni yuqapaw sum toct'añ yati; ukhamarus nuwasiñatakix jan axsaririwa, kunapachatix kuns parlki ukkhaxa, wali suma amuyumpiw parli, ukhamarus wali suma uñnaqt'an waynawa, Tatitusti juparux yanapt'apuniwa —sasa.

1 Samuel 18:17

Mä urusti Saúl reyix Davidarux sänwa: —Nayasti Merab sata jilïr phuchhaxa warmimäñapatakiw churäma, nayax jan axsarir nuwasirïñamak maysma, Tatitun nuwasïwipan nuwasiñataki —sasa. Saúl reyix janiw jupa pachpa Davidar jiwayañ amtkänti, jan ukasti filisteonakan jiwayañap munäna.