2 Reyes 5:7 - Qullan Arunaka DC

⁷ Israel marka apnaqir reyisti qillqat ullarasax, llakisiñat isip ch'iyanuqasïna, ukat sarakïna: —¿Nayasti jakañ churiri, jakañ apaqir Diosätti, jupan aka chachar lepra usupat qullañaxataki khithaniñapatakisti? ¡Sum amuyapxam, uñjapxarakim, nayatak jan walt'añ thaqhatapa! —sasa.

Aymar Bibliia 1986

⁷ Cunapachatï Israel reyejj carta leet'äna ucqhajja, isipwa ch'iyanokasïna llaquisiñapa uñacht'ayasina, aqham sasa: “¿Nayasti jacaña churiri, uqhamarac jacaña apakeri Diosättisti, jupan aca chacharu qhithaniñapataqui lepra usupata kollañajjataquisti? ¡Sum amuyapjjam, ucatsti uñjapjjaraquim cunjämsa naya contrajj jan walt'aña thakejja uca!”

Qullan Arunaca

⁷ Cunapachatï Israel reyejj carta leet'äna ucqhajja, isipwa ch'iyanokasïna llaquisiñapa uñacht'ayasina, aqham sasa: “¿Nayasti jacaña churiri, uqhamarac jacaña apakeri Diosättisti, jupan aca chacharu qhithaniñapataqui lepra usupata kollañajjataquisti? ¡Sum amuyapjjam, ucatsti uñjapjjaraquim cunjämsa naya contrajj jan walt'aña thakejja uca!”

2 Reyes 5:7 Jak'a apnaqawi uñst'ayäwi

Génesis 30:2

Jacobusti Raquel warmipatakix phiñasïnwa, ukat säna: —¿Nayasti Diosätti? Jupaxay wawa jan apaykstamtixa —sasa.

Génesis 37:29

Rubenax uka phuch'ur kutt'ankäna ukkhasti, Josear ukan jan jikxatasax llakisiñat isip ch'iyanuqasïna.

Génesis 50:19

Ukampis Joseax ukxaruw sarakïna: —Jan axsarapxamti. Janiw nayax Diosäkti.

2 Samuel 1:11

Ukat Davidampi, jupa chikäpkän uka jaqinakampix llakisiñat isinakap ch'iyanuqasipxäna,

1 Reyes 20:7

Ukat Israelan reyipax markan taqpach jilïrinakapar jawsayanïna, jupanakarusti sänwa: —Amuyapxam, aka jaqix nayar ñanqha lurañ thaqhaski. Jupax warminakaxa, wawanakaxa, qamir yänakax mayitu, nayasti uka mayitapar jaystwa —sasa.

2 Reyes 11:14

Ukansti Joás reyiruw uñjäna, templon sayirinakap jak'an sayt'atäskiri, kunjamäkäntix sarapax ukhamarjama. Jupa jak'ansti capitananakampi, musiconakampiw ukankapxäna; jaqinakasti wali kusisitaw trompetanaka phust'apxäna. Ukham uñjasinsti Atalía reinax isip ch'iyanuqasïna, jach'at art'arakïna: —¡Sallqjapxituwa! ¡Sallqjapxituwa! —sasa.

2 Reyes 18:37

Ukatsti Eliaquim, Sebná, Joah chachanakax, wali llakt'ataw isinakap ch'iyanuqasipxäna, ukatsti Ezequías reyin ukaruw sarapxäna, kuntix Asiriankir jilïr oficialapax siskatayna ukanak yatiyiri.

2 Reyes 5:6

Israelan reyipatakisti uka qillqat aparakïna, qillqatasti akham sänwa: “Aka qillqat katuqasax yatïtawa, ejercitoxan Naamán jilïripar nayan jupar khithanitaxa, jupar lepra usupat qullañamataki” sasa.

Jeremías 36:24

Janiw reyisa, uka jach'a jilïrinakasa, uka arunak ist'asax axsartapkänti, janirakiw llakt'asipkänsa.

Daniel (hebreo) 2:11

Sinti ch'amapuniw juma reyin mayitamaxa, janiw khitis uka mayitamarux qhanañchkaspati, inas diosanakax qhanañchapxchispan; ¡ukampis uka diosanakax janiw jaqinak taypin jakapkiti! —sasa.

Oseas 6:1

Taqin jutapxam, Tatitun ukar kutkatxañäni. Jupaw usuchjistu, juparakiw k'umarachxistani; chhuxriñchjistuwa, juparakiw qullt'xistani.

Números 14:6

ukatsti Josué chachampi, Caleb chachampix, llakisiñat isinakap ch'iyanuqasipxäna, jupanakax mayninak chikaw uka uraqinak uñakipanipxatayna,

Mateo 26:65

Sacerdotenakan jilïripasti uk ist'asin mayjt'asiñat isinakap ch'iyanuqasïna, sarakïnwa: —Aka jaqin arunakapax Diosar ñanqhachir arunakawa. ¿Kunat juk'ampi irkatirinakas munasixa? Jumanakax uka ñanqha arunakap ist'apxtawa.

Lucas 11:54

ukhamat pachpa arupamp aynacht'ayañataki.

Hechos 14:14

Bernabeampi Pablompisti, jaqinakan ukham lurañ amtatap amuyasinxa, isinakap ch'iyanuqasipxäna, jaqinak taypir jalantasin jach'at sapxarakïna:

Deuteronomio 32:29

Jupanakatix yatiñanïpxaspaxa, amuyt'apxaspawa; kunäkanitix ukanaksa yatipxarakispawa.

Deuteronomio 32:39

Jichhax amuyasipxam, naya sapakïtwa Diosaxa. Janiw nayat sipan yaqha diosanakax utjkiti. Nayaw jakañ churta, nayarakiw jakañ apaqta; nayaw usuchnuqta, nayarakiw k'umarachta. ¡Janiw khitis utjkiti ch'amaxat qhispirixa!

1 Samuel 2:6

Tatituw jakañ churistu juparakiw jiwañ apayanistu.