2 Samuel 15:21 - Qullan Arunaka DC

²¹ Itai chachasti reyir sarakïnwa: —Tatitun sutipxaru, juma reyin sutimxaruw juramentompi arsta, kawkhantix juma reyix jikxatasïtaxa, ukan nayax jikxatasirakï, jiwañansa jakañansa jumamp chikapunïyäwa —sasa.

Aymar Bibliia 1986

²¹ Itai chachasti saraquïnwa: —Tatitun sutipjjaru, uqhamaraqui juma jach'a reyin sutimjjaruw juramentompi arsta. Cawqhantejj juma, jach'a reyejj, jicjjatasïtajja ucanwa nayajj jicjjatasiraquï, jiwañansa jacañansa jumampi chicapunïyäwa —sasa.

Qullan Arunaca

²¹ Itai chachasti saraquïnwa: —Tatitun sutipjjaru, uqhamaraqui juma jach'a reyin sutimjjaruw juramentompi arsta. Cawqhantejj juma, jach'a reyejj, jicjjatasïtajja ucanwa nayajj jicjjatasiraquï, jiwañansa jacañansa jumampi chicapunïyäwa —sasa.

2 Samuel 15:21 Jak'a apnaqawi uñst'ayäwi

2 Samuel 15:22

Davidasti sarakïnwa: —Ukhamax nanakamp chika saraskakim —sasa. Ukhamaw Itai jaqix Davidampi sarxäna, taqpach jaqinakapampi, reyi chika sarkän uka jaqinakampi.

2 Reyes 2:2

Eliasasti Eliseorux sänwa: —Akawjaruy jumax qhiparam, Tatitux Betel markaruw khithaskitu —sasa. Eliseosti ukxaruw säna: —Nayax Tatit layku, juma laykuw juramento lurta, janiw nayax sapak saraykämati —sasa. Ukhamasti panpachaniw Betel markakam sarapxäna.

2 Reyes 2:4

Ukatsti Eliasax Eliseoruw säna: —Aka chiqaruy jumax qhiparam, Tatitux Jericó markaruw khithaskitu —sasa. Eliseosti ukxaruw säna: —Nayax Tatit layku, juma laykuw juramento lurta, janiw nayax jumar sapak saraykämati —sasa. Ukatsti panpachaniw Jericó markar sarapxäna.

2 Reyes 2:6

Ukatsti Eliasax Eliseor sarakïnwa: —Akawjaruy jumax qhiparam, Tatitux Jordán jawiraruw khithaskitu —sasa. Eliseosti sänwa: —Nayax Tatit layku, juma laykuw juramento lurta, janiw nayax jumar sapaki saraykämati —sasa. Ukat panpachaniw sarapxäna,

2 Reyes 4:30

Ukampis wawan taykapax Eliseor sänwa: —Tatit layku, juma laykuw juramento lurta, janitix jumamp chika sarkä ukaxa, janiw utaxar kuttkäti —sasa. Ukat Eliseox jupamp chik saräna.

Proverbios 17:17

Mä jilat masix, taqi pachan munasiripuniwa; llakisiñansti, jilamäkaspa ukham chuymachasi.

Proverbios 18:24

Yaqhip masinakax jank'akiw apanukusi, ukampis mayni masinakax jilasat sipan juk'ampiwa.

Hechos 11:23

Antioquiar purisinsti, Bernabeax wal kusisïna, Diosan jupanakar aski waxt'äwinakamp phuqt'katayna uk uñjasa. Jupanakarusti iwxt'arakïnwa, taqi chuymamp Tatitur arkapxañapataki.

Hechos 21:13

Ukampis Pablox sänwa: —¿Kunatsa jachapxta? Ukham jachasax nayar llakisiyapxistawa. Nayax ñach'antayasiñatakisa, Jerusalén markan Tatit Jesús layku jiwañatakis wakicht'atakïsktwa —sasa.

2 Corintios 7:3

Aksti janiw jumanakar jisk'achañatak sapksmati, niy sapxsmawa: jakañatakisa, jiwañatakis jumanakax nanakan chuymaxankapxtawa.

1 Samuel 20:3

Ukampisa Davidax saskakïnwa: —Awkimax askiw yati jumax nayar munatamxa, juman jan llakisiskañamatakisti janiw yatiñam munkaniti. ¡Ukampis nayax Tatitun sutipxaru, ukhamarak juman sutimxarus juramentompiw arsuraksma, jiwañaxas niyaw jak'anki! —sasa.

1 Samuel 25:26

Chiqpachansa Tatituw jan munkiti juman jan juchan jaqinakar jiwarayir jutañamxa, ukhamata chiqa kankañ pachpa amparamampi uñacht'ayañamataki. ¡Tatitux munpan taqi uñisirinakamasa, ukhamarak ñanqha lurañ amtapktam ukanakasa, Nabalan puriñaparu puripxañapa!