2 Samuel 14:19 - Qullan Arunaka DC

¹⁹ Ukat reyix jiskt'äna: —¿Janit taqi akanak Joab chachax lurañamatak amtayktam? —sasa. Warmisti sarakïnwa: —Juma reyin sutimxaruw arsta, ukhamäskapuniwa. Chiqpachansa, Joab yanapirimaw nayarux akar khithanitu, juparakiw kunatix parlañaxäki uksa yatichitu.

Aymar Bibliia 1986

¹⁹ Ucatwa reyejj jisct'araquïna: —¿Janiti Joab chachajj take acanac lurañamataquejj amtayctamjja? —sasaw säna. Warmisti saraquïnwa: —Jïsa, juma jach'a reyin sutimjjaruw arsta. Take cuntejj siscta ucasti Joab chachan amtayatapunïsquiwa. Jupaw nayarojj acar qhitanitu, juparaquiw cunatejj parlañajjäqui ucsa yaticharaquitu.

Qullan Arunaca

¹⁹ Ucatwa reyejj jisct'araquïna: —¿Janiti Joab chachajj take acanac lurañamataquejj amtayctamjja? —sasaw säna. Warmisti saraquïnwa: —Jïsa, juma jach'a reyin sutimjjaruw arsta. Take cuntejj siscta ucasti Joab chachan amtayatapunïsquiwa. Jupaw nayarojj acar qhitanitu, juparaquiw cunatejj parlañajjäqui ucsa yaticharaquitu.

2 Samuel 14:19 Jak'a apnaqawi uñst'ayäwi

2 Samuel 11:11

Uriasasti sänwa: —Jan wal lurirista utaxar sarasaxa, ukchañkamasti Tatitun arcapasa, israelita soldadonakas nuwasïwi pampankasipkani, ¿ukham uñjkasati nayax utaxar manqt'asiri, umt'asiri, warmixamp ikintasiri sarästi? ¡Juma jach'a reyin jakañam laykuw sista, janipuniw nayax ukham lurkiristti! —sasa.

2 Samuel 14:18

Reyisti warmirux sänwa: —May jiskt'äma, chiqap arsutäta, janiw kunsa imt'itätati —sasa. Warmisti sarakïnwa: —Reyixay, arsuskakim —sasa.

2 Samuel 14:3

Ukatsti reyin nayraqataparuw uñstäta, kuntix nayax siskäma uka arunakxa, ukhampach jupar säta” sasa. Joab chachasti kuntix warmix arsuñapäki uk yaticht'äna,

2 Samuel 18:13

Mä tuqitsti, nayatix jiwayiriskäyätxa, inamayakïsapänwa, janiw reyirux kunas imt'añäkiti, jumasti janiw nayarux arxatkitasamänti —sasa.

2 Samuel 3:27

Abneran Hebronar puripansti, Joab jaqix markat mistuñ punkut khursa tuqiruw jupar irpäna, jupampikis parlañ munkaspa ukhama. Ukan purakat chhuqhuntasin Abnerar jiwayäna, Asael jilapar jiwayatapat phuqsusisa.

2 Samuel 3:29

¡Taqi juchas Joab jaqin p'iqipxar puriskpan, ukhamaraki taqi wila masinakapxarusa, utapansti utjapunpan wila apa usumpi t'aqhisirixa, lepra usunisa, wixchutirisa, jan ukax jaqin jiwayatasa, manq'atjam t'aqhisirisa!” sasa.

2 Samuel 3:34

Janiw amparanakamax chinuntatäkänti, janirakiw kayunakamas cadenampi ñach'antatäkänti. ¡Jan wali jaqinakan amparapan jiwapki, ukhamaw jiwawaytaxa!” sasa. Jaqinakasti Abneratjam jachasipkakïnwa.

2 Reyes 2:2

Eliasasti Eliseorux sänwa: —Akawjaruy jumax qhiparam, Tatitux Betel markaruw khithaskitu —sasa. Eliseosti ukxaruw säna: —Nayax Tatit layku, juma laykuw juramento lurta, janiw nayax sapak saraykämati —sasa. Ukhamasti panpachaniw Betel markakam sarapxäna.

Éxodo 4:15

Jumasti Aaronar kunanaktix nayax sisksma ukanak yatiyäta, jupan juma lanti markar sañapataki. Nayasti parlapkäta ukkhax jumanakampïskäwa, nayarakiw yatichasipkäma kunanakatix lurapxañamäki ukanaksa.

Proverbios 25:2

Chuymar imxäsiñax Diosan jach'a kankañapawa, uka imantat yatxatañasti reyinakan jach'a kankañaparakiwa.

Proverbios 4:27

Thakhimat jan maysar saranukumti; jan wali sarnaqäwinakat jithiqtam.

Números 20:17

Jichhasti uraqim chiqay sarakipt'ayapxita, janiw nanakax yapuchat uraqinjam sarapkäti, uva yapunjamsa sarakipapkäti, janirakiw phuch'unakamatsa umt'apkäti. Thakhinjamak sarapxä, uraqinakam sarakipañkamax janiw uka thakhit kawksarus saraqapkäti’ ” sasa.

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Deuteronomio 28:14

janirak yaqha diosanakarus arkkäta ukapacha.

Deuteronomio 5:32

Ukhamasti israelitanaka, Tatit Diosaman taqi iwxanakaparjamay jan kawksarus jithiqtasa jakäwinakaman sarnaqapxam.

Josué 1:7

Nayax ch'aman sayt'asiñamak maysma, ukatsti kuna kamachinaktix Moisés luqtirixax churktam ukanak phuqharakim. Kuntix uka kamachinakax siski ukanakat janipun maysar saranukumti, ukhamat taqi luräwinakamax sumaki sarañapataki.

1 Samuel 1:26

Anasti sänwa: —Tatay, chiqpachansa jumax jakasktawa, kawkïri warmitix juma jak'an Tatitut mayiskäna ukätwa.

1 Samuel 17:55

Kunapachatix David waynax Goliat jaqimpi nuwaskäna ukkhaxa, Saúl reyix ejercitopan jilïripäkän uka Abneraruw jiskt'äna: —Abner, ¿khitis uka waynan awkipaxa? —sasa.

1 Samuel 20:3

Ukampisa Davidax saskakïnwa: —Awkimax askiw yati jumax nayar munatamxa, juman jan llakisiskañamatakisti janiw yatiñam munkaniti. ¡Ukampis nayax Tatitun sutipxaru, ukhamarak juman sutimxarus juramentompiw arsuraksma, jiwañaxas niyaw jak'anki! —sasa.

1 Samuel 25:26

Chiqpachansa Tatituw jan munkiti juman jan juchan jaqinakar jiwarayir jutañamxa, ukhamata chiqa kankañ pachpa amparamampi uñacht'ayañamataki. ¡Tatitux munpan taqi uñisirinakamasa, ukhamarak ñanqha lurañ amtapktam ukanakasa, Nabalan puriñaparu puripxañapa!