2 Reyes 7:1 - Qullan Arunaka DC

¹ Eliseosti ukxarux sänwa: —Tatitun arup ist'am. Tatitux akham siwa: “Qharür aka pachax, Samaria markar mantañan alasiñax utjani, paqallq kilo jak'usa, jan ukax, tunka phisqan kilo cebadas mä sapa qullqirukiw aljasini” —sasa.

Aymar Bibliia 1986

¹ Eliseosti ucjjarojj sänwa: —Ist'am Tatitun arupa. Tatitusti aqham siwa: “Kharürusti aca pachpa horasanwa Samaria marca mantañana pakallk kilo jac'uw alasiñajj utjani mä sapa kollketaquiqui, uqhamarac tunca pheskan kilo cebadasti mä sapa kollketaquiquiraquiw alasiñajj utjaraquini” sasa.

Qullan Arunaca

¹ Eliseosti ucjjarojj sänwa: —Ist'am Tatitun arupa. Tatitusti aqham siwa: ‘Kharürusti aca pachpa horasanwa Samaria marca mantañana pakallk kilo jac'uw alasiñajj utjani mä sapa kollketaquiqui, uqhamarac tunca pheskan kilo cebadasti mä sapa kollketaquiquiraquiw alasiñajj utjaraquini’ sasa.

2 Reyes 7:1 Jak'a apnaqawi uñst'ayäwi

1 Reyes 22:19

Micaiasasti saskakïnwa: —Ukham satamat Tatitun arunakap ist'am: Tatiturux reyi qunuñapan qunt'atäskir uñjta, alaxpachankir angelanakasti taqpachaniw jupa chika sayt'atäskäna, mayninakax kupïxapana, mayninakasti ch'iqäxapana.

2 Reyes 20:16

Ukat Isaiasax jupar säna: —Tatitun yatiyäwip ist'am:

2 Reyes 4:42

Uka qhipatsti mä chachaw Baal-salisá chiqat purinïna, Eliseotaki cebada t'ant'anakat pä tunka apanirapïna, jichha lurt'at t'ant'anaka, ukhamaraki wayaqaparux chhuyu trigompi apanirapïna. Eliseosti uywataparux sänwa: —Uka jaqinakan manq'apxañapatak churam —sasa.

2 Reyes 6:25

Ukham muyuntat uñjasipan, Samaria markan manq'at t'aqhisiñax utjäna, mä asno p'iqi alasiñax kimsaqallq tunka qullqïnwa, paloman mä juk'a wanup alasiñas phisqa qullqirakïnwa.

2 Reyes 6:33

Eliseox jupanakampiw parlaskäna, ukapachaw khithat jaqix Eliseon nayraqatapar purinïna; ukat säna: —Tatituw aka jan walt'añ apayanistu, ¿kunat juk'ampirak nayasti Tatitut suyästi? —sasa.

2 Reyes 7:16

Markachirinakasti ukspachaw mistuwayapxäna, ukatsti sirionakan campamentopat yänak q'ipsunipxäna. Ukatsti kunjämtix Tatitux yatiykatayna ukhamarjamaw paqallq kilo jak'umpi, tunka phisqan kilo cebadampix mä qullqiruki aljasïna.

Salmos 46:5

5 (6) Tatit Diosax markap taypinkiwa, jupaw imaskani; Diosaw qhanjtatpach markaparux yanapaskani.

Éxodo 14:13

Ukampis Moisesax ukxaruw jupanakar säna: —Jan axsarapxamti. Ch'amañchasipxam, jichhüruw uñjapxäta kuntix Tatitux jumanakar qhispiyañatak lurkani uka. Jichhür uñjapkta uka egipcionakarux janiw mayampsa uñkatkxapxätati.

Éxodo 16:12

—Nayax israelitanakan arusitanakap ist'twa. Jupanakamp parlam, akham sarakim: “Jayp'thapirux aycha manq'apxäta, willjtarusti sist'asiñkamaw t'ant'a manq'apxarakïta. Ukhamat jumanakax yatipxäta nayan jumanakan Tatit Diosamätaxa” —sasa.

Éxodo 8:23

23 (19) Markaxampiru, markamampirux yaqha yaqha uñjä. Aksti qharürpachaw lurä’ ” sasa.

Isaías 1:10

Sodoma markan jilïrinakapa, Tatitun arunakap ist'apxam. Gomorra markachirinaka, Tatituxan yatichäwinakap ist'apxam.

Ezequiel 37:4

Tatitusti sarakituwa: “Nayan sutixar aka ch'akhanakarux parlam, sarakim: ‘Waña ch'akhanaka, Tatitun yatiyäwi arunakap ist'apxam.

Juan 6:9

—Mä yuqall wawaw akanki; cebada jak'ut lurat phisqa t'ant'ampi, pä chawllampiw jupan utji, ukasti, janiw kunäkanisa aka jaqinakar churañatakixa —sasa.

Josué 3:5

Josué chachasti jupanakarux sänwa: “Q'umachasipxam, Tatitux qharüru willjtax muspharkañ luräwinak jumanak taypin lurani” sasa.

Apocalipsis 6:6

Ukatsti uka pusi jakaskirinak taypit mä aru ist'arakta akham siri: “Mä urpacha irnaqatat qullqi katuqatax mä kilo trigo, jan ukax, kimsa kilo cebada alasiñatakikïniwa; ukampis janiw aceitempina, vinompin alap irxattayätati” sasa.

1 Samuel 11:9

Ukatsti purinipki uka khithatanakarux akham sänwa: —Jichhax Jabés chiqan utjiri jaqinakarux sapxam, qharüru chika uruw jupanakarux qhispiyatäni —sasa. Khithatanakasti sarasin Jabés chiqan utjasirinakaruw yatiyapxäna, jupanakasti wal kusisipxäna.

1 Samuel 15:1

Mä uruw Samuelux Saúl reyir säna: —Tatitux Israel markapan reyipäñamatak utt'ayiriw khithanitu. Ukhamasti, kuntix Tatitux sañ munktam uk ist'am.