2 Reyes 7:16 - Qullan Arunaka DC

¹⁶ Markachirinakasti ukspachaw mistuwayapxäna, ukatsti sirionakan campamentopat yänak q'ipsunipxäna. Ukatsti kunjämtix Tatitux yatiykatayna ukhamarjamaw paqallq kilo jak'umpi, tunka phisqan kilo cebadampix mä qullqiruki aljasïna.

Aymar Bibliia 1986

¹⁶ Jakenacasti ucspachawa mistusina sirionacana campamentonacaparu jupanacatac aptasiri sarapjjäna. Cunjämtï Tatitojj siscäna uqhamarjama, pakallko kilo jac'ojj aljasïnwa mä kollkeruqui; tunca pheskan kilo cebadasti aljasiraquïnwa mä kollkeruquiraqui.

Qullan Arunaca

¹⁶ Jakenacasti ucspachawa mistusina sirionacana campamentonacaparu jupanacatac aptasiri sarapjjäna. Cunjämtï Tatitojj siscäna uqhamarjama, pakallko kilo jac'ojj aljasïnwa mä kollkeruqui; tunca pheskan kilo cebadasti aljasiraquïnwa mä kollkeruquiraqui.

2 Reyes 7:16 Jak'a apnaqawi uñst'ayäwi

2 Reyes 7:1

Eliseosti ukxarux sänwa: —Tatitun arup ist'am. Tatitux akham siwa: “Qharür aka pachax, Samaria markar mantañan alasiñax utjani, paqallq kilo jak'usa, jan ukax, tunka phisqan kilo cebadas mä sapa qullqirukiw aljasini” —sasa.

2 Reyes 7:15

Jupanakasti Jordán jawirar puriñkamaw sirionakan qhipapat arktapxäna, thakhinsti isinaka, yänaka uñjapxäna, sirionakaw mäki jaltxañ layku willtawayapxatayna. Ukatsti reyin khithatanakapax kutt'anxasin kuntix uñjanipkatayna ukanak reyir yatiyxapxäna.

2 Crónicas 20:25

Ukatsti Josafat reyimpi jaqinakapampix kunanaktix uñisirinakapax jaytawayapkatayna ukanak apthapiriw jalapxäna, jupanakasti walja uywanaka, nuwasiñ yänaka, isinaka, jila alani yänak jikxatapxäna, ukanaksti taqpach katuntasipxäna. Walja yänakapuniw utjäna, janiw jupanakax aptirjamäpkänti; waljätapatsti kimsa uruw uka yänak apthapipxäna.

Salmos 68:12

12 (13) “¡Reyinakampi, nuwasir tamanakapampix jaltxapxiwa!” sasa. Warminakax utanakapan katuntat yänak jalanuqasipxäna, uñisirinakat aparapkatayna uka yänaka,

Salmos 68:13

13 (14) ukampis jumanakax uywa uyunakan qhiparapxtaxa. ¡Qullqimpi llusikipata paloma chhiqhanaka! ¡suma qurimpi apakipata phuyunakapa!

Isaías 33:1

¡Ay, kunakïkan juma Asiria markatakixa! ¡Jumax markaxar t'unjir markätawa! T'unjañ tukt'aykäta ukkhaxa, jumax kipka t'unjataw uñjasïta; ch'uxña lurañ tukt'aykäta ukkhasti, uka kipka ch'uxña lurataw uñjasirakïta.

Isaías 33:4

uñisirinakapasti t'iju t'iju tamjamaw jupanakxar chhukxatapxi, qamir kankañanakapsa aparapxaraki.

Isaías 44:26

Ukampisa khitinakatix nayan luqtirixäpki ukanakan arunakap phuqhayapuntwa, khithatanakaxan amtatanakapsa suma mistuyarakta. Nayaw Jerusalenan wasitat jaqinïxañapatak arsta, Judá uraqinkir markanakas wasitat sayt'ayatäxañapataki: Aynacht'atanakapatsti nayaw jupanakarux sartayä.

Números 23:19

Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Mateo 24:35

Alaxpachampi akapachampix tukusiniwa, arunakaxasti janiw tukuskaniti.

1 Samuel 17:53

Kunapachatix israelitanakax filisteonakar arktasin kuttanxapxän ukkhaxa, filisteon campamentopat q'al yänakap apsuwayapxäna.