2 Reyes 7:6 - Qullan Arunaka DC

⁶ Tatituw Siria markan ejercitopar ist'ayatayna, nuwasïwir sarañ carronakana, caballerianakan uxutanakapa, ukhamarak mä jach'a ejerciton jalatanakapa, ukat sirionakax amuyapxatayna, Israel reyisa mink'askaspa jupanakar hitita reyinakampi, egipcio reyinakamp katuntayañataki.

Aymar Bibliia 1986

⁶ Tatituwa sirio ejercitorojja ist'ayatayna nuwasiñ carronacana, caballerianacana suenatapa, uqhamarac mä jach'a ejerciton suenataparaqui. Sirionacajj ucapachajj amuyapjjänwa Israel reyin minc'asitapa hitita reyinacaru, uqhamarac egipcio reyinacaruraqui jupanacar nuwantañapataqui.

Qullan Arunaca

⁶ Tatituwa sirio ejercitorojja ist'ayatayna nuwasiñ carronacana, caballerianacana suenatapa, uqhamarac mä jach'a ejerciton suenataparaqui. Sirionacajj ucapachajj amuyapjjänwa Israel reyin minc'asitapa hitita reyinacaru, uqhamarac egipcio reyinacaruraqui jupanacar nuwantañapataqui.

2 Reyes 7:6 Jak'a apnaqawi uñst'ayäwi

2 Samuel 10:6

Amonita jaqinakasti Davidampi wali uñisiyasipxatap amuyasisinxa, qullqi layku nuwasir pä tunka waranqa sirio soldadonak anthapipxäna Rehob, Sobá chiqankirinakata; Maacá markan reyipat waranqa jaqinak achikapxäna; Tob sat reyitsti tunka payani waranqa jaqinak achikapxarakïna.

2 Samuel 5:24

Uka quqanak patan jaqi sarnaqirjam suxuqir ist'käta ukapachasti, jupanakar ch'amampiw katuntäta, nayaw juma nayraqatam sarantaskä, filisteonakar jiwarayañkam katuntañataki —sasa.

1 Reyes 10:29

Egipto markat apanit mä carron alapax suxta patak qullqïnwa, mä caballosti patak phisqa tunkan qullqirakïnwa. Hitita reyinakasa, sirio reyinakasa, Salomonan alakip lurir jaqinakapat carronaka caballonaka alasipxirïna.

1 Reyes 20:20

Ukatsti jupanakat sapa mayniw uñisiripar jiwayäna, sirio jaqinakasti jaltxapxarakïnwa, Israelitanakax jupanakar arktänwa, ukampis sirionakan Ben-adad reyipax mä caballxat jaltxäna, mä qawqha caballería soldadonakamp chika.

2 Reyes 19:7

Ist'am, nayaw Senaquerib reyir mä jan wali yatiyäwi ist'ayä, ukat markapar kutt'xañapataki, ukansti jaqin jiwayatäñapatakiw wakichä’ ” sasa.

2 Reyes 7:5

Ukhamaw jupanakax arumthapir sartawayasin sirionakan utjnuqäwipar sarapxäna; jak'ankxasasti, jan khitis ukankatap amuyasipxäna.

Job 15:21

Axsarayir uxutanak ist'apuni; sumak samart'asiski ukapachaw lunthatanakas jalxati.

Salmos 14:5

Jupanakax axsarañat khathatipxani, Diosasti jupar jaysirinakampipunïskiwa.

Isaías 31:1

¡Ay, kunakïkani, khitinakatix Egiptor yanap mayir sarapki ukanakatakixa, uka walja carronakaparu, caballerianakaparu alkatasipki ukanakatakixa, jupanakax janiw Israelan Qullan Diosapar uñtapkiti, janirakiw thaqhapkisa!

Isaías 36:9

Jumatix Egipton yanapap suyasksta ukaxa, may säma: Egipton caballonakapasa, nuwasiñ carronakapas janiw mä juk'a ch'aman soldadoxarus khathatiyañatak ch'amanïkiti.

Jeremías 46:21

Qullqi layku nuwasir soldadonakapasti, lik'i vaca qallunakjamäpxiwa, jupanakasti jalakamakiw mistuwayxapxani, janirakiw sayt'asiñatakix ch'amanïpkaniti, t'unjatäñap urusti puriniwa, mutuyatäñ pachapas purinirakiwa.

Ezequiel 1:24

Ukatsti chhiqhanakan jawq'alitap ist'arakta, sarantapkän ukapacha, ukasti jach'a jawiran umanakapjamaw qhuthutïna, taqi ch'amani Tatitun arupjama, mä walja soldadonakan sarantatapjamaraki. Sayt'apkäna ukkhasti, chhiqhanakap aythapisxapxänwa.

Ezequiel 10:5

Uka chhiqhaninakan chhiqha jawq'alitapasti uta anqäxkamaw ist'asïna, taqi ch'aman Tatitus parlkaspa ukhamänwa.

Apocalipsis 9:9

Janchinakapasti hierro isimpi isthapitäkaspas ukhamänwa, chhiqhanakapan jawq'alitanakapasti, nuwasiñar mantir caballonakan qatatit walja carronakan uxutapjamänwa.

Jueces 7:21

Israelitanakax janiw unxtapkänti, madianitanakan campamentopar muyuntasa. Arnaqasitanak ist'asinsti, madianitanakan ejercitopankirinakax warart'asisaw jaltxapxäna,

1 Samuel 14:15

Ukatsti campamentonkirinakasa, markankirinakasa, nuwasir soldado tamanakas wal axsarayasipxäna. Ukhamarus uraq khathatiw sartarakïna, ukatsti jan walt'añaw utjäna.

1 Samuel 26:6

Ukat Davidax Ahimélec hitita jaqimpi, Joab sata Abisai jilapampi, Seruiá jaqin yuqapäki ukanakampi parläna, jupanakarusti jiskt'arakïnwa: —¿Khitis nayamp chika Saúl reyin campamentopar sarañ muni? —sasa. Abisai jaqisti sänwa: —Nayaw jumamp chika sarä —sasa.