2 Samuel 14:14 - Qullan Arunaka DC

¹⁴ Chiqpachansa taqiniw jiwañäni, uraqir wartat umar uñtatätanwa, uka umasti janiw apthapiñjamäkiti. Ukampisa, Diosax janiw khitirus jakañap apaqkiti, jan ukasti Diosax kunayman tuqit amuyt'ayi jaqunukut jaqin jupat jayan jan jakañapataki.

Aymar Bibliia 1986

¹⁴ Chekpachansa takeniw jiwañänejja, cunjämatejj umajj orakeru wartatajja uqhama jiwasajj wartasiractanjja, uca umasti janiw apthapiñjamäcaraquiti. Ucampisa Diosajj janiw qhitirus jacañapjja apakquiti, jan ucasti Diosajj cunjämatsa muniwa uca jayaru apanucutäqui ucajj jan uqham jayan jacascañapataqui.

Qullan Arunaca

¹⁴ Chekpachansa takeniw jiwañänejja, cunjämatejj umajj orakeru wartatajja uqhama jiwasajj wartasiractanjja, uca umasti janiw apthapiñjamäcaraquiti. Ucampisa Diosajj janiw qhitirus jacañapjja apakquiti, jan ucasti Diosajj cunjämatsa muniwa uca jayaru apanucutäqui ucajj jan uqham jayan jacascañapataqui.

2 Samuel 14:14 Jak'a apnaqawi uñst'ayäwi

2 Samuel 11:25

Ukat Davidax khithat jaqirux säna: —Jichhax Joab chachar sarakim jan akanak tuqit sinti llakispati, nuwasïwinxa khitis jiwakispawa. Ukampis t'unjañkam wali ch'amampi markar katuntpan. Jumasti ch'amañchätawa —sasa.

2 Samuel 14:15

Nayatix juma jach'a reyir akanak sañatak jutsta ukaxa, jaqin nayar jan walinak lurañ munatapat axsarayasitax laykuwa. Reyixay, nayan mayitaxar ist'añam yatipunïyätwa,

1 Reyes 11:39

Davidan saraqirinakaparusti ukham luratanakapat mutuyäwa, ukampis janiw ukax wiñayatakïkaniti.’ ”

Job 14:14

¿Mä jaqisti jiwxasin wasitat jaktanxaspati? Nayasti qawqhaya wakischispa ukkhakamaw suyt'irista, t'aqhisiñanakaxan tukusiñap puriniñapkama.

Job 30:23

juman nayar jiwañar apañ munatam yatistwa, taqi jaqin puriñapäki ukaru.

Job 34:19

Jupax janiw marka apnaqirinakat arxataskiti, janirakiw qamirinakarus jan kunaninakat sipan juk'amp khuyapayaskiti, jupaw taqpachanir irnuqasistu.

Salmos 22:14

14 (15) Nayasti waranukut umjamätwa, ch'akhanakaxas qhaqhanukutkamakiwa; chuymaxasti lik'ir uñtataw naya manqhan umatati,

Salmos 22:15

15 (16) mallq'axax q'ala wañkatatawa, laxraxas laka manqhan lip'katatawa, ¡jiwañ laq'ar puriyañkamaw jumax jaquntista!

Salmos 58:7

7 (8) Ch'umarir umar uñtat chhaqtapxpan; takisit qurar uñtat pharsupxpan;

Salmos 77:8

8 (9) ¿Munasiñapax tukusxapunpachati? ¿Arsutapax jan mayampitakich tukusxpacha?

Salmos 79:3

Jerusalén thiyanakanxa, umar uñtat wilanakap wartapxi, jiwatanakar janiw khiti p'amp'iris utjkiti.

Salmos 90:10

Yaqhipanakax paqallq tunka maraw jakapxi; ch'amaninakasti kimsaqallq tunka marakamaw puripxi; ukataq jakañasti, jan walt'añanakampi, qhathami sarnaqañampik apani. ¡Urunakasti jaqinakjam jank'akiw tukusi!

Salmos 90:3

Jumaw jaqirux laq'ar tukuytaxa, “Jaqinaka, laq'ar kuttxapxam” sasa.

Éxodo 21:13

Ukampis khititix jan amtañampi maynir jiwaykani, jan ukasti, Diosat jiwañapax wakischi ukaxa, nayaw yatiyäma kawkha chiqarutix jiwayir jaqix jaltxañapäki ukxa.

Eclesiastés 9:5

Ukhamarus khitinakatix jakasipki ukanakax jiwañap sum yatisipxi, ukampis jiwatanakax janiw kuns yatipkiti, janirakiw kuns katuqapkiti, jupanakax armatäxapxiwa.

Lamentaciones 3:31

Tatitux janiw jiwasar wiñayatak apanukkistaniti.

Ezequiel 18:23

Janiw nayax ñanqha jaqin jiwañap munkti, jan ukasti ñanqha lurañat jithiqtxañap munta, ukhamat jakxañapataki. Naya, Tatituw uk arsta.

Levítico 26:40

“Jumanakax jucha luratanakamsa, awkinakaman jucha luratanakapsa, nayar saykatasisin jan taqi chuymampi arkapxatamsa uñt'asisipkam,

Números 35:15

Uka suxta markasti imantasiñ markanakäniwa, israelitanakatakisa, yaqha markat jutasin jumanak taypin jakir jaqitakisa. Uka markanakan imantasini, khiti jaqitix jan jiwayañ amtampi jaqi masipar jiwaykani ukaxa.

Números 35:25

Jan munkasin jaqi masipar jiwayir jaqirux markaw arxatañapa, phuqsusiñ munir wila masipata, ukatsti juchañchatarux imantasiñatak jaltkatayna uka markaruw kuttayxañapa. Jiwayir jaqix ukan qhiparañapa, sacerdotenakan jilïripa jakañapkama.

Números 35:28

Jiwayki uka jaqix imantasiñ markan qhiparañapa. Sacerdotenakan jilïripan jiwatap qhipatsti, jupax utapar kuttaskaniwa, janiw khitis jupar kamachkanisa.

Mateo 22:16

Ukatsti Jesusan ukaruw khithapxäna mä qawqha fariseonakampi, Herodesan arkirinakampi, akham sañapataki: —Yatichiri, yatipxtwa chiqa arsur jaqïtama, taqi kunan Diosar jaysañxat yatichatama, kuns jaqix yatichäwimat saskpan ukar juman jan yäqatamsa.

Hechos 10:34

Ukat Pedrox parlañ qalltäna, sarakïnwa: —Jichhaw chiqpach amuyta, Diosatakix taqi jaqis mayakïtapa.

Romanos 2:11

Diosasti khuskhak taripani.

Deuteronomio 10:17

Jumanakan Tatit Diosamax diosanakan Diosapawa, tatitunakan Tatitupawa; jach'a ch'amani, axsarkay Diosawa, janiw jaqir yaqha yaqha uñjkiti, janirakiw churäwinakampi alayaskiti.

Hebreos 9:27

Taqi jiwasanakax mä kutikiw jiwañäni, uka qhipatsti taripäwi uruw jutani.

1 Pedro 1:17

Jumanakatix taqi jaqinakar luräwinakaparjam taripir chiqa Diosarux “Awki” sapxstaxa, jumanakax aka uraqin jakkasax Jupar axsart'as jakapxañamawa.