2 Reyes 6:5 - Qullan Arunaka DC

⁵ Ukampis profetanakat maynïrix mä quqa k'uthaskasaw akatjamat hachap umar jalantayasïna, ukat jach'at art'äna: —¡Ay, yatichiri! ¡Uka hachax janiw nayankkiti, mayt'atakiwa! —sasa.

Aymar Bibliia 1986

⁵ Ucampis cunapachatï maynejj mä koka c'uthascäna ucqhajja, hachapwa umar jalantayi, ucatjja jach'atwa art'äna: —¡Ay, yatichiri! ¡Uca hachajj mayt'ataquiwa! —sasa.

Qullan Arunaca

⁵ Ucampis cunapachatï maynejj mä koka c'uthascäna ucqhajja, hachapwa umar jalantayi, ucatjja jach'atwa art'äna: —¡Ay, yatichiri! ¡Uca hachajj mayt'ataquiwa! —sasa.

2 Reyes 6:5 Jak'a apnaqawi uñst'ayäwi

2 Reyes 3:10

Ukat Israelan reyipax säna: —Amuyatatxa Tatitjamakiw jiwas kimsa reyirux irpanistu moabita jaqinakan amparapar katuyañataki —sasa.

2 Reyes 4:7

Uka qhipatsti warmix profetan ukar sarasin uk yatiyäna, profetasti jupar sänwa: —Jichhasti uka aceite aljir saram, ukat uka aljatampiw manum phuqhäta. Ukat jilt'äki ukasti jumana, wawanakamana jakapxañamatakïniwa —sasa.

2 Reyes 6:15

Qhipürusti, Eliseon uywatapax willjtat sartasïna, anqar mistusinsti, caballeriampi nuwasiñ carronakampi ejercitoru markar muyuntat uñjäna; ukat jupax Eliseor yatiyäna, akham sasa: —¡Jichhasti yatichiri! ¿Kuns kamachañäni? —sasa.

2 Reyes 6:4

Eliseosti jupanakamp chikaw Jordán jawirkam saräna, ukansti jupanakax quqanak tinkuyapxäna.

2 Reyes 6:6

Eliseosti jiskt'änwa: —¿Kawkharus jalanti? —sasa. Maynisti kawkharutix hachax jalantkatayna uka chiq uñacht'ayäna. Ukat Eliseox mä lawa khuchhuqasin ukawjar jaquntäna, hachasti uma pataruw tuysunïna.

Salmos 37:21

Ñanqha jaqix mayt'asisin janiw kutt'aykxiti, aski jaqisti khuyapt'ayasiri, suma chuymaniwa.

Eclesiastés 10:10

Hachatix muthuptaspa ukat janirak ariptayksna ukaxa, ch'amamp phat'antañaw wakisispa. Yatiñ kankañampi lurañaw taqi kunat sipan askixa.

Isaías 10:34

Tatitusti may ch'amt'asakiwa uka Libanonkir suma quqanakarux tinkurayi.

Apocalipsis 18:10

Ninan mutuyäwipar axsarasasti, jayatak uñch'ukipxani, sapxarakiniwa: “¡Ay! ¡Babilonia jach'a marka, ch'aman marka, kunarus purt'asta! ¡Akatjamatakirakis mutuyäwimax purinixä!” sasa.

Apocalipsis 18:16

sapxani: “¡Ay! ¡Kunarurak purt'asta! ¡Llakkañätaw ch'aman jach'a marka! Suma lino isinakampi isthapitaw sarnaqäyätaxa, suma wila chupika isinakampi, qurimpi, suma k'ajkir qalanakampi, suma perlanakampiw k'achachasïyätaxa.

Apocalipsis 18:19

Ukatsti laq'ampiw p'iqinakapat willxatasipxäna, jachapxäna, wararipxarakïna: “¡Ay, kunarurak purt'asta! ¡Llakkañätaw ch'aman jach'a marka! Qamir yänakamampiw qutan barcompi irnaqirinakax qamiriptapxi. ¡Jichhasti jank'akirakis uka qamir yänakamax tukusiwayxixä!”