2 Samuel 16:11 - Qullan Arunaka DC

¹¹ Ukxarusti Davidax Abisai jaqimpiru, taqi yanapirinakapampiruw sarakïna: —Nayan pachpa wawaxaw jiwayañsa munitu, ¡ukat juk'amp Benjamín ayllunkir jaqix jiwayañ munpachïtu! ¡Jupax ñanqhachaskakitpan sapxam, Tatituw juparux ukham luram sispacha!

Aymar Bibliia 1986

¹¹ Ucjjarusti Abisai jakempiru, uqhamaraqui take oficialanacapampirusti saraquïnwa: —Nayan pachpa wawajjatejj nayaru jiwayañ amtchitu ucasti, ¡juc'ampi amuyumpiw mayni Benjamín tribunquir jakejj jiwayañ munpachïtojja! ¡Jichhajj juparojj jaytapjjam, ñankhachascaquitpan, Tatituw juparojj uqhama luram sispacha!

Qullan Arunaca

¹¹ Ucjjarusti Abisai jakempiru, uqhamaraqui take oficialanacapampirusti saraquïnwa: —Nayan pachpa wawajjatejj nayaru jiwayañ amtchitu ucasti, ¡juc'ampi amuyumpiw mayni Benjamín tribunquir jakejj jiwayañ munpachïtojja! ¡Jichhajj juparojj jaytapjjam, ñankhachascaquitpan, Tatituw juparojj uqhama luram sispacha!

2 Samuel 16:11 Jak'a apnaqawi uñst'ayäwi

Génesis 15:4

Tatitusti sarakïnwa: —Juman tuti katuqirimax juman pachpa wawamäniwa, janiw mä jaya jaqïkaniti —sasa.

Génesis 45:5

ukampis jichhax jan llakisipxamti, janirak jumanakpachas nayar aljapxatamat juchañchasipxamti, Diosaw jumanakat nayra khithanitu, jakañanak qhispiyañaxataki.

2 Samuel 20:1

Benjamín ayllun mayni qhuru jaqiw utjäna, Sebá sata, Bicrí jaqin yuqapänwa, jupasti Guilgal markan jikxatasïna. Uka Sebá jaqisti markachirinakaruw sayt'asiñatak amtayäna, akham sasa: “¡Jiwasan janiw Davidampi kuna lurañasas utjkiti! ¡Israelit jaqinaka, utanakamar kuttxapxam!” sasa.

2 Samuel 7:2

Davidax Natán profetaruw akham säna: —Amuyam, nayax cedro lawat lurat mä suma jach'a utan utjasta, Tatitun arcapasti cortinanak manqhanak jikxatasi —sasa.

2 Reyes 19:37

Ukampis mä uruxa, kunapachatix Senaquerib reyix Nisroc sat diosapan templopan yupaychaskän ukkhawa, Adramélec, Sarézer sat yuqanakapax sarasin jupar jiwayapxäna, jiwayasinsti Ararat sat chiqaruw jaltxapxäna. Uka qhipatsti Esarhadón sat yuqapaw jupa lantix marka apnaqxäna.

2 Crónicas 32:21

Tatitusti mä angelaruw khithanïna, ukaw asiriankir reyin taqpach soldadonakaparu, ejercitopan jilïrinakapar tukjäna. Senaquerib reyisti p'inqapuniw uraqipar kutt'awayxäna. Ukatsti diosapan utapar mantkäna ukkhaxa, jupan pachpa yuqanakapaw ukan jupar jiwayapxäna.

Salmos 109:28

Jupanakax ñanqhachapxitpasa, jumax askimay churita. Timanakaxax aynacht'apxpan, uywatamasti ukchañkamax kusispan.

Ezequiel 14:9

“Mä profetatix k'ari yatiyäwinak churanixa, nayaw uka profetar ukham yatiyañapatak lurtxa, ukampis uka profetarux mutuyasin Israel markaxat chhaqtayarakï.

Ezequiel 20:25

Ukatsti jupanakarux jan askïki uka kamachinak churarakta, ukhamat jakañ jan jikxatapxañapataki.

Mateo 10:21

“Jilanakasti jilanakaparuw jiwayañatak katuntayani, awkinakasti wawanakaparuw katuntayani; wawanakasti awkinakaparuw kutkatasini, ukatsti jiwayapxarakiniwa.

1 Samuel 26:19

Jach'a munañan rey, aka luqtirimar ist'añamatakiw achikt'assma: Tatitutix juma reyir nayar jan walt'ayañatak utt'aychi ukaxa, inach mä waxt'äwi katuqitaspa; ukampis jaqin amtäwipakïchi ukasti, Tatitux uka jaqinakar ñanqhachpan. Jichhasti Tatitun uraqipat jaqunukupxitu, ukham lurasax yaqha diosanakar luqtañaxatakiw nukt'apxitu.