2 Samuel 12:13 - Qullan Arunaka DC

¹³ Davidasti Natán nayraqatan juchanïtap uñt'asïna, sarakïnwa: —Nayax Tatit nayraqatan jucha lurta —sasa. Natanasti ukxaruw sarakïna: —Tatitux janiw juchamat mutuykätamti, janiw jiwkarakïtasa.

Aymar Bibliia 1986

¹³ Davidasti Natán nayrakatanjja juchanïtapwa amuyasïna: —Tatitu contraw juch lurta —sasa. Natanasti saraquïnwa: —Tatitojj janiw jumarojj juchamat mutuycätamti, janiw jiwcaraquïtasa.

Qullan Arunaca

¹³ Davidasti Natán nayrakatanjja juchanïtapwa amuyasïna: —Tatitu contraw juch lurta —sasa. Natanasti saraquïnwa: —Tatitojj janiw jumarojj juchamat mutuycätamti, janiw jiwcaraquïtasa.

2 Samuel 12:13 Jak'a apnaqawi uñst'ayäwi

Génesis 39:9

Aka utan nayaw jilïritxa, uywirixasti janirakiw kunsa “Janiw” siskituti. Ukhamarus jumax warmipätawa. ¿Kunjämarak nayasti uywirixar uka jan wali luririststi, Dios nayraqatan juch lurarakiriststi? —sasa.

2 Samuel 24:10

Davidasti taqi jaqinak jakthapiyasax chuymapan jan wali luratap amuyasïna, ukat Tatitur arsusxäna: “Tatay, nayax uk lurasax mä jach'a jucha lurta, ukampis Tatay, juchaxat pampacht'itaya, jan amuyt'asir jaqjamaw uk lurta” sasa.

2 Samuel 24:17

Davidasti angelar jaqinak tukjir uñjasaxa, Tatituruw säna: —¡Nayaw jucha lurta! ¡Nayaw juchanïtxa! ¿Aka jaqinakasti kuna juchanirakisti? ¡Nayasti achikt'asiraksmawa, mutuyäwimax nayampitaki, wila masinakaxampitakïpan! —sasa.

1 Reyes 13:4

Jeroboam reyisti, profetan arunakap Betelankir altaratak arskatayna uka arunak ist'asax, altaratpach amparap luqtanïna, sarakïnwa: “¡Uka jaqir katuntapxam!” sasa. Ukampis kawkïr ampartix luqtankatayna uka amparax tisikiw tukuwayxäna, janiw jupax unxtaykxänti.

1 Reyes 21:20

Ahab reyisti Eliasarux sänwa: —Ukhamasti, ¿juma, uñisirixat nayar jikxatista? —sasa. Eliasasti sänwa: —Jïsa, jikxatsmawa. Jumax jan wali luräwinakak Tatitun nayraqatapan lurtaxa.

1 Reyes 22:8

Israelan reyipasti Josafatar sänwa: —Mayniw utjaski, jupa tuqiw Tatiturux jiskt'araksna. Jupasti Micaías satawa, Imlá chachan yuqapawa. Ukampis nayax jupar walpun uñista, jupax janipuniw suma yatiyäwinak yatiykituti, jan ukasti jan walinakak yatiyitu —sasa. Josafat reyisti sänwa: —Jan ukham samti —sasa.

2 Reyes 1:9

Ukat ukspachaw jupax irptaniñapatak mä jilïrir khithäna phisqa tunka soldadonakampi. Puripkän ukkhasti, Eliasax mä qullu patan qunt'atäskänwa. Ukat capitanax jupar säna: —¡Profeta, reyix: “Saraqanpan” sistamwa! —sasa.

1 Crónicas 21:8

Ukatsti Davidax Diosarux akham sänwa: —Nayax ukham lurasax wali jach'a juch lurta. Ukampis jichhax aka luqtiriman juchanakap pampacht'amaya, nayasti mä jan wali amuyt'an jaqjamaw lurta —sasa.

2 Crónicas 16:10

Asá reyisti profetatakix walpun q'apisïna, ukat carcelar uchantayäna. Uka urunakanxa markankirinakat yaqhipanakarux mutuyarakïnwa.

2 Crónicas 25:16

Profetax uka arunak arskäna ukkhaxa, reyix juparux saskakïnwa: —¿Khitirak jumarusti reyin amuyt'ayiripat uchtamsti? ¡Jan ukanak parlkamti! Jan ukax ¿jiwayatäñcha muntaxa? —sasa. Profetasti ukxarux janiw juk'amp arskxänti, ukampis sänwa: —Diosax uk luratamata, iwxa arunakaxar jan ist'atamatsa t'unjätamwa —sasa.

Job 33:27

Sarakiniwa: “Juchachastwa, kunatix jan chiqapäki ukanak lurta, ukampis Diosax janiw mutuyañ munkituti;

Salmos 103:12

Kamisatix inti jalsut inti jalantkam wali jayaxa, ukham jiwasanakat juchanakas jayarst'ayistu.

Salmos 51:16

16 (18) Jumax janiw luqtanak munktati; wilañchanaksa luqtirismawa, ukampis janiw ukanakax kusisiyktamti.

Salmos 51:4

4 (6) Jumataki, jumatakiw juchachasta, jumax juchañchkta uka juch lurta. Ukat juchañchatamax chiqapa; taripäwimas jan kamskayaraki.

Salmos 51:6

6 (8) Jumax q'uma chuymaniruw munastaxa, chuymaxarusti yatiñ kankañ uchtaxa.

Éxodo 9:27

Ukat faraonax Moisesampiru, Aaronampir jawsayanïna, jupanakarusti akham säna: —Nayan juchanïtax uñt'astwa. Nayampi, markaxampiw juchanïpxta, janiw Tatitun juchapäkiti.

Proverbios 25:12

Yatiñan jaqin chiqachäwi arunakap katuqasir jaqitakix suma quri sortijampiru, suma quri wallqampir uñtatawa,

Proverbios 28:13

Juchap imt'asir jaqix, janiw nayrar sarkaniti, juchap arsusisin jaytanukxani ukasti, pampachatäxaniwa.

Isaías 38:17

Uñtapxam, t'aqhisiñat sipansa, jichhax samarañaw utjitu. Aynacht'añanakatxa, jumarakiw imista, taqi juchanakaxsa pampacharakistawa.

Isaías 43:24

Nayatak waxt'äwi apaniñamatakixa, janirakiw suma q'apkir qullanaksa alktati, janiw waxt'äwi luqtat uywanakan lik'inakapampis kusisiykistati. Jan ukasti jucha luratanakamampiw qarjayista, ñanqha luratanakamampiw p'iq usuyista.

Isaías 44:22

Nayaw juchanakamsa, pantasitanakamsa chhaqtayta, kunjämatix qinayanakax chhaqtkix ukhama. Nayan ukar kuttanxam, nayaw jumarux qhispiysma.”

Lamentaciones 3:32

T'aqhisiykchi ukasa, jupax khuyapt'ayasirakiwa, munasiñapax sinti jach'apuniwa.

Levítico 20:10

“Maynitix jaqi masipan warmipar warmischi ukasti, jupasa, warmisa jiwayatäñatak juchañchatäñapawa.

Levítico 24:17

“Khititix jaqi masiparu jiwayani ukasti jiwayatarakïniwa.

Zacarías 3:4

Ukat angelax yanapirinakapar mayïna, Josué chachar q'añu isinakap apsupxañapataki. Josué chacharusti sarakïnwa: “Uñjam, ukax juchanakam pampachxsma sañ muni. ¡Jichhasti q'uma isinakampiw isthapiyxäma!” sasa.

Mateo 14:10

Ukat Bautisiri Juanar p'iqip carcelan khariqaniñapatak arsüna;

Lucas 15:21

Ukat yuqapax jupar akham säna: ‘Awkixay, Diosar jan yäqasa, jumar jan yäqasaw juchañchjasta, wawamätwa sañatakix janiw askïkxti’ sasa.

Lucas 18:13

Ukampis qullqi apthapirix jayarukiw qhiparäna, janirakiw alaxpachar uñtañsa munkänti, jan ukasti jupapachaw chuymap liq'isïna, akham sasa: ‘¡Diosaxay, naya juchararat khuyapayasita!’ sasa.

Hechos 2:37

Uka arunak ist'asinsti, ukawjan tantachat jaqinakax chuymanakapan wali llakt'ataw uñjasipxäna. Ukat Pedrompiru, mayni apostolunakampir jiskt'asipxäna: —Jilatanaka, ¿kuns lurapxiristxa? —sasa.

Hebreos 9:26

Ukhamäsapän ukasti, akapach qalltatpach Cristox walja kutiw jiwañapäsapäna. Ukampis jichhax aka qhipa urunakan Cristox mä kutikiw wiñayatak uñsti, jupapachpaw taqi juchanak pampachañatak t'aqhisis luqtasiwayi.

1 Juan 1:7

Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

1 Samuel 15:20

Saúl reyix sarakïnwa: —Nayax Tatitun arsutanakaparux jaystwa, kuna lurañtix churkitu uksa phuqharaktwa: Amalec markan Agag reyiparus katuntasin apanirakta, amalecitanakarusti q'al tukjarakta.

1 Samuel 15:30

Saúl reyix mä kutimpiw arsüna: —Chiqpachansa nayaw juchachasta. Ukampis taqi Israel markan jilïri jaqinak nayraqatana, taqi jaqinak nayraqatana, nayarux mä reyirjam uñjañamatakiw achikt'assma. Ukhamax nayampi chika Tatit Diosamar yupaychañatak sarañäni —sasa.