2 Reyes 7:2 - Qullan Arunaka DC

² Reyin yanapiripasti ukxaruw profetar säna: —Tatitux alaxpachat ventananak jist'arankaspa ukasa, janiw kuntix sisktas ukax luraskaspati —sasa. Ukampis Eliseox saskakïnwa: —Jumax pachpa nayranakamampiw uñjäta, ukampis janiw uk manq'kätati —sasa.

Aymar Bibliia 1986

² Reyin yanapiripasti profetarojj sänwa: —Tatitojj alajjpachata jist'arancaspa ucasa, janiw lurascaspati cuntï jumajj siscta ucajja —sasa. Ucampis Eliseojj sascaquïnwa: —Juma pachpawa ucjja uñjätajja, ucampis janiw ucjja mank'cätati —sasa.

Qullan Arunaca

² Reyin yanapiripasti profetarojj sänwa: —Tatitojj alajjpachata jist'arancaspa ucasa, janiw lurascaspati cuntï jumajj siscta ucajja —sasa. Ucampis Eliseojj sascaquïnwa: —Juma pachpawa ucjja uñjätajja, ucampis janiw ucjja mank'cätati —sasa.

2 Reyes 7:2 Jak'a apnaqawi uñst'ayäwi

Génesis 7:11

Payïr phaxsitsti, tunka paqallqun uruw saraqxäna. Noé chachasti ukapachax suxta patak maranïnwa. Uka pachpa uruw manqhankir jach'a qutan jalsunakapax phalläna, alaxpachatsa jallux walipuniw purintäna.

2 Reyes 5:18

Ukampis nayax Tatituruw achikt'asta, lurkä ukat nayar pampachañapataki: kunapachatix reyixax Rimón sat diosan templopar yupaychir sarkani, ukatsti amparaxar katt'askani, nayasti uka templon killt'asiñaxäkani ukkhaxa, Tatitux uka lurataxat pampachitpan —sasa.

2 Crónicas 20:20

Qhipärmanthisti wali willjtat sartasipxäna, Tecoa wasar tuqir sarañataki. Mistusipkäna ukkhasti, Josafat reyix sayt'asisin jupanakarux säna: “Jerusalenankirinaka, Judá uraqinkirinaka, ist'apxita: Tatit Diosamar iyawsapxam, ukatsti janiw axsarapxätati; profetanakapan arsutanakap iyawsapxam, ukatsti jumanakatakix taqi kunas walikïskaniwa” sasa.

Salmos 78:41

Wasitatsa, yant'asipkakïnwa; ¡Israelan Qullanaparuw llakisiyapxäna!

Jeremías 29:32

Naya, Tatituw arsta, Semaiasarusa, wawanakaparus mutuyäwa. Markax taypinxa janiw saraqiripax utjkaniti, janirakiw kuna askinaktix markaxar apayankä ukanaksa katuqkaniti, parlatanakapampi jaqinakar nayatak sayt'asir tukuyatap layku. Naya, Tatituw uk arsta.”

Malaquías 3:10

Sapa tunkat maya churañamäki uksti nayan utaxar apanipxam, ukhamat manq'añax utaxan utjañapataki. Jichhax yant'apxita, nayaw jumanakaru alaxpach ventananak jist'arasin jilarkir suma waxt'äwinak apayanipxäma.

Números 11:13

Jupanakax jacht'asisaw nayan ukar jutapxitu: ‘Aycha manq'añatak churapxita’ sasa. ¿Kawkitarak akataq jaqinakar manq'ayañatak aycha apsüsti?

Números 23:19

Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Romanos 3:3

¿Kunarak ukat kamachisti? ¿Diosasti yaqhipanakan jan sum sarnaqapxatap laykux jupanakat armasispati?

Deuteronomio 3:27

Jichhasti khä Pisgá sat qullur makhatam, uka patat uñatatam amsta tuqiru, aynach tuqiru, inti jalsu tuqiru, inti jalanta tuqiru, ukampis jumax janiw Jordán jawir khurkatarux makhatkätati.

2 Timoteo 2:13

janitix chiqa chuymamp arkkañänixa, Cristox janiw armaskistaniti, jupa pachpa jan armasirïtap layku.