2 Samuel 14:17 - Qullan Arunaka DC

¹⁷ Arunakamampi chuymachat jikxatasiñsa yatirakïyätwa, juma reyisti, Diosan angelapjamätawa, taqi kunsa chiqaparupuniw uñjtaxa. ¡Tatitu Diosay jumar aski waxt'äwipamp phuqt'pan! —sasa.

Aymar Bibliia 1986

¹⁷ Aca sirvirimasti suyt'ascaraquiwa juma jach'a reyin arunacapampi chuymachatäña, juma jach'a reyisti take cunsa chekaparupuniw uñjtajja, yatiractawa cunatejj walïqui ucsa uqhamaraqui cunatejj jan walïqui ucsa, mä Diosan angelapjama. ¡Tatitu Diosay juma jach'a reyimpi kheparpan! —sasaw warmejj säna.

Qullan Arunaca

¹⁷ Aca sirvirimasti suyt'ascaraquiwa juma jach'a reyin arunacapampi chuymachatäña, juma jach'a reyisti take cunsa chekaparupuniw uñjtajja, yatiractawa cunatejj walïqui ucsa uqhamaraqui cunatejj jan walïqui ucsa, mä Diosan angelapjama. ¡Tatitu Diosay juma jach'a reyimpi kheparpan! —sasaw warmejj säna.

2 Samuel 14:17 Jak'a apnaqawi uñst'ayäwi

2 Samuel 14:18

Reyisti warmirux sänwa: —May jiskt'äma, chiqap arsutäta, janiw kunsa imt'itätati —sasa. Warmisti sarakïnwa: —Reyixay, arsuskakim —sasa.

2 Samuel 14:20

Jupasti suma amtäwimpiw ak luri. Ukampis juma reyix wali amuyt'anïtawa, taqi kunanakatix aka markan luraski ukanaksa Diosan mä angelapjamaw yatiraktaxa —sasa.

2 Samuel 19:27

27 (28) Jupasti juma reyixan nayraqatapan nayar k'arintitu. Ukampisa, juma reyix, Tatitun angelapjamätawa, kunjämarutix munkta ukhamarjamaw uñjitäta.

2 Samuel 19:28

28 (29) Awkixan wila masinakapax juma nayraqatan jiwarayatäñap wakiskchïn ukasa, nayarux jumamp chik manq'äwiman manq'asiñatakiw jawsayistaxa. Jichhasti, ¿kunat juk'ampirak juma reyit mayirismasti? —sasa.

1 Reyes 3:28

Ukatsti Israel markpachaw reyin ukham chiqapar uñjatap yatïna. Ukatsti Salomón reyirux axsartañampiw jaqinakax uñjapxäna, Diosan jupar uka yatiñ kankañ chiqapar uñjañataki churatap layku.

1 Reyes 3:9

Jichhasti yatiñ kankañ chuymay churita, markamar apnaqañataki, ukhamaraki kunatix askïki, kunatix jan walïki uk uñt'añataki; ¿khitirak aka jan jakt'kay markamar apnaqaspasti?” sasa.

Job 6:30

¿Jumanakasti k'ari jaqïkirista ukhamti amuyapxista? Jan ukax, ¿jan amuyt'asakich parlpachätxa?

Proverbios 27:21

Qurirusa, qullqirus ninaw yant'i; jaqirusti jach'añchäwinakaw yant'araki.

Proverbios 29:5

Masipar sinti jach'achir jaqix, chiqpachansa jan walt'añapatakiw sipita uchaski.

Hebreos 5:14

Ukampis waña manq'ax jach'a jaqinakatakiwa, khitinakatix amuyt'asiñ yatipki, kunatix walïki, jan walïki uk uñt'añatakis yatitäpki ukanakatakiwa.

Josué 1:17

Kunjämtix nanakax Moisesar taqi kunan jaysapxäyäta, ukhamarakiw jumarux jaysapxäma. Nanakasti Tatitu Diosaman jumampïñap munapxta, kunjämtix Moisesampïkan ukhama.

1 Samuel 29:9

Aquís reyisti sänwa: —Chiqpachansa jumax Tatitun angelapäkasmas ukham wali suma jaqïtawa, ukampis filisteonakan jilïrinakapax janiw juman nanakamp chika nuwasir mantañam munapkiti.