2 Reyes 8:1 - Qullan Arunaka DC

¹ Eliseox khitin wawaparutix jiwatat jaktaykatayna uka warmiruw parläna, akham sasa: “Jumax utamankirinakamp yaqha chiqar jakir sarxam; Tatituw aka uraqin, paqallqu jach'a mach'a maranak utjañap yatiyi” sasa.

Aymar Bibliia 1986

¹ Eliseosti parlänwa cawquïr warmin wawaptï jiwatata jacatataycäna uca warmiru, aqham sasa: “Jumajj familiamampi yakha chekaru jaquir sarjjam, Tatitojj yatiyituwa: Aca orakenjja mach'awa utjani pakallk mara” sasa.

Qullan Arunaca

¹ Eliseosti parlänwa cawquïr warmin wawaptï jiwatata jacatataycäna uca warmiru, aqham sasa: “Jumajj familiamampi yakha chekaru jaquir sarjjam, Tatitojj yatiyituwa: Aca orakenjja mach'awa utjani pakallk mara” sasa.

2 Reyes 8:1 Jak'a apnaqawi uñst'ayäwi

Génesis 12:10

Uka urunakansti Canaán taqi uksa tuqinakan mä jach'a mach'aw utjäna, Abram chachasti uka chiqan jan kuna manq'añas utjatapatxa, Egipto markaruw mä qawqha pachatak jakir sarxäna.

Génesis 26:1

Uka urunakansti mä jach'a mach'aw uksa uraqinakan utjäna, kunjämatix Abrahaman urunakapan utjkäna ukhama. Ukat Isaac chachax Guerar markar sarxäna. Kawkhantix filisteonakan Abimélec reyipax jakkäna uksaru.

Génesis 41:25

Ukat Joseax faraonar sarakïna: —Uka pä samka juma, reyix samkaskatäta ukax mä sapa samkakiwa. Diosaw jumarux uka samka tuqi yatiyasktam kuntix jupax lurkani uka.

Génesis 41:32

Juma, reyix pä kutiw uka pachpa samka samkastaxa, Tatitux ukham lurañ amtatapuniwa, uksti jank'akirakiw lurani.

Génesis 41:54

ukatsti paqallqu mach'a maranakaw sartarakïna, kunjämtix Joseax siskatayna ukhama. Taqi markanakan manq'at t'aqhisiñax utjäna, Egipto markanak jan utjkänti, uka markansti manq'añax utjaskänwa.

Génesis 47:4

Jichhasti nanakax aka markan jakasiriw jutxapxta, Canaán uraqin mach'ax sintipuniwa, janiw kuna ch'uxña alis uywanakaxatakix utjkarakiti. Tata, Gosen chiqan nanakan jakasipxañax munakimaya —sasa.

2 Samuel 21:1

Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.

2 Samuel 24:13

Gad profetasti Davidan ukar sarasin jupar jiskt'äna: —Kawkïrsa jichhax munta: ¿Aka markan mach'ax paqallqu mara utjañapti, jan ukax, kimsa phaxsi uñisirinakaman arknaqatäñcha, jan ukax, kimsa uru mä jach'a usu aka markan utjañapcha muntaxa? Ukhamasti jichhax amuyt'asim, khithankitu ukar yatiyxañaxataki —sasa.

1 Reyes 17:1

Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.

1 Reyes 18:2

Eliasasti Ahab reyin ukaruw saräna. Samaria markan manq'atjam t'aqhisiñax sintipunïnwa.

2 Reyes 4:18

Wawasti jilsxänwa. Ukampis mä urux, jupax awkipar uñjiriw saraskäna, awkipasti yapu apthapirinakampïskänwa,

2 Reyes 4:36

Ukat Eliseox Guehazí uywatapar jawsasin säna: —Sunamita warmir jawsanim —sasa. Guehazí uywatapasti ukham luräna, warmix Eliseon ukar purinïna ukkhasti, Eliseox jupar sänwa: —Akax wawamaxa —sasa.

2 Reyes 4:38

Uka qhipatsti, Eliseox Guilgal chiqaruw kutt'xäna. Khä urunakansti uka uraqin manq'at t'aqhisiñaw utjäna. Mä kutisti kunapachatix profetanakax Eliseor muyuntat qunt'atäsipkän ukkhaxa, Eliseox uywataparuw säna: “Ninar jach'a phukhu itxatam, profetanakatak manq'a phayt'am” sasa.

2 Reyes 7:20

Ukasti ukhamapuniw lurasïna, markar mantañ punkun jaqinakax jupar tinkuyas takisipxatayna, ukat jupax jiwxäna.

2 Reyes 8:2

Warmisti profetan iwxt'ataparjamaw luräna: jupasti filisteonakan uraqiparuw wila masinakapamp sarxäna, ukansti paqallq maraw jakäna.

Salmos 105:16

Khä uraqirux mach'a apayanïna, manq'añanak jupanakat apaqäna.

Salmos 107:34

purum uraqinak qullpa uraqir tukuyi, jaqinakapan ñanqha lurirïpxatap layku;

Jeremías 25:29

Jichhasti kawkïr markatix nayatak yaqhachatäkäna uka markxaruw mutuyäwinakax apayanï. ¿Jumanakasti amuyapxtati jan mutuyataki qhiparañxa? Janiw ukhamaki jumanakax qhiparapkätati, nuwasiñanaksti taqi akapachankir jaqinakxaruw apayanï. Naya, Tatituw uk arsta.’

Levítico 26:26

“Kunapachatix jumanakan trigo yapunakam q'al tukjkä ukapachasti, tunka warminakaw mä sapa hornon jumanakatak t'ant'a qhatiyapxani, ukatsti jisk'a jisk'a lakinuqapxätam, qawqsa uka t'ant'xa manq'asipkätawa, ukampis janiw sist'asipkätati.

Amós 4:6

“Nayaw jumanakar taqi markanakaman manq'at awtjayapxsma; nayaw taqi chiqanakan jaqinakatak manq'añ pist'ayta, ¡ukampis jumanakax janiw nayan ukarux kuttanipktati!” Tatitux ukham siwa.

Hageo 1:11

Nayaw jallu jan puriykti, pampanakxarusa, qullunakxarusa, trigo yapunakxarusa, uva yapunakxarusa, olivo quqanakxarusa, pampa yapunakxarusa, jaqinakxarusa, uywanakxarusa, ukhamarak taqi luratanakapxarusa” sasa.

Lucas 21:11

Taqi chiqan uraq khathatinaka, manq'at awtjayasiñanaka, usunakampiw utjani, alaxpachansti mulljaskañanakampi, jach'a unañchanakampiw uñjasini.

Lucas 21:22

Uka urunakasti mutuyäwi urunakäniwa, kunjämtix Qillqatan siski ukanakaw phuqhasini.

Lucas 4:25

Chiqpachansa, Elías profetan urunakapanxa, walja ijma warminakaw Israel markan utjäna, jallux kimsa mara chikani jan purxatapatsti, taqi markpachan manq'at awtjayasiñax utjxäna;

Hechos 11:28

Uka profetanakat maynïriw utjäna Agabo sutini. Jupasti jilatanak taypin sayt'asisin Qullan Ajayu tuqi jupanakar yatiyäna: “Mä jach'a mach'aw taqpach uraqin utjani” sasa. Ukasti Claudio sat jach'a jilïrix marka apnaqkän ukapachaw phuqhasïna.

Rut 1:1

Israel markax jilïr jaqinakan apnaqatäkäna ukapachaxa, taqi uksa tuqinakan mach'aw utjäna, uka maranakan janiw manq'añax utjkänti. Ukhamïpansti, Judá markankir Belén markata, Elimélec chachax Moab jach'a markaruw warmipampi, pä wawapamp jakir sarxäna. Warmipax Noemí sutinïnwa, maynïr wawapax Mahlón sutini, maynïristi Quelión sataraki. Jupanakax Belén jisk'a markankirïpxänwa, Moab markar purisasti ukan jakxapxarakïna.