2 Samuel 10:8 - Qullan Arunaka DC

⁸ Amonita jaqinakasti jutantapxänwa, ukatsti nuwasiñatakiw wakichasipxäna pachpa markar mantañ punkuna, ukchañkamasti Sobá, Rehob chiqankir sirio soldadonakampi, Tob, Maacá reyinakan soldadonakapampixa, uka pampanakan nuwasiñatakiw wakichasipxarakïna.

Aymar Bibliia 1986

⁸ Amonita jaquinacasti jutantapjjaraquïnwa, ucatsti nuwantasiñataquiw waquichasipjjaraquïna pachpa marcar mantaña puncuna, ucañcamasti sirio uqhamaraqui Soba uca quipcaraqui Rehob, Is-tob uqhamaraqui Maaca toket jutir soldadonacasti take uca orakenacwa catuntasipjjaraquïna.

Qullan Arunaca

⁸ Amonita jaquinacasti jutantapjjaraquïnwa, ucatsti nuwantasiñataquiw waquichasipjjaraquïna pachpa marcar mantaña puncuna, ucañcamasti sirio uqhamaraqui Soba uca quipcaraqui Rehob, Is-tob uqhamaraqui Maaca toket jutir soldadonacasti take uca orakenacwa catuntasipjjaraquïna.

2 Samuel 10:8 Jak'a apnaqawi uñst'ayäwi

2 Samuel 10:6

Amonita jaqinakasti Davidampi wali uñisiyasipxatap amuyasisinxa, qullqi layku nuwasir pä tunka waranqa sirio soldadonak anthapipxäna Rehob, Sobá chiqankirinakata; Maacá markan reyipat waranqa jaqinak achikapxäna; Tob sat reyitsti tunka payani waranqa jaqinak achikapxarakïna.

2 Samuel 10:7

Davidasti uk yatisin, Joab yanapiriparux ejerciton taqpach soldadonakapampiw khithäna.

2 Samuel 10:9

Kunapachatix Joab chachax nayräx tuqita, ukhamaraki qhipäx tuqita katuntatäñatak wakichasipxatap amuyasisinsti, israelitanakat wali nuwt'asir soldadonak ajllïna, ukatsti sirio jaqinakar katuntañatakiw wakichasirakïna.

2 Samuel 23:34

Maacá chiqankir Ahasbai jaqin Elifélet yuqapa; Siló chiqankir Ahitófel jaqin Eliam yuqapa.

1 Reyes 11:24

Jupasti mä qawqha chachanak tantachatayna, ukatsti mä tama lunthatanakan p'iqichiripänwa. Davidax uka lunthat jaqinakar jiwaraykäna ukkhaxa, Rezón chachax Damasco markaruw sarxäna, ukansti reyit utt'asïna.

1 Crónicas 19:7

ukatsti kimsa tunka payan waranq nuwasiñ carronak uka qullqimpix mink'apxäna, ukhamarak Maacá chiqankir reyiparusa ejercitoparusa. Jupanakasti Medebá uñkatasiruw utjnuqtapxäna. Ukhamarus amonitanakax markanakapat mistunisax nuwasiñatakiw tantacht'asipxäna.

1 Crónicas 19:9

Amonitanakasti sarasax pachpa marka mantañawjan nuwasiñatakix wakichasipxäna. Kawkïr reyinakatix jutapkatayna ukanakax pamparuw qhiparapxäna.

Jeremías 40:8

taqpachaniw Mispá sat chiqar Guedaliasan ukar sarapxäna. Ukanak taypinsti Netaniasan Ismael sat yuqapaw ukankäna; Caréah sat jaqin Johanán ukhamaraki Jonatán sat yuqanakapa; Tanhúmet sat jaqin Seraías yuqapa; Netofankiri Efai sat jaqin yuqanakapa, Maacat chiqankir mayni jaqin Jezanías sat yuqapasa, taqi jaqinakapampi kunaw ukankarakïna.

Números 13:21

Uka chachanakasti sarasin uka uraq uñakipapxäna, aynach tuqit qalltapxäna, Sin sat wasarata, ukawjatsti Rehob chiqakamaw sarapxäna, ukasti Hamat jak'ankiwa.

Josué 19:28

Abdón, Ebrón, Rehob, Hamón, Caná chiqa sarakipäna, Sidón jach'a markar puriñkama.

Jueces 1:31

Aser ayllunkirinakasti janirakikiw Aco, Sidón, Ahlab, Aczib, Helbá, Afec, Rehob markanakan jakir cananeonakaru alisnukuñataki ch'amanïpkänti; uka markanakat jan alisnukupxatap laykusti, jupanak taypin jakiriw qhiparapxäna.

Jueces 11:3

Ukat Jefté waynax jilanakap jak'at jaltxäna, Tob chiqaruw jakir sarxäna, ukawjansti mä tama qhuru jaqinakampiw jikisxäna, ukanakasti jupamp chikaw jan wali lurañanakan sarnaqxapxäna.

Jueces 11:5

Galaad chiqankir jilïrinakasti, Jefté waynaruw Tob uraqit irptayanipxäna,