2 Reyes 9:2 - Qullan Arunaka DC

² uka markar purisinsti, Josafat chachan Jehú sat yuqaparuw thaqtäta, Nimsí chachan allchhiparu. Jupan ukaru mantasinxa, masinakap jak'at irpaqasin yaqha utaruw irpäta;

Aymar Bibliia 1986

² Qhuriru purisinsti Josafat chachan Jehú sat yokaparu thaktam, jupasti Nimsi chachan allchhipawa. Jupan ucar mantasinjja, masinacapat yakhaktayasajja yakha utaru irpam.

Qullan Arunaca

² Qhuriru purisinsti Josafat chachan Jehú sat yokaparu thaktam, jupasti Nimsi chachan allchhipawa. Jupan ucar mantasinjja, masinacapat yakhaktayasajja yakha utaru irpam.

2 Reyes 9:2 Jak'a apnaqawi uñst'ayäwi

1 Reyes 20:30

Uka nuwasïwit jilt'ir soldadonakasti Afec markaruw jaltxapxäna, ukampis markan pirqapax pä tunka paqallqun waranqa soldadonakxaruw allxattäna. Ben-adad reyisti markat jaltxarakitaynawa, jupasti markar purisax utat utaruw imantasïna.

1 Reyes 22:25

Micaías profetasti sänwa: —Kunürutix jumax imantasiñatak utat uta jalnaqkäta uküruw yatïta —sasa.

2 Reyes 9:11

Ukatsti kunapachatix Jehú chachax reyin yanapirinakapan ukar kuttkäna ukkhasti, jupanakat mayniw jiskt'äna: —¿Kunas kamachi? ¿Kunarurak uka luqhi jaqisti juman ukar jutataynasti? —sasa. Ukxaruw Jehú capitanax säna: —Jumanakax jupar uñt'apxtawa, kunjäm parlirïtapsa yatipxaraktawa —sasa.

2 Reyes 9:14

Josafat chachan Jehú yuqapaw Joram reyitak sayt'asïna, jupasti Nimsí chachan allchhipänwa. Joram reyix Israelankir taqpach reyinakapampiw Galaadankir Ramot chiqat tuwaqasisa nuwasisipkäna, Siria markankir Hazael reyin katuntir jutatapata,

2 Reyes 9:20

Uñch'ukiristi wasitat yatiyäna: —Maynïrix jupanakan ukar purirakiwa, ukampis janiw kutt'ankxiti. Khititix carro apnaqki ukax Jehú capitanjamakiwa, jupasti luqhir uñtataw carrorux jalayani —sasa.

2 Reyes 9:5

ukar purisinsti ejerciton jilïrinakapar tantachatäskir jikxatäna. Ukat jupax säna: —Capitanaxar may yatiyañaxaw utjitu —sasa. Jehú capitanasti ukxaruw säna: —Taqi nanakat ¿khitirusa? —sasa. Profetasti sänwa: —Juma capitanaxaruwa —sasa.