2 Samuel 14:25 - Qullan Arunaka DC

²⁵ Taqpach Israel markan janiw Absalonjam wali suma uñnaqt'ani chachax utjkänti; ukham wali suma waynätapatsti wali jach'añchatarakïnwa; kayut p'iqikamax janiw kuna jan walis jupan utjkänti.

Aymar Bibliia 1986

²⁵ Take Israel marcansti, janiraquiw Absalonar uñtata yakha jakejj utjcänti, uqham wali suma waynätapatsti wali jach'añchataraquïnwa. Cayut p'ekecamajj janipuniw cuna jan walis Absalonanjja utjcänti, jan ucasti jupajj wali suma uñnakt'ani waynänwa.

Qullan Arunaca

²⁵ Take Israel marcansti, janiraquiw Absalonar uñtata yakha jakejj utjcänti, uqham wali suma waynätapatsti wali jach'añchataraquïnwa. Cayut p'ekecamajj janipuniw cuna jan walis Absalonanjja utjcänti, jan ucasti jupajj wali suma uñnakt'ani waynänwa.

2 Samuel 14:25 Jak'a apnaqawi uñst'ayäwi

1 Reyes 1:6

Awkipax janipuniw juparux taqi jakañapan kuns kamsirïkänti, kun luripansa janirakiw jiskt'irïkänsa: “¿Kunatsa ukham lurta?” sasa. Adoniasax suma uñnaqt'an waynänwa, jupasti Absalón jilapa qhipat yuritayna.

Job 2:7

Ukatsti juchañchir angelax Tatitun ukat mistuwayxasin, Job chacharux jan qullkaña llixti usumpiw usuntayäna, uka llixti usux kayuta, p'iqikamaw katuntäna.

Proverbios 31:30

Suma uñnaqan warmix k'arikiwa, jiwakïñas inamayakiwa, Tatitur axsartir warmiw jach'ar aptkañaxa.

Isaías 1:6

Kayumat qalltasin p'iqikamax janiw kawkhas k'umaräkxiti; taqpach janchimax q'ala chhuxriñchjatawa, p'usuntata, llixtjtatarakiwa; jan khitinsa qullxatt'ata, janirak ch'uqxatt'ata, usuyasitanakamsa janirakiw khitis aceitempi qullxatt'as samart'aykiti.

Daniel (hebreo) 1:4

wali suma uñnaqt'ani waynanaka, jan kunansa kamacht'ata, ch'ikhinaka, suma yatichatanaka, taqi kunsa yatirinaka, reyin jach'a utapan luqtañatakis wakicht'atanaka. Jupanakar caldeonakan arupampi, qillqatanakapamp yatichayañataki.

Mateo 23:27

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakax anqäxatxa, janq'u suma k'achachat amay imäwir uñtatäpxtawa; ukampis chuymanakamax jiwatanakan thujsantat ch'akhanakampi phuqhantatäpxtawa.

Efesios 5:27

ukhamat q'umachat iglesia irpkatañataki, jan q'añucht'ata, jan kuna sip'uni, jan kunan kamacht'ata, ukat sipansti suma qullanaptata, jan kamskayaraki.

Deuteronomio 28:35

Tatituw juman qunqurimaru, lankhu charamaru, taqpach janchimar ñanqha llixtinakamp t'aqhisiyätam, janiw kunas k'umarachkätamti.

1 Samuel 16:7

Ukampis Tatitux sänwa: “Jan jumax uñnaqapaki, ukhamarak jach'a tansätapaksa uñkatkamti, janiw nayax jupar ajlliskti. Jaqix uñnaqak uñkati, ukampisa nayax jaqin chuymap uñjaraktxa” sasa.

1 Samuel 9:2

jupasti mä yuqanïnwa, Saúl sutini, jupax suma uñnaqt'an waynänwa. Israelitanak taypin janiw khitis jupjam uñnaqt'anix utjkänti, ukhamarus janiw jupjam jach'a tansa jaqix utjkänti.