2 Samuel 16:16 - Qullan Arunaka DC

¹⁶ Ukatsti Davidan jilat masipa, Husai sat arquita jaqix, art'asisaw Absalonar jikxatir saräna: —¡Jallalla rey! ¡Jallalla rey! —sasa.

Aymar Bibliia 1986

¹⁶ Ucatsti Husai sata arquitanquiri jakesti, qhititejj Davidan amigopäcaraquïn ucasa Absalón jakeru jicjjatirejj sararaquïnwa, aqham arnakt'asisa: —¡Jallalla rey! ¡Jallalla rey! —sasa.

Qullan Arunaca

¹⁶ Ucatsti Husai sata arquitanquiri jakesti, qhititejj Davidan amigopäcaraquïn ucasa Absalón jakeru jicjjatirejj sararaquïnwa, aqham arnakt'asisa: —¡Jallalla rey! ¡Jallalla rey! —sasa.

2 Samuel 16:16 Jak'a apnaqawi uñst'ayäwi

2 Samuel 15:32

Qullu patar purisinsti, kawkhantix Tatitur yupaychañäki ukawjaruw, arquita ayllunkir Husai jaqix Davidar jikxatäna, isinakapas ch'iyanuqata, p'iqipas laq'ampi jach'xatataraki.

2 Samuel 15:34

Jerusalenaruk kuttxam, ukatsti Absalonaruw säta: “Reyixay, uywatamätwa, kamisatix nayrax awkimar luqtawaykta ukhamarakiw jumar luqtäma” sasa; ukhamat nayarux Ahitófel chachan amtatanakap t'unjañ yanapt'itäta,

2 Samuel 15:37

Ukhamaw Davidan jilat masipa, Husai jaqix Jerusalenar kutt'äna, ukatsti kunapachatix Absalonax markar mantaskän ukapachaw purirakïna.

1 Reyes 1:25

Jupax jichhürux uruyasiskiwa, urqu vacanaka, vaca qallunaka, walja ovejanak kharirayi. Juma, reyin yuqanakamaruw jawsayi, ejerciton Joab jilïripampiru, Abiatar sacerdotempiruw jawsayaraki. Ukan jupampi manq'asipki, umasipki, akham arnaqasipxaraki: “¡Adonías reyix jach'achatäpan!” sasa.

1 Reyes 1:34

Sadoc sacerdotempi, Natán profetampix, Salomonan p'iqipxar aceite warxatapxpan, jupar Israelan reyipat utt'ayasa. Ukatxa, trompeta phust'apxäta, jach'at art'asipxarakïta: “¡Salomón reyix jach'añchatäpan!” sasa.

1 Reyes 4:5

Natán chachan Azarías yuqapa, marka apnaqirinakan jilïripa; Natán sacerdoten Zabud yuqapa, reyin amuyt'ayiripa;

2 Reyes 11:12

Ukapachaw Joiadá sacerdotex reyin Joás wawapar irpsunïna, ukat jupan p'iqiparux reyi pillu uchäna, ukatsti marka apnaqañ yatichäwi qillqatanak churarakïna, p'iqipar aceite warxatasinsti reyit utt'ayäna. Ukxarusti taqiniw amparanakap t'axllirasipxäna, jach'at art'asipxarakïna: “¡Jallalla rey!” sasa.

Daniel (hebreo) 2:4

Uka yatiñani jaqinakasti reyirux arameo arun sapxarakïna: —¡Jach'añchatäman rey! Munañan rey, nanaka luqtirimaru samkam yatiyapxita, nanakasti samkam qhanañchapxämawa —sasa.

Daniel (hebreo) 5:10

Reyin taykapasti, yuqapana, ukhamaraki jawsayatanakan arnaqasitanakap ist'asinxa, manq'äwi jach'a utaruw mantawayäna, ukat reyir sarakïna: —Reyix wiñayatak jakpan. Jan juk'amp llakisimti, janirak axsarayasimsa,

Daniel (hebreo) 6:21

21 (22) Danielasti sarakïnwa: —¡Juma jach'a reyix wiñayatakiw jaktaxa!

Daniel (hebreo) 6:6

6 (7) Ukat uñjirinakasa, marka apnaqirinakas jupanakkam arust'asisin Darío reyimp parliriw sarapxäna, juparusti sapxänwa: —¡Jach'a munañan reyix wiñayatak jakpan!

Mateo 21:9

Jesusan nayrapa, qhipap saririnakasti, akham sasaw art'apxäna: —¡David reyin Yuqapa, qhispiyapxita! ¡Qullanäpan Tatitun sutipar jutirixa! ¡Alaxpachankir Diosay, qhispiyapxita! —sasa.

1 Samuel 10:24

Samuelux taqiniruw jiskt'äna: —¿Jichhax kawkïrirutix Tatitux reyit ajlliski ukarux uñkatapxtati? ¡Janiw mä israelitas jupjamax utjkiti! —sasa. Israelitanakasti jach'at art'apxarakïna. —¡Jallalla reyi! —sasa.